Հենրիխ Մխիթարյան

Մխիթարյանը շնորհավորել է «Ավրորայի» երկրորդ դափնեկրին

25
Հայաստանի հավաքականի և անգլիական «Մանչեսթեր Յունայթեդ» ակումբի կիսապաշտպան Հենրիխ Մխիթարյանը մասնակցել է «Ավրորա» միջազգային մարդասիրական մրցանակաբաշխության արարողությանը։

ԵՐԵՎԱՆ, 29 մայիս — Sputnik. Հայաստանի հավաքականի ֆուտբոլիստ, «Մանչեսթեր Յունայթեդի» կազմում Եվրոպայի Լիգայի գավաթակիր Հենրիխ Մխիթարյանը շնորհավորել է «Ավրորա» միջազգային մարդասիրական մրցանակի երկրորդ դափնեկիր Թոմ Քաթինային։

«Շնորհավորում եմ 2017–ի դափնեկիր Թոմ Քաթինային, որը հազարավոր կյանքեր է փրկել», — գրել է ֆուտբոլիստը Instagram-ում։

«Ավրորայի» մրցանակաբաշխությունը տեղի է ունեցել Երևանում մայիսի 28-ին։

Հայ բարեգործների հիմնած «Ավրորա — 2017» (Aurora Prize) միջազգային մրցանակի երկրորդ դափնեկիր է դարձել Սուդանի Նուբա լեռների Mother of Mercy հիվանդանոցի վիրաբույժ Թոմ Քաթինան։ Հաղթողի անունը հայտարարեց աշխարհահռչակ երգիչ Շառլ Ազնավուրը։

«Ավրորա» մարդասիրական նախաձեռնությունը գործով արտահայտված երախտագիտություն է: Այն նպատակ ունի ութ տարի շարունակ (2015-2023թթ.՝ ի հիշատակ ութ տարի տևած Հայոց ցեղասպանության՝1915-1923 թթ.) աջակցել մարդկանց, որոնք, վտանգելով իրենց կյանքը, կնպաստեն այնպիսի նախագծերի իրագործմանը, որոնք կբարելավեն առավել կարիքավոր և աղքատ մարդկանց կենցաղը:

Русская версия 

25