Լուսի Ֆիշեր–Կարապետյանի պատրաստած ուտեստներից

Լոս Անջելեսի հայտնի հայուհին կամ հայ տղամարդն ու քյաբաբը

453
(Թարմացված է 16:49 04.07.2017)
Լուսի Ֆիշեր-Կարապետյանը Միացյալ Նահանգներ մեկնեց ամուսնու հետ մեղրամիս անցկացնելու և, ըստ երևույթին, ամիսը շատ քաղցր ստացվեց, որովհետև այն ձգվեց ու դարձավ 27 տարի։

Ամալյա Պապյան, Sputnik.

Լուսի Ֆիշեր-Կարապետյանը 27 տարվա ընթացքում լուրջ հաջողությունների հասավ ԱՄՆ-ում, իսկ հաջողության հասնելու համար «գործի դրեց» նպատակասլացությունն ու կրեատիվ միտքը։

Սկզբում ամուսինները սուպերմարկետ գնեցին, որն ուներ նաև պատրաստի սննդի բաժին։ Աշխատանքի ընթացքում Լուսիի մոտ խոհարարությամբ զբաղվելու միտք հղացավ։ Հայկական մաքսիմալիզմը և նպատակասլացությունը 24-ամյա կնոջը ստիպեցին ընդունվել ֆրանսիական «Le Cordon Bleu» խոհարարական համալսարան, որը լավագույնն է համարվում աշխարհում։ Այստեղից Լուսիի համար բացահայտվեց խոհարարական աշխարհը, որն անհայտ էր Հայաստանի պետական տնտեսագիտական համալսարանը ավարտած ամուսինների համար։

«Մենք բացեցինք հայկական խոհանոց, ապա` ռուսական, մատուցում էինք շատ տարբեր ուտեստներ։ Մեզ մոտ աշխատում էին բարձրակարգ խոհարարներ, սակայն սա նույնպես ինձ չբավարարեց»,- անկեղծանում է Լուսին։

Շեֆ Լուսին սկսեց ստեղծագործել գաստրոնոմիայի աշխարհում` ստեղծելով հեղինակային ուտեստներ։ Ըստ նրա` շեֆ խոհարար նշանակում է անվերջ կատարելագործում և կրեատիվ միտք։

Торты Люси-Фишер Карапетян
Личная страница в ФБ
Լուսի Ֆիշեր–Կարապետյանի պատրաստած ուտեստներից

Խոհարարությունն անսպառ ստեղծագործելու ասպարեզ է, սակայն կարևոր է իմանալ, որ հրուշակեղենի, թխվածքների պատրաստմանը սա չի վերաբերում։ Թխվածք պատրաստելիս անհրաժեշտ է պահպանել բաղադրատոմսը։ Եթե ուտեստ պատրաստելը գեղանկարչություն է, ապա խմորեղեն պատրաստելը`ճշգրիտ գիտություն։

  • Լուսի Ֆիշեր–Կարապետյանի պատրաստած ուտեստներից
    Լուսի Ֆիշեր–Կարապետյանի պատրաստած ուտեստներից
    Личная страница в ФБ
  • Լուսի Ֆիշեր–Կարապետյանի պատրաստած ուտեստներից
    Լուսի Ֆիշեր–Կարապետյանի պատրաստած ուտեստներից
    Личная страница в ФБ
  • Լուսի Ֆիշեր–Կարապետյանի պատրաստած ուտեստներից
    Լուսի Ֆիշեր–Կարապետյանի պատրաստած ուտեստներից
    Личный архив
  • Լուսի Ֆիշեր–Կարապետյանի պատրաստած ուտեստներից
    Լուսի Ֆիշեր–Կարապետյանի պատրաստած ուտեստներից
    Личная страница в ФБ
1 / 4
Личная страница в ФБ
Լուսի Ֆիշեր–Կարապետյանի պատրաստած ուտեստներից

Լուսին արդեն կուտակել է ինտերնացիոնալ խոհարարական գիտելիքների ահռելի պաշար և մտադիր է այն փոխանցել հայ խոհարարներին։

Նահանգներում մեծ ճանաչում վայելող շեֆ Լուսին անզուգական է համարում հայ խոհարարների` ազգային ուտեստներ պատրաստելու հմտությունը, սակայն նույնն ասել չի կարող այլ ազգի ուտեստների պատրաստման հարցում։ Կան բազմազան նրբություններ, որոնք Լուսին պատրաստ է փոխանցել ցանկացողներին։

Торты Люси-Фишер Карапетян
Личная страница в ФБ
Լուսի Ֆիշեր–Կարապետյանի պատրաստած ուտեստներից

Ամերիկան բազմազգ երկիր է, հետևապես և առաջարկվող խոհանոցներն են բազմազան, ու այդ առատության մեջ հայ տղամարդիկ անդավաճան են մնում քյաբաբին։ Նույնիսկ կուշտ ուտելուց հետո հարցնում են` իսկ կարո՞ղ է քյաբաբ էլ լինի, ընդ որում` Լոս Անջելեսում քյաբաբի պակաս չկա։

«Եթե այցելուն հայ տղամարդ է, ապա պատրաստվիր քյաբաբ մատուցելուն, եթե հաճախորդը քյաբաբ է պատվիրում, ուրեմն հայ է»,- հումորով նկատում է Լուսի Ֆիշեր-Կարապետյանը։

Հայաստան վերադառնալը միշտ եղել է Լուսիի թաքուն երազանքը, սակայն հայկական սովորույթի համաձայն` վերջին խոսքը ամուսնունն է, որն էլ առայժմ նման մտադրություն չունի։ Լուսիի և նրա դստեր այցելությունները Հայաստան հաճախակին են. արմատները կանչում են։ Անմոռաց են նաև հայաստանյան մրգերի համը։ «Բացարձակ օրգանիկ». դրանք այսպես է բնութագրում աշխարհի պտուղները համտեսած հայուհին։

Լուսիի պնդմամբ` ամերիկյան ծագման մի քանի մրգատեսակ ուտելն ու միաժամանակ անհոգ երեկո ունենալն անհնար է, մինչդեռ հայաստանյան պտուղները նման վտանգ չունեն, որովհետև իսկապես բնական են։

Люси-Фишер Карапетян
© Sputnik/ Aram Nersesyan
Լուսի Ֆիշեր–Կարապետյան

Շեֆ Լուսիի ռեստորանում հայկական անվանում կրող ուտեստ առայժմ չկա, սակայն այդ միտքը նրան դուր է գալիս, և չի բացառվում, որ շուտով, օրինակ, «Մասիս» անվանում ստացած համբուրգեր ուտեն հոլիվուդյան աստղերը։

453