The Financial. Հայաստանում վրացիներն ավելի շատ են, քան հայերը Վրաստանում
ԵՐԵՎԱՆ, 5 փետրվարի — Sputnik. Վրաստանում բնակվում է Հայաստանի 1980 քաղաքացիներ, իսկ Հայաստանում բնակվում են շուրջ 41 հազար վրացի, հայտնի է դարձել The Financial-ի հետազոտության արդյունքում: Հետազոտության հեղինակները մանրամասն բացատրում են այդ ֆենոմենը:
Վերլուծելով միգրացիայի, այսպես կոչված՝ գրավիտացիոն մոդելը, Վրաստանից Հայաստանի և Հայաստանից Վրաստան միգրացիոն հոսքի օրինակով՝ հեղինակները հանգել են եզրակացության, որ խորհրդային տարիներին Վրաստանի բնակիչները, նույնիսկ հայազգի, հայրենադարձվելու պատճառներ չեն ունեցել, քանի որ Վրաստանը եղել է ԽՍՀՄ ամենազարգացած երկրներից մեկը: Հարևան հարավային երկրում բնակվել է ավելի քան 2000 վրացի, գրում է հրատարակությունը: Զարմանալի չէ, որ Շևարդնաձեի կառավարման շրջանում՝ 1990-2000թթ-ին, Վրաստանը լքել է շուրջ 120 000 միգրանտ։
Պետք է նշել, որ միգրացիան կապված է եղել ոչ միայն վատ տնտեսական իրավիճակի, այլ նաև բնակության համար առավել գրավիչ երկրների առկայության հետ:
«Ինչու ապրել Վրաստանում, եթե կան Գերմանիայի կամ Շվեդիայի նման երկրներ, որտեղ առաջարկում են ամբողջական սոցիալական փաթեթ»,- գրում է հրատարակությունը:
«Այդուամենայնիվ, միգրանտների թիվը մտահոգիչ է։ 2015թ-ի տվյալներով՝ Վրաստանում բնակվել է 1980 հայ քաղաքացի, իսկ Հայաստանում՝ 41 000 վրացի: Ինչպես կարող է այդպես ստացվել, երբ Վրաստանն ունի տնտեսության ժամանակակից արևմտյան մոդել, գտնվում է ԵՄ մտնելու ճանապարհին, իսկ Հայաստանը չունի ելք դեպի ծովը, ամբողջությամբ կախված է Ռուսաստանից, առևտուր չի իրականացնում չորս հարևան երկրներից նույնիսկ երեքի հետ»,- գրում են հետազոտության հեղինակները:
1995թ-ին Հայաստան է տեղափոխվել շուրջ 28 000 վրացի, իսկ 2000թ-ին միգրանտների թիվը կազմել է 47 000:
Ինչպես նշում է The Financial-ը, աղբյուրների մեծամասնության համաձայն, Վրաստանում մեկ անձին բաժին ընկնող ՀՆԱ-ն բարձր է հայկականից:
Այդ փաստը մասամբ բացատրվում է նրանով, որ Վրաստանից Հայաստան տեղափոխված մարդկանց մեծամասնությունը էթնիկ հայեր են, որոնք ինտեգրվելով հայ հասարակությունում, չեն հրաժարվել վրացական քաղաքացիությունից: Նրանք կշարունակեն համարվել Հայաստանում բնակվող վրացի միգրանտներ, բայց իրականում նրանք Հայաստանում բնակվող հայեր են, որոնք, ըստ էության, մշակութային և տնտեսական առումներով չեն տարբերվում իրենց հայրենակիցներից, եզրափակում է հրատարակությունը:
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել
(Թարմացված է 19:41 02.03.2021)
Հոր 60-ամյակի կապակցությամբ Գոհար Ավետիսյանը որոշել է անակնկալ մատուցել` նրան թանկարժեք մի նվեր մատուցելով։ԵՐԵՎԱՆ, 2 մարտի - Sputnik. Հայտնի դիմահարդար Գոհար Ավետիսյանը կատարել է հոր երազանքը և 338.500 դոլար արժողությամբ մեքենա նվիրել նրան։ Ավետիսյանն Instagram-ի իր էջում հուզիչ տեսանյութ է հրապարակել այդ մասին։
©
Sputnik / Laura Sarkisyan
«Այս տարի լրանում է հայրիկիս 60-ամյակը։ Նա իր ողջ կյանքում ամեն ինչ արել է, որ մենք ոչ մի բանի կարիք չունենանք։ Միայն 40 տարեկանում է գնել իր առաջին մեքենան։ Ես գիտեի, որ հայրս երազում է թանկարժեք այս մեքենան ունենալ, սակայն նա իրեն թույլ չէր տա այն գնել»,–ասում է Ավետիսյանը։
Նա փակում է հոր աչքերն ու նրան տանում այնտեղ, ուր կայանած է նրա երազանքի մեքենան։ Հայրը շատ է ուրախանում` խոստովանելով, որ նման շքեղություն իրեն թույլ չէր տա։ Դիմահարդարի հայրը, նստելով մեքենայի ղեկին, անգամ հուզվում է։
View this post on Instagram
Ավետիսյանը կոչ է անում ամեն ինչ անել ու շատ վաստակել, որպեսզի ծնողների երազանքներն իրականանան։
©
Sputnik / Владимир Трефилов
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։