Մառա Բագդասարյան

Մառա Բաղդասարյանին ընդմիշտ զրկել են վարորդական իրավունքից

45
(Թարմացված է 17:09 21.03.2017)
Դատարանը հայտնի «մրցարշավորդ» Մառա Բաղդասարյանին էպիլեպսիայի նոպաների պատճառով ընդմիշտ զրկել է վարորդական իրավունքից։

ԵՐԵՎԱՆ, 21 մարտի — Sputnik. Սկանդալային Մառա Բաղդասարյանն ընդմիշտ զրկվել է տրանսպորտային միջոցներ վարելու իրավունքից։ Նման որոշում է կայացրել մոսկովյան դատարանը` բավարարելով Մոսկվայի դատախազության հայցը, որում նշված էր` աղջկա մասնակցությամբ ՃՏՊ-ներից մեկից հետո նրա մոտ էպիլեպսիա է ախտորոշվել։

«Մառա Բաղդասարյանին վարորդական իրավունքից զրկելու վերաբերյալ հայցը բավարարել», — նշված է դատարանի որոշման մեջ։

Բաղդասարյան ներկա չի եղել, դատարանում նրա շահերը ներկայացրել են հայրն ու փաստաբանը։

Գործի նյութերի տվյալներով, Բաղդասարյանը նախկինում հաճախ է դիմել նյարդաբանին ՃՏՊ-ի հետևանքով գանգուղեղային վնասվածք ստանալուց հետո։ Գործին է կցվել նաև նրա բժշկական քարտը։

Բաղդասարյանը դատարանի որոշումը կարող է բողոքարկել մեկ ամսվա ընթացքում։

Ավելի վաղ դատարանը Բաղդասարյանին տուգանելու որոշում էր կայացրել կեղծ բժշկական թղթի համար, որն աղջիկը ներկայացրել էր հարկադիր աշխատանքներից խուսափելու համար։ Նա պետք է աշխատեր և դրա դիմաց սահմանված աշխատավարձից պահումներ պետք է արվեին։

Русская версия

45