Բաթում

Հայերն ու ադրբեջանցիները նախընտրում են հանգստանալ Վրաստանում

26
Վրաստանի զբոսաշրջության ոլորտի վիճակագրական տվյալները ցույց են տալիս, որ Հայաստանի և Ադրբեջանի զբոսաշրջիկները սկսել են ավելի հաճախ այցելել Վրաստան։

ԵՐԵՎԱՆ, 4 հոկտեմբերի — Sputnik. Ազգային զբոսաշրջային գործակալության տվյալներով 2017 թվականի հունվար-հոկտեմբեր ամիսներին Վրաստան այցելել է ավելի քան 6.4 մլն օտարերկրացի, որոնցից ավելի քան 3 մլն-ը զբոսաշրջիկ է եղել, ինչը 28% —ով գերազանցում է նախորդ տարվա տվյալները: Այս մասին հայտնում է jnews.ge-ն։

Առաջին հնգյակում են Հայաստանի քաղաքացիները (+ 15,8%), Ռուսաստանի (+ 33,3%), Թուրքիայի (-4,1%) և Իրանի (+ 122.8%) քաղաքացիները: Առաջին տեղում են Ադրբեջանի զբոսաշրջիկները (+ 10,8%):

Եվրոպական երկրների շարքում առաջատարն է Բրիտանիան (+ 40%), այնուհետև Ավստրիան (+ 36.8%), Նիդեռլանդները (+ 34.6%), Ֆրանսիան (+ 30.4%) և Գերմանիան (+ 29.1%):

Տուրիստների աճ է նկատվում Սաուդյան Արաբիայից (+ 171.5%), Քուվեյթից (+ 150.3%), Իրանից (+ 122.8%), Ուզբեկստանից (+ 88.1%), Կորեայից (+ 75.4%), Հնդկաստանից (+ 70%) և Չինաստանից (+ 56.9%):

Ընթացիկ տարվա հոկտեմբերին Վրաստան է այցելել մոտ 608 000 այցելու, ինչը 15.2% —ով ավելի է 2016 թվականի նույն ժամանակահատվածի համեմատ: Դրանցից ավելի քան 259 հազարը զբոսաշրջիկ է եղել (+ 19,9%):

Օտարերկրյա զբոսաշրջությունից ստացած եկամուտները, 2017 թվականի առաջին կիսամյակի տվյալների համաձայն, կազմում է 1,1 մլրդ դոլար, ինչը նախորդ տարվա նույն ժամանակահատվածի համեմատ աճել է 225 մլն դոլարով, այսինքն՝ 26% —ով:

26