ԵՐԵՎԱՆ, 27 դեկտեմբերի — Sputnik. Գործարար Դավիթ Վարդանյանի հետ սիրավեպը զարգանում է, բայց հայտնի ռուս երգչուհի Ալյոնա Սվիրիդովան չի պատրաստվում ամուսնանալ նրա հետ։ Այդ մասին նա պատմել է Sobesednik-ին։ 55 տարեկան երգչուհին նշել է, որ իր աչքերը փայլում են այն փաստից, որ ինքը վաղուց մենակ չէ։ Սվիրիդովան պատմել է, որ Դավթի հետ ծանոթացել է Երևանում երեկույթներից մեկի ժամանակ։
«Ես շպարված չէի, ինչ-որ սպորտային համազգեստով էի… Բայց Դավիթը, միևնույն է, ուշադրություն դարձրեց ինձ վրա։ Հաջորդ օրն ինձ հրավիրեց կինո, և շուտով սիրավեպ սկսվեց, որը շարունակվում է մինչ օրս», — խոստովանել է երգչուհին։
Սվիրիդովայի խոսքով՝ նա և իր ընտրյալը, որը երիտասարդ է նրանից 14 տարով, հաշտ ու համերաշխ ապրում են։
«Իմ տարիքի առավելությունն այն է, որ արդեն սկսում ես ինչ-որ բան հասկանալ կյանքում և չես անհանգստանում շատ բաների համար, որոնք ուրիշների համար բավական լուրջ են», — ասել է Սվիրիդովան։
ԶԼՄ-ներում մի քանի տարի առաջ լուրեր են պտտվել Ալյոնայի և Դավթի գաղտնի հարսանիքի մասին։ Երգչուհին մեկնաբանել է այդ լուրը։
Սվիրիդովայի խոսքով՝ ինքը չի պատրաստվում ամուսնանալ, իսկ ամուսնության սրբազան իմաստը լիակատար ձուլման և միմյանց նկատմամբ պատասխանատվության մեջ է։
Ալյոնա Սվիրիդովան երկու անգամ ամուսնացած է եղել։ Առաջին անգամ նա ամուսնացել է 18 տարեկանում Սերգեյ անունով տղամարդու հետ, որը մեծ է եղել նրանից 9 տարով։
