Շոկոլադ

Առանց շոկոլադի կյանքն ո՞ւմ է պետք. հագուստից մինչև երջանկության հորմոն

25
(Թարմացված է 16:29 11.07.2017)
Քաղցրի սիրահարներն ամեն տարի հուլիսի 11-ին նշում են Շոկոլադի համաշխարհային օրը։ Կան մարդիկ, որոնք իրենց կյանքը պարզապես չեն պատկերացնում առանց շոկոլադի։

ԵՐԵՎԱՆ, 11 հուլիսի — Sputnik. «Շոկոլադե» տոն ունենալու հեղինակը ֆրանսիացիներն են, Շոկոլադի օրն առաջին անգամ նշվել է 1995 թվականին։ Ասում են, որ առաջին շոկոլադը պատրաստել են ացտեկները և անվանել «աստվածների կերակուր»։

Հոգու և ստամոքսի տոն

Շոկոլադագործ Կարեն Գրիգորյանը Sputnik Արմենիային ասաց, որ Հայաստանում նախապատվությունը տալիս են գործարանային արտադրանքին, քանի որ ձեռքով պատրաստվածը մի թերություն ունի` էժան չէ։

«Հայ գնորդն ավելի շատ կաթնային շոկոլադ է սիրում։ Անցած տարի Երևանում Շոկոլադի փառատոն անցկացվեց, որին մասնակցեցին հայ արտադրողները։ Նրանց համար այդ փառատոնը մի հարթակ էր, որտեղ կարող էին պատմել իրենց արտադրանքի յուրահատկությունների մասին, գործարար կապեր հաստատել և ուսումնասիրել շուկան»,- ասաց Գրիգորյանը։

Շոկոլադագործը ներկայացրեց նաև շոկոլադի ամենակարևոր հատկությունները։

«Խելամիտ չափաբաժնով օգտագործելու դեպքում շոկոլադը տրամադրություն է բարձրացնում, ավելացնում կենսունակությունն ու էներգիան։ Շոկոլադ կարելի է ուտել ամեն օր, բայց` չափավոր։ Չարաշահելու դեպքում առողջական խնդիրներ կարող են ծագել»,- նշեց նա։

Գրիգորյանը խորհուրդ տվեց` նախապատվությունը տալ դառը շոկոլադին։

«Շոկոլադ չի կարելի ուտել քաղցը հագեցնելու համար, որովհետև այն չի կարող փոխարինել սննդին։ Ես հիմա փորձում եմ նիհարել, և օրվա ընթացքում փոքր չափաբաժիններով 100%-անոց շոկոլադ եմ ուտում։ Բայց այդ «փորձությունը» թույլ նյարդեր ունեցողների համար չէ, քանի որ շատ դառն է, բայց միաժամանակ էներգիա է հաղորդում ու փակում է ախորժակը»,- ասաց Գրիգորյանը։

Սև ոսկին

Գիտնականները վստահեցնում են, որ շոկոլադի բաղադրիչներն օգնում են լիցքաթափվել և հոգեպես հանգստանալ։ Նրանք վստահեցնում են, որ մուգ շոկոլադը մեծացնում է էնդորֆինների` երջանկության հորմոնների քանակը։ Հենց այս պատճառով էլ շոկոլադ սիրում են ոչ միայն փոքրերը, այլև` մեծերը։

Աշխարհի գրեթե բոլոր երկրներում շոկոլադին նվիրված տարբեր միջոցառումներ են անցկացվում` փառատոներ, համտեսներ, վարպետության դասեր… Ոմանց երևակայության արդյունքում նույնիսկ հագուստ ու զարդեր են ստեղծվել շոկոլադից։

Ամբողջությամբ շոկոլադից պատրաստված զգեստ է ցուցադրվել Մեծ Բրիտանիայում «Շոկոլադի ազգային շաբաթ» միջոցառման ընթացքում։

Платье, сделанное полностью из шоколада, было представлено на Национальной неделе шоколада в Великобритании
Rex
Շոկոլադից պատրաստված զգեստ

Վերջին շրջանում նորաձև են դարձել շոկոլադե լոգանքները (թարմացնող և երիտասարդացնող պրոցեդուրաներ), որոնց մասին արդեն լեգենդներ են հյուսվում։

Իսկ որոշ գիտնականներ վստահեցնում են` շոկոլադը կարող է մարդուն պարգևել այնպիսի զգացողություն, ինչպիսին մարդը ստանում է համբույրից։

Русская версия

25