Սև կատու

13 պատճառ ուրբաթ 13–ին երջանիկ լինելու համար

37
Այսօր ուրբաթ 13 է, բայց դա դեռ առիթ չէ տխրելու և ընկճվելու համար, քանի որ հենց այսօր, Հուլիան օրացույցի համաձայն, նշվում է Հին նոր տարին։

Անի Լիպարիտյան, Sputnik.

Ուրբաթ 13-ը կարելի է անվանել լավ «մարքեթինգային քայլ» ժողորդի կողմից։ Շատ մարդիկ հավատում են, որ այդ օրն ամեն ինչ վատ է լինելու և, ի հակառակ դրան, տիտանական ջանքեր են գործադրում, որպեսզի այն ամենալավը դարձնեն։ Իհարկե, շատերի մոտ ստացվում է։ Չնայած «սարսափ» ոճի սպասումներին` այդ օրը դառնում է տարվա ամենալավ օրերից մեկը։

Եվ դրա համար դուք ունեք 13 պատճառ

  1. Եթե մոռացել եք, որ այսօր «սև» ուրբաթ է, ապա մի մտածեք։ Առաջին հերթին, դուք կարող եք նշել Հին նոր տարին, հետո դրսևորել ձեզ 2017թ-ի հոկտեմբերի 13-ին, քանի որ այդ օրը նույնպես ուրբաթ է։
  2. Այս ամսաթիվը սնահավատ վախ է ներշնչում մոլորակի շատ բնակիչների, և ճանապարհը կտրած սև կատուն կարող է ավելացնել այդ վախը։ Բայց մի՛ շտապեք, և ամեն ինչում մի՛ մեղադրեք խեղճ կենդանուն, այլ ուղղակի տրամադրվեք դրական լիցքերի։
  3. Ձմեռ է, ցուրտ, մառախուղ, մերկասառույց, հատկապես` Երևանում։ Հավանաբար, պատահական չէ, որ Հին նոր տարին համընկել է առաջին ուրբաթ 13-ի հետ։ Սեղան գցեք, խմիչքներ գնեք, հրավիրեք հարազատներին, ընկերներին, ուրախացեք միասին։
  4. Ի՞նչն է ձեզ խանգարում ժպտալ այդ օրը։
  5. Պարտք մի վերցրեք, եթե ձեզ թվում է, որ այդ օրն օրացույցում ձեզ համար անհաջող է։ Չկան պարտքեր, չկան խնդիրներ։ Ի դեպ, լավ կլինի նաև պարտքով փող չտալ։
  6.  Ամենասնահավատ մարդիկ կարծում են, որ նույնիսկ համակարգչային վիրուսներն այդ օրն ավելի ագրեսիվ են դառնում և կարող են «սպանել» ձեր համակարգիչը։ Մի հավատացեք դրան։ 13-ն ընդամենը թիվ է 1-ի նման։
  7. Դուրս եկեք փողոց, ձնեմարդ սարքեք և մի մոռացեք գազարի և դույլի մասին։ Մի՛ վախեցեք դատարկ դույլից, դա ընդամենը մետաղական աման է։
  8. Այդ օրը երջանիկ լինելու ևս մեկ միջոց է ժամադրության գնալը և մոմերի լույսի ներքո ընթրիք կազմակերպելը։
  9.  Վերջին անգամ ե՞րբ եք զրուցել ձեր հարազատների հետ։ Եթե դուք ծնողներից հեռու եք ապրում, ապա զանգահարեք նրանց կամ այցելեք։ Նրանք միշտ սպասում են ձեզ։
  10.  Իսկ եթե սիրում եք ջերմություն և հարմարավետություն, ապա դասերից կամ աշխատանքից հետո խաղաղ երեկո կազմակերպեք ու գիրք կարդացեք։ Հանգստանալու լավ միջոց է։
  11. Հավանաբար ձեր քաղաքում լավ ֆիլմեր են ցուցադրվում, ներկայացումներ բեմադրվում, ելույթ ունենում տաղանդավոր երգիչներ, դա գոնե 13 տոկոսով ավելի երջանիկ լինելու պատճառ է։
  12.  Կրոնասեր մարդիկ կարող են աղոթել կամ եկեղեցի, մզկիթ,սինագոգ գնալ, որպեսզի հեռու մնան չարիքից։
  13.  Ի վերջո, ամեն ինչ կախված է մտածողությունից։ Ուրբաթ 13-ին, սև կատվին, դատարկ դույլին և մնացած վատ նախանշաններին վերաբերվեք հանգիստ սրտով։ Որքան շատ եք մտածում բացասական բաների մասին, այնքան շատ են դրանք հետապնդում ձեզ։

Շնորհավոր Հին նոր տարի։

Русская версия

37