Նորածին

Հնգյակից երեքը պայքարում են կյանքի համար. մեկի մոտ քաշի ավելացում կա

65
(Թարմացված է 17:42 09.05.2017)
Մայիսի 3–ին ծնված հնգյակից մեկի մոտ առողջական վիճակի կայունացում կա, նույնիսկ քաշի ավելացում է նկատվում։

ԵՐԵՎԱՆ, 9 մայիսի — Sputnik. Օրեր առաջ լույս աշխարհ եկած հնգյակից մեկն այս պահին գտնվում է «Սուրբ Աստվածամայր» բժշկական կենտրոնում։ ԲԿ-ի վերակենդանացման և ինտենսիվ թերապիայի բաժանմունքի ղեկավար Աննա Չոբանյանը Sputnik Արմենիայի հետ զրույցում նշեց, որ աղջնակի մոտ կա քաշի ավելացում. 820 գրամ քաշով ծնված փոքրիկն այժմ 860 գրամ է կշռում։

«Այո, քաշի ավելացում կա, բայց ուրախանալու համար դեռ շուտ է։ Կարևորը, որ վիճակի կայունացում կա, վատացում չկա»,- ասաց Չոբանյանը։

Տեղեկացնենք, որ «Մուրացան» հիվանդանոցային համալիրի նորածնային վերակենդանացման բաժանմունքում գտնվող երեխաներից մեկի առողջական վիճակը շարունակում է գնահատվել որպես ծայրահեղ ծանր։ Մոր և մանկան առողջության պահպանման գիտահետազոտական կենտրոն տեղափոխված աղջկա վիճակը նույնպես կայուն ծանր է։

Հիշեցնենք, որ մայիսի 3-ին Արշալույս գյուղի 23-ամյա Լուսինե Պողոսյանը լույս աշխարհ էր բերել միանգամից 5 զավակ` չորս աղջիկ և մեկ տղա։ Փոքրիկներից մեկը մահացել էր մայիսի 6-ին, մյուսը` 7-ին։

Русская версия

65
Ըստ թեմայի
Բժիշկներն ամեն ինչ անում են հնգյակի կյանքը փրկելու համար
Երևանում ծնված հնգյակի վիճակը կայուն է
Նոր տեղեկություններ նորածին հնգյակի առողջական վիճակի մասին
Հնգյակի ծնողները 4-սենյականոց բնակարան նվեր կստանան Մայր Աթոռից
Հնգյակի ծնողները բնակարան կունենան Մեծամորում
Երևանում լույս աշխարհ եկած հնգյակից մեկը մահացավ
Հնգյակից մեկի մահվան պատճառները