Ընձառյուծ

Ունիկալ ընձառյուծի ճանապարհորդությունը. ուր է Հայաստանից հասել երեքոտանի գիշատիչը

212
Մոտ չորս տարի առաջ մի թաքնված տեսախցիկ կովկասյան ընձառյուծ ֆիքսեց Հայաստանում: Այն հայտնի է որպես պարսկական կամ միջինասիական ընձառյուծ, և հազարավոր տարիներ այդ տեսակը բնակվել է մեր երկրի տարածքում:

ԵՐԵՎԱՆ, 6 նոյեմբերի  — Sputnik. Չորս տարի առաջ Հայաստանում հայտնված հազվագյուտ երեքոտանի ընձառյուծը  հայտնվել է  հարևան Իրանի տարածքում, գրում է The Smithsonian առցանց հրատարակությունը:

Որոշ ժամանակ կենդանին անհետացել էր:

Ավելի ուշ թաքնված տեսախցիկները նկարել են գիշատչին Հայաստանի տարածքում, ասել է Վայրի բնության և մշակութային արժեքների պահպանման հիմնադրամի հիմնադիր Ռուբեն Խաչատրյանը:

«Վեց ամիս անց կենդանուն նկատել էին  Ադրբեջանի տարածքում: Երկու տարի առաջ ես այցելեցի Իրան, որտեղ իմ գործընկերները ցույց տվեցին մեր ընձառյուծի լուսանկարները: Պարզվեց, որ նա հասել է Իրան»,- ասաց Խաչատրյանը:

The Smithsonian հրատարակության համաձայն՝ Խաչատրյանը և նրա ընկերները հիմնադրամի գործունեության շրջանակներում Հայաստանի  Արարատի մարզում ստեղծեցին Կովկասի վայրի կենդանիների պաշտպանության միգրացիոն միջանցք:

Նշվում է, որ կովկասյան ընձառյուծի մասին առաջին հիշատակումները եղել են հայկական Ուխտասար լեռան գագաթին հայտնաբերված հին ժայռապատկերների վրա:

Կովկասյան ընձառյուծ (Felis pardus ciscaucasicus) կամ կովկասյան ենթատեսակ՝ համեմատաբար խոշոր և թույլ գունատ, խայտաբղետ. բնակում է Կովկասում, հիմնականում, անտառապատ լեռներում, սակայն անտառային բուսականության հետևից, երբեմն, իջնում է ներքև, հանդիպում է, օրինակ, Թալիշի հովիտներում: Մյուս կողմից, Արաքսի գետահովտում բնակվում է անանտառ, անապատային լեռներում: Նախկին ԽՍՀՄ-ում նրա քանակը նվազել էր: Կովկասում այն ավելի հազվադեպ է, քան Միջին Ասիայում և Արևելքում:

212