ԵՐԵՎԱՆ, 29 նոյեմների — Sputnik. Շենքների վատ ջերմապաշտպանության պատճառով Հայաստանում ձմռանը ջեռուցման համար մի քանի անգամ ավելի շատ են գումար ծախսում, քան կարող էին։ Այս մասին Sputnik Արմենիայի թղթակցին ասաց Հայաստանի էներգետիկայի նախարարությանը կից «Էներգետիկայի գիտահետազոտական ինստիտուտ» ՓԲԸ էներգահամակարգերի կառավարման բարելավման բաժնի վարիչ Սերգեյ Աբրահամյանը։
Շենքերի ջերմակայունության շինարարական նորմերի համաձայն՝ ցուրտ սեզոնին սենյակային ջերմաստիճան ունենալու համար հանրապետությունում միջինը մոտ 50-60 կիլովատ/ժամ ջերմություն է հարկավոր (լինի էլեկտրականություն, թե գազ)։
Մինչդեռ Հայաստանում չի կարելի գտնել մի շենք, որի ջեռուցման համար դրանից պակաս է պահանջվի։ Հինմականում խոսքը հարյուր-երկու հարյուր կիլովատ/ժամի մասին է։
Շինարարական նորմերն, իհարկե, գործում են, բայց կառուցապատողները պարտավոր չեն դրանց ենթարկվել։ Պարտադիր ուժ ունեցող այլ «տաք» փաստաթղթեր էլ գոյություն չունեն։
Այդ պատճառով էլ ինստիտուտը երկար ժամանակ աշխատում էր Եվրամիության՝ էներգաադյունավետության հետ կապված երկու հրահանգների (31/2010 և 27/2012)
տեղայնացման ուղղությամբ։
Կատարված աշխատանքի շնորհիվ այդ պահանջները պարտադիր են դարձել Հայաստանի հասարակական շենքերի համար, այն բոլոր շենքերի, որոնք բյուջեի հաշվին են գոյատևում։ Դրանցում պարտադիր են էներգաարդյունավետության նորմերը կառուցապատման ու վերանորոգման ժամանակ։
Համաշխարհային փորձը ցույց է տալիս, որ այդ ժամանակ ծախսերն ավելանում են միջինը 10-12%-ով։ Սակայն զարգացած երկրներում այդպիսի ծախսերը հատուցվում են տարատեսակ արտոնությունենրով, ընդգծեց Աբրահամյանը։
