Ալլա Լևոնյան

Ինչու է Ալլա Լևոնյանը դիմել ոստիկանություն

251
(Թարմացված է 19:13 15.08.2017)
Առավոտից համացանցում հայտնվեց լուրն այն մասին, որ սիրված ու ճանաչված երգչուհի Ալլա Լևոնյանը դիմել է ոստիկանության և հայտնել, որ իր հասցեին մահվան սպառնալիքներ են հնչում։ Sputnik Արմենիան զրուցել է երգչուհու հետ և պարզել, թե ինչ է տեղի ունեցել իրականում։

ԵՐԵՎԱՆ, 15 օգոստոսի — Sputnik. Այսօր` օգոստոսի 14-ին, հայկական լրատվամիջոցները, մեկը մյուսից արտատպելով, լուր տարածեցին, որ հայտնի երգչուհի Ալլա Լևոնյանը դիմել է ՀՀ ոստիկանության կազմակերպված հանցավորության դեմ պայքարի գլխավոր վարչություն և հայտնել, որ տևական ժամանակ է, Facebook սոցիալական ցանցի «Գայանե Մանուկյան» անվամբ օգտատերը սպանության սպառնալիքներ է հնչեցնում իր հասցեին։ Ըստ լուրի` ոստիկանությունն էլ ձեռնարկում է անհրաժեշտ օպերատիվ միջոցառումներ՝ սիրված երգչուհու հայտնած տեղեկությունները պարզելու և նշված օգտատիրոջը հայտնաբերելու ուղղությամբ։ Sputnik Արմենիան կարողացել է կապ հաստատել Ալլա Լևոնյանի հետ մեկնաբանությունների համար:

Երգչուհին մեզ հետ զրույցում տեղեկացրեց, որ ինքն իսկապես դիմել է ոստիկանություն: Բանն այն է, որ արդեն երկու տարի շարունակ US ARMENIA կայքի լրագրող Գայանե Մանուկյանը երգչուհու վերաբերյալ վիրավորական, հերյուրանք պարունակող հոդվածներ է հրապարակում: Տևական ժամանակ դրանք հանդուրժելուց հետո Ալլա Լևոնյանը որոշել է գործը հանձնել իրավապահներին: Երգչուհին հանուն արդարության նշեց, որ սպանության սպառնալիքի մասին խոսք չկա:

Երգչուհին իր մյուս գործընկերներին ևս խորհուրդ տվեց հետևել իր օրինակին ու չհանդուրժել որոշ լրատվամիջոցների կամ անձանց այսօրինակ վարքագիծը: Նա նաև հաստատեց` եթե հերյուրանքները շարունակվեն, նաև դատարան է դիմելու:

251