Յանա Բուրչեսկա

Ամուսնության առաջարկ` «Եվրատեսիլի» ուղիղ եթերում

61
(Թարմացված է 10:36 12.05.2017)
Մրցույթի կազմակերպիչների տվյալներով` «Եվրատեսիլի» պատմության մեջ առաջին անգամ է ուղիղ եթերում ամուսնության առաջարկ արվել։

ԵՐԵՎԱՆ, 12 մայիսի — Sputnik. «Եվրատեսիլ 2017»-ի երկրորդ կիսաեզրափակիչ փուլի ժամանակ հուզիչ իրադարձություն է տեղի ունեցել։ «Եվրատեսիլի» պատմության մեջ առաջին անգամ մասնակիցներից մեկն ուղիղ եթերում ամուսնության առաջարկ է ստացել։

«Հերոսը» Մակեդոնիայի ներկայացուցիչ Յանա Բուրչեսկայի սիրեցյալն էր։

Ձայների հաշվարկի ընթացքում, երբ հաղորդավար Տիմուր Միրոշնիչենկոն որոշեց «Կանաչ սենյակում» շփվել մասնակիցների հետ, մոտեցավ Մակեդոնիայի պատվիրակությանը և Յանա Բուրչեսկային հարցեց` դուք երեխայի՞ եք սպասում։

Յանան չթաքցրեց. «Այո, ես շուտով մայր եմ դառնալու»։

Երբ 23-ամյա երգչուհին հայտնեց ուրախալի լուրը, ապագա հայրը, որը նույնպես Մակեդոնիայի պատվիրակության անդամ էր ու նստած էր Յանայի կողքին, նրան հրապարակավ խնդրեց ամուսնանալ իր հետ։

Երգչուհին ապշեց և հազիվ զսպեց արդյունքները։ Մրցույթին հետևող բազմամիլիոնանոց հանդիսատեսի առաջ նա տվեց իր համաձայնությունը։

Հանդիսատեսը բուռն ծափահարություններով ողջունեց զույգին։ Այդ վառ իրադարձությունը հետին պլան մղեց այն փաստը, որ երգչուհին չանցավ եզրափակիչ, որը տեղի կունենա մայիսի 13-ին։

Русская версия

61