Դիլիջանում Նոր տարին սկսվում է գունավոր թելերից ու ուլունքներից

Դիլիջանում Նոր տարին սկսվում է գունավոր թելերից ու ուլունքներից

16
(Թարմացված է 09:54 29.12.2016)
Նախատոնական տրամադրությունը վերածվում է տոնի, եթե ծանոթ ու անծանոթ մարդկանց կարողանում է համախմբել մեկ հաճելի զբաղմունքի շուրջ: Դիլիջանում տոնը սկսվում է գունավոր ձեռագործ խաղալիքներ պատրաստելուց:

ԵՐԵՎԱՆ, 31 դեկտեմբերի — Sputnik. Դիլիջանցի պատանիները Ամանորին նախապատրաստվելու իրենց տարբերակն են գտել: Տոնն առավել հաճելի ու գունեղ դարձնելու համար որոշել են սեփական ձեռքերով պատրաստել տոնածառի խաղալիքներն ու զարդարանքները և դրանցով զարդարել իրենց սրճարանը: Ձեռագործ խաղալիքները կերտվում են գունավոր թելերից, կոճակներից, ուլունքներից, թղթից, եղևնու կոներից: Այն ամենը, ինչ կարող է օգտագործվել, բերվել է սրճարան:

Кафе #2 в Дилижане
© Sputnik/ Asatur Yesayants
Ձեռագործ խաղալիքները կերտվում են գունավոր թելերից, կոճակներից, ուլունքներից, թղթից, եղևնու կոներից

Դիլիջանի սրճարանում կազմակերպված հաճելի զբաղմունքին միացել են ոչ միայն սրճարանում աշխատող պատանիները, նրանց ընկերներն ու հարազատները, այլև Դիլիջանի դպրոցի հայ և այլազգի ուսանողները, սրճարանի պատահական այցելուները: Սրճարանում տիրող տոնական իրարանցման մեջ մոռացության են մատնվել և՛ լեզվական խոչընդոտները, և՛ տարիքային տարբերությունները, և՛ նույնիսկ կենցաղային մանր ու մեծ խնդիրները:

Տոնական այդ տրամադրությամբ վարակվեց նաև Sputnik Արմենիայի թղթակիցը՝ տոնական զարդերին ավելացնելով ևս մեկը լրատվամիջոցի կողմից:

Кафе #2 в Дилижане
© Sputnik/ Asatur Yesayants
Դիլիջանի սրճարանում հավաքվել են ոչ միայն սրճարանում աշխատող պատանիները, նրանց ընկերներն ու հարազատները, այլև Դիլիջանի դպրոցի հայ և այլազգի ուսանողները, սրճարանի պատահական այցելուները

Նյութի ռուսերեն տարբերակը

16