Լարս

Ձյունը խդնիրներ է առաջացրել հայ-վրացական սահմանին

0
Հայաստանի ուղղությամբ ռազմավիրական ճանապարհին առատ ձյուն է տեղում, առկա է մերկասառույց: Այդ պատճառով ավտոմեքենաների մեծամասնությանը թույլ են տալիս երթևեկել միայն անվաշղթաներով:

ԵՐԵՎԱՆ, 5 փետրվարի — Sputnik. Առատ ձյան, ցրտի և մերկասառույցի հետևանքով հայ-վրացական սահմանին Ախալցխա-Նինոցմինդա (Սամցխե-Ջավախեթի շրջան) ավտոճանապարհին` բոլոր ավտոտրանսպորտային միջոցներին թույլատրվում է երթևեկել միայն անվաշղթաներով, հայտնում է Sputnik Գրուզիան` հղում անելով Վրաստանի տարածաշրջանային զարգացման նախարարության ավտոճանապարհի դեպարտամենտի հաղորդագրությանը:

Ընդ որում, Հայաստանի ԱԻՆ-ը տեղեկացնում է, որ փետրվարի 5-ին` ժամը 19:00 —ի դրությամբ հանրապետությունում կան դժվարանցանելի և փակ ավտոճանապարհներ:

«Փակ են Լոռու մարզի Ուրասար-Կաթնաղբյուր, Արագածոտնի մարզի Հակո, Կանչ, ինչպես նաև Բերդ-Ճամբարակ միջհամայնքային ավտոճանապարհները: Դժվարանցանելի են Սոտք-Քարվաճառ և Վարդենյաց լեռնանցքը», — գրված է հաղորդագրության մեջ:

Արագածոտնի, Արմավիրի, Սյունիքի, Տավուշի, Լոռու, Վայոց ձորի և Գեղարքունիքի մարզերում, Տիգրանաշենի ոլորաններում և Կոտայքի մարզի Գառնիի տարածաշրջանում առկա է մերկասառույց:

Русская версия

0