«Խաղ գլխի հետ» կամ ինչպես գերմանացին կերտեց Արոնյանի դիմաքանդակը
(Թարմացված է 21:20 13.02.2017)
Բերտրան Ֆրեյսլեբենը գերմանացի քանդակագործ է, որը կերտել է Գերմանիայի նախագահների ու հանրահայտ մարդկանց կիսանդրիները։ Հերթը հասավ շախմատի Հայաստանի հավաքականի առաջատար, միջազգային գրոսմայստեր Լևոն Արոնյանին։ Այսօր նա առաջին անգամ լրագրողներին ներկայացրեց խոստացած կիսանդրին։ԵՐԵՎԱՆ, 13 փետրվարի-Sputnik. Հայաստանի հավաքականի առաջատար, միջազգային գրոսմայստեր Լևոն Արոնյանի դեմքն ասիմետրիկ է, ասաց քանդակագործը։ Նա հատուկ ուշադրություն է դարձրել դեմքի երկու կողմերին` ձախը պայծառ է, միշտ ժպտացող, իսկ աջը` խորամանկ։
«Ուզում էի ցույց տալ` ինչքան խորն է ու խաղատախտակի առաջ ինչպիսի խորամանկություններ է ստեղծում իր մրցակցի համար։ Դեմքին տվել եմ նաև թեքություն, ճիշտ ինչպես շախմատում, երբ մրցակցիդ ցույց ես տալիս քո քայլերի մի ուղղությունը, իսկ դու շարժվում ես այլ ուղղությամբ։ Սա ինձ համար խաղ է գլխի հետ»,-ասաց քանդակագործը։
©
Sputnik / Karen Yepremyan
Լևոն Արոնյանի կիսանդրին
Բերտրան Ֆրեյսլեբենը պատմեց` Արոնյանը պարզ ու միաժամանակ խորը անձնավորություն է, ինչն աշխատանքն ավելի թեթև դարձրեց։
«Լևոնը եկավ հեծանվով։ Երբ սկսեցինք աշխատել, միանգամից հասկացանք, որ մեր աշխատանքները նման են իրար։ Ընկերական մթնոլորտ էր, միասին սուրճ էինք խմում ու աշխատում։ Արոնյանը շատ պայծառ անձնավորություն է։ Ցանկացած թեմայի մեջ տեսնում էի առարկայի ոգին հասկանալու և մտորելու նրա խոր ցանկությունը»,-ասաց նա։
Քանդակագործը պատմեց, որ հիացած է Հայաստանով, որը, փոքրիկ երկիր լինելով, շախմատային լուրջ հաջողություններ ունի։ Հիացած է նաև Արոնյանով, ով իր կյանքը նվիրել է շախմատին։
«Ես շատ եմ գնահատում այն, թե ինչ է անում Հայաստանը շախմատի համար, ես շախմատի մեծ սիրահար եմ։ Դրա համար էլ ցանկություն առաջացավ կերտել շախմատի հսկային»,-ասաց նա։
©
Sputnik / Karen Yepremyan
Լևոն Արոնյանի կինը` Արիանա Կաոլին
Հանդիպմանը չկարողացավ ներկա գտնվել Լևոն Արոնյանը, ներկա էր նրա կինը` Արիանա Կաոլին։ Նա տեղեկացրեց, որ Արոնյանը լուրջ մրցաշարի է պատրաստվում, դրա համար էլ չներկայացավ։ Հետո կատակով հայտնեց` նման նորությունները մրցաշարից առաջ բացասաբար են ազդում Արոնյանի վրա, քանի որ նրա «ես»-ը խանգարում է։
«Հայաստանում ամեն ինչ անում են ոգով, շախմատ էլ են խաղում ոգով։ Եթե ժամանակ ունենաք, գնացեք ու տեսեք Երվանդ Քոչարի գործերը որպես ասվածի ապացույց»,-քանդակագործին դիմեց Կաոլին։
Նա փոխանցեց Լևոն Արոնյանի խոսքերը` արվեստն ու շախմատն առաջմղիչ ուժ ունեն, քանդակագործությունն ու շախմատը մեծ ոգի են պարունակում։
Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել
(Թարմացված է 19:41 02.03.2021)
Հոր 60-ամյակի կապակցությամբ Գոհար Ավետիսյանը որոշել է անակնկալ մատուցել` նրան թանկարժեք մի նվեր մատուցելով։ԵՐԵՎԱՆ, 2 մարտի - Sputnik. Հայտնի դիմահարդար Գոհար Ավետիսյանը կատարել է հոր երազանքը և 338.500 դոլար արժողությամբ մեքենա նվիրել նրան։ Ավետիսյանն Instagram-ի իր էջում հուզիչ տեսանյութ է հրապարակել այդ մասին։
©
Sputnik / Laura Sarkisyan
«Այս տարի լրանում է հայրիկիս 60-ամյակը։ Նա իր ողջ կյանքում ամեն ինչ արել է, որ մենք ոչ մի բանի կարիք չունենանք։ Միայն 40 տարեկանում է գնել իր առաջին մեքենան։ Ես գիտեի, որ հայրս երազում է թանկարժեք այս մեքենան ունենալ, սակայն նա իրեն թույլ չէր տա այն գնել»,–ասում է Ավետիսյանը։
Նա փակում է հոր աչքերն ու նրան տանում այնտեղ, ուր կայանած է նրա երազանքի մեքենան։ Հայրը շատ է ուրախանում` խոստովանելով, որ նման շքեղություն իրեն թույլ չէր տա։ Դիմահարդարի հայրը, նստելով մեքենայի ղեկին, անգամ հուզվում է։
View this post on Instagram
Ավետիսյանը կոչ է անում ամեն ինչ անել ու շատ վաստակել, որպեսզի ծնողների երազանքներն իրականանան։
©
Sputnik / Владимир Трефилов
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
Մարտակերտցու անձնագրում ծննդյան վայրը «Ադրբեջան» է նշված․ ոստիկանության պարզաբանումը
(Թարմացված է 19:30 02.03.2021)
Համաձայն միջազգային ստանդարտների՝ ծննդյան վայր է նշվում ոչ թե երկրի նախկին, այլ ներկայիս անվանումը։
ԵՐԵՎԱՆ, 2 մարտի - Sputnik. Ճարտարապետ, Երևանի ավագանու «Իմ քայլը» դաշինքի նախկին անդամ (մանդատը վայր է դրել Արցախյան պատերազմից հետո) Արսեն Կարապետյանը Facebook-ում հրապարակել է իր ընկերոջ անձնագիրը։ Նրա խոսքով՝ քաղաքացին ծնվել է Արցախի Մարտակերտ քաղաքում 80-ականների կեսին, ապա ապրել է Ռուսաստանում, դրանից հետո երկար գործընթաց է անցել Հայաստանում քաղաքացիություն ստանալու համար և այժմ ՀՀ Ոստիկանության անձնագրային և վիզաների վարչության 099 բաժնի կողմից ստացել է անձնագիր, որում նշված է նրա ազգությունը՝ հայ, ծննդյան վայրը՝ Ադրբեջան։
«Ո՛չ Ադրբեջանական ԽՍՀ (էլի հաճելի չէր լինի, բայց գոնե հասկանալի), ո՛չ ԼՂՀ, չէ, պարզապես Ադրբեջան։ Հիմա ընկերս ասում ա, լավ, վերջապես երազածս քաղաքացիությունը ստացա, էն էլ պարզվեց Ադրբեջանից եմ։ Սա ի՞նչ ա», - գրել է Կարապետյանը։
Դեպքի առնչությամբ Sputnik Արմենիան զրուցեց ՀՀ Ոստիկանության անձնագրային և վիզաների վարչության պետի տեղակալ Մարիամ Գևորգյանի հետ։
«Քաղաքացին ծնվել է ԽՍՀՄ տարիներին և նրա ծննդավայրը Ադբրեջանական ԽՍՀ-ն է։ Հայաստանի Հանրապետության անձնագիրը ճամփորդական փաստաթուղթ է, համապատասխանում է միջազգային ստանդարտներին, ըստ որոնց նախկին խորհրդային երկրների համար կոդեր չկան։ Այսինքն՝ եթե անձը ծնվել է նախկին ԽՍՀ երկրում, նրա ծննդավայրը անձնագրում գրվում է երկրի ներկայիս անունով, ոչ թե Վրացական ԽՍՀ, այլ Վրաստան», - ասաց Գևորգյանը։
Մեկի փոխարեն երկու անձնագիր՝ հանուն զբոսաշրջության ու ընդդեմ կորոնավիրուսի
Նրա խոսքով՝ դա վաղուց ընդունված պրակտիկա է։
Նշենք, որ Արսեն Կարապետյանը մեկնաբանություններում տեղադրել է նաև իր ընկերոջ ՌԴ անձնագիրը, որում նրա ծննդյան վայրը նշված է ռուսերենով՝ «Ադրբեջանական ԽՍՀ»։
2 մլն դոլար փոխհատուցում. Մեգան Մարքլը շահել է բրիտանական պարբերականի դեմ դատը
(Թարմացված է 01:10 03.03.2021)
Դատավորը The Mail on Sunday–ի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։ԵՐԵՎԱՆ, 3 մարտի – Sputnik. Բրիտանիայի արքայազն Հարրիի կինը` Մեգան Մարքլը, դատարանում վերջնական հաղթանակ է տարել Mail On Sunday և MailOnline պարբերականները ներկայացնող Թերթերի միության դեմ։ Այս մասին հայտնում է Express պարբերականը։
©
AFP 2020 / BEN STANSALL
Հրապարակված վճռում դատավոր Մարկ Ուորբին պարբերականի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։
Դատավորը վճռել է, որ պատասխանող կողմը պետք է վճարի դատական ծախսերի 90%–ը, այն է` 1,87 մլն դոլար։
Սասեքսի դքսուհին խնդրել է նաև իրեն փոխանցել նամակի պատճենները, ոչնչացնել դրա բոլոր հիշատակումներն ու պահանջել թերթում ներողություն հրապարակել իրեն վիրավորանք հասցրած նյութերի համար։ Դատարանը դեռ փետրվարի 11-ին էր որոշում կայացրել այն մասին, որ պարբերականները խախտել են գաղտնիությունն ու Մեգանի հեղինակային իրավունքները։
«Նրա հետ Հարրին ծաղկել է»․ Մեգան Մարքլի մասին գրքի հեղինակ
2019 թվականի փետրվարին Մարքլի նամակից որոշ հատվածների հրապարակումը դերասանուհու ու իր հոր (որը ներկա չի գտնվել 2018 թվականի մայիսի 19-ին կայացած նրա հարսանյաց արարողությանը) հարաբերությունների շուրջ հերթական սկանդալի առիթ դարձան։ ԶԼՄ–ների հրապարակած Թոմաս Մարքլի բազմաթիվ արտահայտություններից կարելի է եզրակացնել, որ դուստրը խզել է նրա հետ բոլոր հարաբերությունները։ Հայրը The Mail on Sunday–ին է փոխանցել նամակի տեքստը, որում դքսուհին մեղադրում էր նրան ստի և դստեր մասին կեղծ, սենսացիոն հարցազրույցների վրա գումար աշխատելու փորձի մեջ։