Շոգ

Եղանակի կանխատեսում. 40 աստիճան տաքություն և բարձր կարգի հրդեհավտանգ իրավիճակ

20
Առաջիկա օրերին պետք է անչափ զգույշ լինել. արտակարգ իրավիճակների նախարարությունը հորդորում է կոնկրետ ժամանակահատվածում խուսափել արեգակի ուղիղ ճառագայթներից։

ԵՐԵՎԱՆ, 3 հուլիսի — Sputnik. Հուլիսի 4-ին, 5-ին հանրապետությունում սպասվում է բարձր ջերմային ֆոն, հովտային գոտիներում ցերեկը կանխատեսվում է մինչև 40 աստիճան տաքություն և բարձր կարգի հրդեհավտանգ իրավիճակ: Այս մասին հայտնում է ՀՀ արտակարգ իրավիճակների նախարարությունը։

Օդի օրական ջերմաստիճանն այդ օրերին բարձր կլինի նորմայից 5-6 աստիճանով:

Ուլտրամանուշակագույն ճառագայթման ինդեքսը հուլիսի 4-ին կանխատեսվում է 7, որի դեպքում խորհուրդ է տրվում ժամը 11:00-ից 15:00-ն ընկած ժամանակահատվածում խուսափել արեգակի ուղիղ ճառագայթներից:

Հանրապետության տարածքում հուլիսի 4-5-ը սպասվում է առանց տեղումների եղանակ, 6-8-ի երեկոյան ժամերին առանձին շրջաններում սպասվում է կարճատև անձրև և ամպրոպ, առանձին վայրերում հնարավոր է կարկուտ, քամու ուժգնացում՝ 18-23 մ/վ:

Հուլիսի 1-5-ը ջերմաստիճանը կբարձրանա
© Sputnik/ Շուշանիկ Սարգսյան

Քամին կլինի հարավ-արևմտյան՝ 3-8 մ/վ արագության:

Օդի ջերմաստիճանը 4-5-ը կբարձրանա 2-3, 6-8-ը կնվազի 4-6 աստիճանով:

Երևան քաղաքում հուլիսի 4-5-ը սպասվում է առանց տեղումների եղանակ, 7-8-ի երեկոյան ժամերին առանձին հատվածներում հնարավոր է կարճատև անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ:

Մայրաքաղաքում հուլիսի 4-ին ցերեկային ժամերին կանխատեսվում է 38-40 աստիճան, գիշերային ժամերին` 25-26 աստիճան տաքություն։

20