«Մայրիկ, աշխատի՛ր: Երեխայիդ կնայեն». պատգամավորները որոշեցին օգնել մայրերին
ԵՐԵՎԱՆ, 15 նոյեմբերի – Sputnik. Հայաստանի Խորհրդարանն առաջին ընթերցմամբ ընդունել է դայակների մասին օրինագիծը: Օրենքի համաձայն՝ նրանց, ովքեր կցանկանան վերադառնալ աշխատանքի, առաջարկում են 55 հազար դրամ ներկա 18 հազարի փոխարեն:
Խորհրդարանն առաջին ընթերցմամբ ընդունել է «Զբաղվածության մասին» օրենքում փոփոխությունները նախագիծը: Պետությունը պատրաստվում է օգնել այն մայրերին, որոնք մինչև երեք տարի դեկրետային արձակուրդում են և ցանկանում են վերադառնալ աշխատանքի:
©
Sputnik / Александр Кондратюк
Օրինագիծն ուժի մեջ կմտնի 2018 թ.-ի հունվարի 1-ից: Գործողության առաջին տարում պետբյուջեն պատրաստ է իր վրա վերցնել 200 մայրերի խնամքը: Գործող օրենքով՝ կանայք մինչև 2 տարեկան երեխայի խնամքի համար ստանում են ամսական 18 հազար դրամ նպաստ: Դեկրետային արձակուրդի երրորդ տարին չի վճարվում:
Այժմ ցանկանում են օգնել մայրիկների կարիերայի աճին: Նրանց, ովքեր իրենց փոքրիկին կվստահեն դայակին կամ մանկապարտեզին, պետությունը կօգնի «50/50» սկզբունքով, բայց իր ներդրումը կսահմանափակի նվազագույն աշխատավարձով (55 հազար դրամ): Մնացած 50 տոկոսը պետք է վճարեն ծնողները, ընդ որում, պետք է պայմանագիր կազմեն դայակ վարձելու մասին, որպեսզի դայակները չմոռանան հարկերի մասին:
Ավելի վաղ, օրենքի քննարկման ժամանակ, պատգամավորները հետաքրքրվել են աշխատանքի և սոցիալական հարցերի նախարար Արտեմ Ասատրյանից, թե ծնողները չեն սկսի արդյո՞ք նման պայմանագրեր ձևակերպել իրենց հարազատների անունով (օրինակ՝ զոքանչի կամ սկեսուրի): Նախարարը պատասխանել է, որ նման մանրամասներով կառավարությունն ավելի ուշ կզբաղվի:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։