«Զվարթնոց» օդանավակայան

Մեր ախպար-եղբայրները կամ ինչ չգիտեինք հայրենադարձների մասին

459
(Թարմացված է 11:02 21.08.2017)
Հայրենադարձների հետ ծանոթանալուց հետո առաջին տպավորությունը` սիրալիր են շփման մեջ, բարեխիղճ` աշխատանքում, և որ ամենահետաքրքիրն է` գրեթե չեն ստում:

Նախ խոսենք այն մասին, թե ինչո՞ւ «ախպար»: Հայրենակիցներին «ախպեր» բառով դիմելիս՝ եկվորները փոքր-ինչ այլ արտասանությամբ էին ասում և աղավաղված ստացվում էր «ախպար»: Այդպես էլ ամրապնդվեց այդ բառը:

Հայրենիքում «ախպարների» առաջին քարավաններին դիմավորում էին նվագախմբի ուղեկցությամբ և հեքիաթներ պատմում այն մասին, որ նրանք կապիտալիստական դժոխքից, վերջապես, տեղափոխվեցին կոմունիստական դրախտ:  («Հայֆիլմում» այս թեմայով նկարահանվեց «Սիրտն է երգում» ֆիլմը. Արևմուտքում կուրացած ու խաբված երգիչ Արթուր Այդինյանը, հայրենիքում հայտնվելով, արագ խելքի է գալիս և, սրտի կանչին հետևելով, սկսում է երգել այնպես, ինչպես պետք է, և այն, ինչ պետք է):

Ի՞նչ նոր բան տվեցին Երևանին միևնույն ազգի, սակայն տարբեր մշակույթների (առաջին հերթին վարքագծա-կենցաղային) ներկայացուցիչները: Ահա թե ինչ: Արդյոք հայտնի՞ է մեր երիտասարդ ընթերցողներին, թե ինչից կամ, ավելի ճիշտ, ումից են իրենց ծնողները և նույնիսկ ծնողների ծնողները ժառանգել սուրճի նկատմամբ ունեցած մոլուցքը: Որտեղի՞ց է առաջացել սերը տնական պահածոների, նորաձև հագուստի նկատմամբ, «մերսի», երբեմն էլ «շատ մերսիներ» ասելու սովորությունը:

Երկու բառ սուրճի մասին: Լավագույն սուրճը կարելի էր ըմպել Ֆրանսիայի դեսպանատան տեղում գտնվող «Մասիս» ռեստորանի պատշգամբում: Լավագույններից լավագույնը՝ «Երևան» հյուրանոցի բացօթյա սրճարանում: Եթե խոսենք անմահական սուրճի մասին, ապա պետք է հիշել «Անի» հյուրանոցում մատուցվող սուրճը:  «Արմենիա» ռեստորանում էլ պակաս համով սուրճ չէին տալիս: Սակայն ամենահամեղ սուրճը պատրաստվում էր տանը: Մի խոսքով՝  Երևանում վատ սուրճ չկար:

Թե ինչպես էր այն պատրաստում «Մասիս» ռեստորանի ախպեր-Կարոն, մանրամասն չեմ հիշում: Մի փոքր խցում պատի տակ գազօջախ կար, գազօջախի վրա` մանղալ, մանղալում` շիկացած ավազ, ավազի վրա, Կարապետի կամքին ենթարկվելով, սրճեփներն էին այս ու այն կողմ գնում, յուրաքանչյուրում երկար եռացող ըմպելիքի ուղիղ մեկ գավաթ: Ճիշտ ժամանակին Կարոն ավազի վրայից վերցնում էր սրճեփները, սուրճի վրա ավելացնում մի կաթիլ անհասկանալի մի բան (ասում էին` կարագ) և մատուցում:

Սուրճ ըմպելու արարողությունն ուղեկցվում էր անթիվ սիգարետներ ծխելով, սակայն դրանցից լավագույնները`  «Քենթն» ու «Մալբորոն», գնվում էին ամբողջ Երևանին հայտնի Պուրտուլ անունով անձից: Բայց սա արդեն մեկ այլ պատմություն է:

… Վաթսունականներին  «Երևան», այնուհետև նաև նորակառույց «Արմենիա» հյուրանոցները, ապշեցնում էին խորհրդային սպասարկմամբ  («սպասարկում» հասկացությունն ավելի ուշ շրջանառության մեջ մտավ): Արդյոք հարկ կա՞ բացատրելու, թե որտեղից այն ժամանակվա մետրդոտելներին նման անզուգական շարժուձև, մատուցողների` ազնվատոհմ մարդկանց վայել կեցվածք, բացի այդ օտար լեզուների հիանալի  իմացություն:

Ու՞մ մոտ կտրել մազերը: Դե իհարկե, Մարսելից եկած Արամի: Ո՞ւմ մոտից էին հագուստ գնում, դե իհարկե Արաբկիրում բնակվող Օժենի, նա կնամոլ էր և Աստծու կողմից  օժտված էր դերձակի հիանալի հմտություններով: Ու՞մ մոտ գնալ լուսանկարվելու: Միայն և միայն Խանդիկյանի, որը մի փոքր ատելիե ուներ ներկայիս Նկարիչների տան տեղում: Իսկ սուրճի մրուրի վրա գուշակություններ էր անում Զեյթունցի Սրբուհին:

Հասկանալի է, որ հեղինակը միայն «հանճարների» անունները թվարկեց, բայց նրանց շարքում կային տասնյակ և հարյուրավոր այլ վարպետներ: Պարզապես հեղինակը նրանց չի ճանաչում:

Իհարկե, «ախպարները» ոչ միայն ոսկի ձեռքեր ունեին, այլև խելացի էին: Ընթերցողին չձանձրացնելու նպատակով թվարկեմ միայն անունները: Ակադեմիկոս Արման Կուչուկյան, գրող, դրամատուրգ և հրապարակախոս Պերճ Զեյթունցյան, երգչուհի Գոհար Գասպարյան, կոմպոզիտոր Տիգրան Մանսուրյան, դիրիժոր Հովհաննես Չեքիջյանը, ռեժիսոր Արման Մանարյան… Եվ սա մտքիս եկած առաջին անուններն են:

Ասել, թե «ախպարները» միանգամից «ախպեր» դարձան, չի կարելի: Նրանց հաճախ ծաղրում էին, և ասես հետևելով ժամանակին Ստալինի տված հրահանգին` «առողջ անվստահությունը լավ հիմք է համատեղ աշխատանքի համար», ոչ միշտ էին մոտ թողնում կարևոր աշխատանքին։

Սկզբնական շրջանում մոտավորապես նույն կերպ էին ընդունում էին նաև Թբիլիսիի (շուռ տված), Բաքվի (թուրք) հայերին։ Ասել, թե ղարաբաղցի եղբայրները միանգամից ուրախությամբ ընդունվեցին, նույնպես չի կարելի: Սակայն եթե ինչ-որ մեկը մտածի, թե սա «երևանյան հիվանդության» պես մի բան է, որով միայն մենք՝ երևանցիներս ենք տառապում, ապա սխալված կլինի:

Իսկ ինչ վերաբերում է մեր «ախպարներին», ի՞նչ կարելի է ասել: Մաղթենք նրանց առողջություն, հաջողություն և մեծ շնորհակալություն հայտնենք: Կամ ինչպես սիրում են ասել մեզ մոտ` «շատ մերսիներ»: Սա վերաբերում է նաև Սիրիայի մեր հայրենակիցներին, որոնք այսօր այրվող երկրից տեղափոխվում են հայրենիք` նախնիների հող։

459
Pentawards մրցանակաբաշխություն

Հայկական ընկերությունը երկրորդ անգամ փաթեթավորման դիզայնի «Օսկար» է ստացել

39
(Թարմացված է 23:58 24.09.2020)
Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

ԵՐԵՎԱՆ, 24 սեպտեմբերի – Sputnik. Հայկական Backbone բրենդինգ ընկերությունը երկրորդ տարին է` ճանաչվում է  Pentawards մրցանակաբաշխության հաղթող, տեղեկանում ենք ընկերության Facebook-ի էջից։

Pentawards-ը փաթեթավորման դիզայնի ոլորտում նույն մասշտաբի և հեղինակության մրցանակաբաշխություն է, ինչ կինեմատոգրաֆիայի ոլորտում «Օսկարը»։ Այն հիմնադրվել է Լոնդոնում, նրան ամեն տարի մասնակցում են աշխարհի առաջատար դիզայներական ընկերությունները՝ ներկայացնելով  տարբեր մեգաընկերությունների համար ստեղծված բրենդները՝ Microsoft, Coca Cola, Snickers, Nestle, Nike, Xiaօmi  և այլն։

«Մենք ուրախ  և անասելի հպարտ ենք, որ այս տարի աշխարհի տարբեր երկրների և միջազգային խոշոր կազմակերպությունների ներկայացուցիչների և ընկերությունների ներկայությամբ, 2-րդ անգամ հնչեց Agency of the Year - Backbone from ARMENIA արտահայտությունը: Այս տիտղոսը մեծ փառք և հեղինակություն է բերում ոչ միայն մեր ընկերությանը այլև Հայաստանին՝ միջազգային հարթակում», – ասված է ընկերության տարածած հաղորդագրությունում։

Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ

Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

39
թեգերը:
«Օսկար» մրցանակաբաշխություն, մրցանակաբաշխություն
Ըստ թեմայի
Նոբելյան մրցանակակիրը հայտարարել է` կորոնավիրուսը լաբորատորիայում է ստեղծվել
Հայտնի են «Ավրորա 2020»–ի մրցանակակիրները
Նախագահական, հետո «Պողոսյան». մրցանակների հանձնման արարողությունը՝ լուսանկարներով
Ադամ Սահկյանի անկյունը իրենց տանը

«Վերածնունդդ օրհնվի, Ադամ ջան». ծնվել է Ապրիլյան պատերազմի հերոս Ադամ Սահակյանի եղբորորդին

56
(Թարմացված է 23:29 24.09.2020)
Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։ Նա հորեղբոր անունը կկրի։

ԵՐԵՎԱՆ, 24 սեպտեմբերի – Sputnik. Ծնվել է ապրիլյան պատերազմի հերոս Ադամ Սահակյանի եղբորորդին, նրան հորեղբոր պատվին Ադամ են անվանել։ Տեղեկությունը հայտնում է Ադամի մայրիկը` Գայանե Անտոնյանը, Facebook-ի իր էջում։ Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։

Բարեկամներն ու ընկերները շնորհավորում են Ադամի մայրիկին` փոքրիկի ծննդյան առթիվ։

«Վերածնունդդ օրհնվի, Ադամ ջան։ Գայանե քույրս, բոլորիս աչքը լույս», «Գայանե ջան, ձեր ընտանիքում նրա ծնունդով ուրախությունը ուրախությանը թող հաջորդի», – գրում են Անտոնյանին։

Ադամ Սահակյանը 2016-ի ապրիլին տեղի ունեցած հայ–ադրբեջանական պատերազմի հերոս է։ Ապրիլի 1-ի գիշերը՝ «Լալայկա» կոչվող բարձունքում ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության` ադրբեջանական հարձակման դեմ։ Իր զինընկերների հետ 5 ժամ շարունակ մարտնչելով թշնամու դեմ և հասցնելով նրան զգալի կորուստներ (200-ից ավելի սպանված հատուկջոկատային)` Սահակյանն ընկնում է հերոսի մահով։

Սահակյանի և նրա զինընկերների` թշնամու դեմ մղած պայքարը հնարավորություն է տվել Ջաբրաիլի հայկական գնդին տեղակայվել ռազմաճակատի 2-րդ գծում և կանգնեցնել հակառակորդին։ Սահակյանը հետմահու պարգևատրվել է Արցախի Հանրապետության «Մարտական ծառայություն» և Հայաստանի Հանրապետության «Արիության» մեդալներով։

Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ

56
թեգերը:
երեխա, նորածին, Ադամ Սահակյան
Ըստ թեմայի
Ապրիլյան պատերազմում զոհված Արմենակ Ուրֆանյանին Արցախի հերոսի կոչում կշնորհվի
«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին
Ո՞վ է հաղթել Ապրիլյան պատերազմում. Արցախի նախագահը ներկայացրեց իր տեսակետը

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները