Վլադիմիր Պոզներ

Վլադիմիր Պոզներ. «Հայերն ուղղակի ցնցող են»

677
(Թարմացված է 10:42 21.02.2017)
Ռուսաստանի Առաջին ալիքի «Փառքի րոպե» հեռուստանախագծում ամենահիշվող արտիստների շարքում հայեր են եղել, կարծում է ռուս անվանի հաղորդավար և գրող Վլադիմիր Պոզները։

ԵՐԵՎԱՆ, 21 փետրվարի — Sputnik. «Փառքի րոպե» ("Минута славы") հեռուստանախագծում հայ տաղանդների ելույթները շատ հիշարժան են եղել։ Նման կարծիք է հայտնել հեռուստահաղորդավար Վլադիմիր Պոզները, որը Ռուսաստանի Առաջին ալիքի եթերում հեռարձակվող շոուի ժյուրիի անդամներից է, հաղորդում է teleprogramma.pro-ն։

«Մի քանի արտիստներ աչքի ընկան։ Հատկապես այն տղան, որը ներկայացրեց «Ես ուրիշ ծառ եմ» համարը։ Եվ երկու հայեր…։ Դանակով մարդն ուղղակի ցնցող էր։ Ես երբեք նման բան չեմ տեսել։ Կար նաև մի փայլուն աճպարար, հետո` երկու մարմնամարզիկ։ Ընդհանուր առմամբ կար չորս-հինգ համար, որոնք ինձ վրա մեծ տպավորություն են գործել», — ասաց Պոզները։

Հայտնի հաղորդավարը «փայլուն աճպարար» է անվանել Ռոման Խալաֆյանին, որը գուշակել է Պոզների հեռախոսի գաղտնագիրը, ինչպես նաև Սերգեյ Սվետլակովի հեռախոսահամարը։

Русская версия

677