Միլիոն` Համերից և ձայնապնակ` Շառլից
(Թարմացված է 11:19 13.02.2017)
Երևանի գրախանութներում հայտնվել են Էդուարդ Հայկազյանի հուշերը։ Հայկազյանը Խորհրդային Միության վերջին տասնամյակում գլխավորել է Մոսկվայում Հայաստանի մշտական ներկայացուցչությունը։ Գրքում ներկայացված են դրվագներ հեղինակի կյանքից, երբ նա սառը պատերազմի տարիներին աշխատել է արտասահմանում` ամրապնդելով ԽՍՀՄ գիտատեխնիկական կապերն Արևմուտքի երկրների հետ։ԵՐԵՎԱՆ, 13 փետրվարի — Sputnik. «Իմ անմոռանալի 20-րդ դարը» գիրքը պատմում է, թե ինչ է տեսել և ինչ դեպքերի է մասնակցել Էդուարդ Հայկազյանն իր ակտիվ աշխատանքի տարիներին։ Հեղինակը հիշում է, թե ինչպես է Հայաստանի երկրաշարժից տուժածներին օգնության ձեռք մեկնել խոշոր արդյունաբերող, հասարակական գործիչ և բարերար Արմանդ Համերը։
«Դեկտեմբերի 11-ի առավոտյան նա իր ինքնաթիռով ժամանեց Մոսկվա։ Ես դիմավորեցի նրան «Շերեմետևո 2» օդանավակայանում։ Նա ինձ 1 միլիոն դոլարի կտրոն ցույց տվեց (նրա անձնական ավանդը Հայաստանին օգնելու գործում), ինչպես նաև բժշկական սարքեր և դեղորայք, որոնք բերել էր անձնական ինքնաթիռով։ Մենք մի քանի րոպե զրուցեցինք, ես նրան որոշ մանրամասներ պատմեցի բնական աղետից, և հետո հրաժեշտ տվեցինք միմյանց։ Նա շատ մտահոգված էր և անկեղծորեն ցավում էր հայ ժողովրդին բաժին հասած դժբախտության համար։ Կես ժամ անց Համերը մեկնեց Հայաստան»։
Երկրաշարժից հետո Հայկազյանը` որպես Մոսկվայում Հայաստանի մշտական ներկայացուցիչ, հանդիպել է արտասահմանյան կազմակերպությունների ներկայացուցիչների և առանձին գործիչների հետ, որոնք օգնել են Հայաստանին բնական աղետի հետևանքները վերացնելու գործում։ Անմոռանալի շփումներից մեկն էլ եղել է Շառլ Ազնավուրի հետ հանդիպումը, որի պատվին «Ինտուրիստ» ռեստորանում Էդուարդ Ասատուրովիչը ընթրիք է կազմակերել Հայաստանի կառավարության անունից։
Архив
«Իմ անմոռանալի 20-րդ դարը»
«Ընթրիքից հետո մենք միասին զբոսնեցինք Մոսկվայում։ Նա հուզմունքով պատմեց Հայաստանին օգնելու իր ծրագրերի մասին։ Հրաժեշտի ժամանակ մեծ հայրենակիցն ինձ նվիրեց նոր լույս տեսած ձայնապնակը` «Քեզ համար Հայաստան» երգով, որի բառերն ինքն էր գրել, իսկ երաժշտությունը` Ժորժ Կարվարենցը», — գրում է Հայկազյանը։ Գրքում նկարագրվում են զավեշտալի դեպքեր` արտասահմանում հայրենակիցների հետ հանդիպումների մասին։ Լոնդոնում խորհրդային դեսպանատան մոտ հեղինակը նկատել է մի անծանոթի, որը հանդիպակաց փողոցում ինչ-որ հասցե է փնտրել։
«Տեսնելով ինձ` նա մոտեցավ և անգլերեն հարցրեց, թե որտեղ է գտնվում խորհրդային դեսպանատունը։ Ես գուշակեցի, որ նա մեր մարդն է և անցա ռուսերենի։ Այդ ժամանակ նա ասաց, որ Հայաստանից է, վերապատրաստում է անցնում Էդինբուրգում և ցանկանում է հանդիպել դեսպանատան` գիտության հարցերով խորհրդականի հետ։ Ես առաջարկեցի անցնել մայրենի լեզվին, նա ժպտաց և հարցրեց` ինչպես կարելի է գտնել Էդուարդ Ասատուրի Հայկազյանին` ավելացնելով, որ նամակ ունի նրա համար։ Երբ ես ասացի, որ ինքը խոսում է հենց Հայկազյանի հետ, շատ ուրախացավ և գրպանից հանելով նամակը` պարզեց ինձ», — հիշում է գրքի հեղինակը։
Նամակն ընկերոջից էր` Հրաչիկ Կարապետյանից էր, որը հայտնում էր, որ նամակը հանձնողը մտերիմ մարդ է` Էմիլ Գաբրիելյանը (հայտնի հայ գիտնական, Հայաստանի գիտությունների ակադեմիայի ակադեմիկոս, եղել է Հայաստանի առողջապահության նախարարը) և խնդրում էր օգնել նրան։
«Մենք այդպես ծանոթացանք, հետագայում ընկերացանք և երկար տարիներ պահպանեցինք այդ ընկերությունը», — հիշում է գրքի հեղինակը։
Նրա հուշերում հատուկ տեղ է հատկացված սառը պատերազմի շրջանում խորհրդային-բրիտանական տնտեսական և գիտատեխնիկական կապերին, ինչպես նաև խորհրդային-ամերիկյան և գիտատեխնիկական համագործակցությանը (1972 — 1980 թթ.)։
Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել
(Թարմացված է 19:41 02.03.2021)
Հոր 60-ամյակի կապակցությամբ Գոհար Ավետիսյանը որոշել է անակնկալ մատուցել` նրան թանկարժեք մի նվեր մատուցելով։ԵՐԵՎԱՆ, 2 մարտի - Sputnik. Հայտնի դիմահարդար Գոհար Ավետիսյանը կատարել է հոր երազանքը և 338.500 դոլար արժողությամբ մեքենա նվիրել նրան։ Ավետիսյանն Instagram-ի իր էջում հուզիչ տեսանյութ է հրապարակել այդ մասին։
©
Sputnik / Laura Sarkisyan
«Այս տարի լրանում է հայրիկիս 60-ամյակը։ Նա իր ողջ կյանքում ամեն ինչ արել է, որ մենք ոչ մի բանի կարիք չունենանք։ Միայն 40 տարեկանում է գնել իր առաջին մեքենան։ Ես գիտեի, որ հայրս երազում է թանկարժեք այս մեքենան ունենալ, սակայն նա իրեն թույլ չէր տա այն գնել»,–ասում է Ավետիսյանը։
Նա փակում է հոր աչքերն ու նրան տանում այնտեղ, ուր կայանած է նրա երազանքի մեքենան։ Հայրը շատ է ուրախանում` խոստովանելով, որ նման շքեղություն իրեն թույլ չէր տա։ Դիմահարդարի հայրը, նստելով մեքենայի ղեկին, անգամ հուզվում է։
View this post on Instagram
Ավետիսյանը կոչ է անում ամեն ինչ անել ու շատ վաստակել, որպեսզի ծնողների երազանքներն իրականանան։
©
Sputnik / Владимир Трефилов
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
Մարտակերտցու անձնագրում ծննդյան վայրը «Ադրբեջան» է նշված․ ոստիկանության պարզաբանումը
(Թարմացված է 19:30 02.03.2021)
Համաձայն միջազգային ստանդարտների՝ ծննդյան վայր է նշվում ոչ թե երկրի նախկին, այլ ներկայիս անվանումը։
ԵՐԵՎԱՆ, 2 մարտի - Sputnik. Ճարտարապետ, Երևանի ավագանու «Իմ քայլը» դաշինքի նախկին անդամ (մանդատը վայր է դրել Արցախյան պատերազմից հետո) Արսեն Կարապետյանը Facebook-ում հրապարակել է իր ընկերոջ անձնագիրը։ Նրա խոսքով՝ քաղաքացին ծնվել է Արցախի Մարտակերտ քաղաքում 80-ականների կեսին, ապա ապրել է Ռուսաստանում, դրանից հետո երկար գործընթաց է անցել Հայաստանում քաղաքացիություն ստանալու համար և այժմ ՀՀ Ոստիկանության անձնագրային և վիզաների վարչության 099 բաժնի կողմից ստացել է անձնագիր, որում նշված է նրա ազգությունը՝ հայ, ծննդյան վայրը՝ Ադրբեջան։
«Ո՛չ Ադրբեջանական ԽՍՀ (էլի հաճելի չէր լինի, բայց գոնե հասկանալի), ո՛չ ԼՂՀ, չէ, պարզապես Ադրբեջան։ Հիմա ընկերս ասում ա, լավ, վերջապես երազածս քաղաքացիությունը ստացա, էն էլ պարզվեց Ադրբեջանից եմ։ Սա ի՞նչ ա», - գրել է Կարապետյանը։
Դեպքի առնչությամբ Sputnik Արմենիան զրուցեց ՀՀ Ոստիկանության անձնագրային և վիզաների վարչության պետի տեղակալ Մարիամ Գևորգյանի հետ։
«Քաղաքացին ծնվել է ԽՍՀՄ տարիներին և նրա ծննդավայրը Ադբրեջանական ԽՍՀ-ն է։ Հայաստանի Հանրապետության անձնագիրը ճամփորդական փաստաթուղթ է, համապատասխանում է միջազգային ստանդարտներին, ըստ որոնց նախկին խորհրդային երկրների համար կոդեր չկան։ Այսինքն՝ եթե անձը ծնվել է նախկին ԽՍՀ երկրում, նրա ծննդավայրը անձնագրում գրվում է երկրի ներկայիս անունով, ոչ թե Վրացական ԽՍՀ, այլ Վրաստան», - ասաց Գևորգյանը։
Մեկի փոխարեն երկու անձնագիր՝ հանուն զբոսաշրջության ու ընդդեմ կորոնավիրուսի
Նրա խոսքով՝ դա վաղուց ընդունված պրակտիկա է։
Նշենք, որ Արսեն Կարապետյանը մեկնաբանություններում տեղադրել է նաև իր ընկերոջ ՌԴ անձնագիրը, որում նրա ծննդյան վայրը նշված է ռուսերենով՝ «Ադրբեջանական ԽՍՀ»։
2 մլն դոլար փոխհատուցում. Մեգան Մարքլը շահել է բրիտանական պարբերականի դեմ դատը
(Թարմացված է 01:10 03.03.2021)
Դատավորը The Mail on Sunday–ի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։ԵՐԵՎԱՆ, 3 մարտի – Sputnik. Բրիտանիայի արքայազն Հարրիի կինը` Մեգան Մարքլը, դատարանում վերջնական հաղթանակ է տարել Mail On Sunday և MailOnline պարբերականները ներկայացնող Թերթերի միության դեմ։ Այս մասին հայտնում է Express պարբերականը։
©
AFP 2020 / BEN STANSALL
Հրապարակված վճռում դատավոր Մարկ Ուորբին պարբերականի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։
Դատավորը վճռել է, որ պատասխանող կողմը պետք է վճարի դատական ծախսերի 90%–ը, այն է` 1,87 մլն դոլար։
Սասեքսի դքսուհին խնդրել է նաև իրեն փոխանցել նամակի պատճենները, ոչնչացնել դրա բոլոր հիշատակումներն ու պահանջել թերթում ներողություն հրապարակել իրեն վիրավորանք հասցրած նյութերի համար։ Դատարանը դեռ փետրվարի 11-ին էր որոշում կայացրել այն մասին, որ պարբերականները խախտել են գաղտնիությունն ու Մեգանի հեղինակային իրավունքները։
«Նրա հետ Հարրին ծաղկել է»․ Մեգան Մարքլի մասին գրքի հեղինակ
2019 թվականի փետրվարին Մարքլի նամակից որոշ հատվածների հրապարակումը դերասանուհու ու իր հոր (որը ներկա չի գտնվել 2018 թվականի մայիսի 19-ին կայացած նրա հարսանյաց արարողությանը) հարաբերությունների շուրջ հերթական սկանդալի առիթ դարձան։ ԶԼՄ–ների հրապարակած Թոմաս Մարքլի բազմաթիվ արտահայտություններից կարելի է եզրակացնել, որ դուստրը խզել է նրա հետ բոլոր հարաբերությունները։ Հայրը The Mail on Sunday–ին է փոխանցել նամակի տեքստը, որում դքսուհին մեղադրում էր նրան ստի և դստեր մասին կեղծ, սենսացիոն հարցազրույցների վրա գումար աշխատելու փորձի մեջ։