Արմեն Սողոյանը զարդարում է Sputnik Արմենիայի տոնածառը

Մեկական խաղալիք` Sputnik–ի տոնածառին

56
(Թարմացված է 23:26 09.12.2016)
Sputnik Արմենիայի խմբագրությունում արդեն տոնական տրամադրություն է: Sputnik–ի երևանյան գրասենյակի հյուրերն այսօրվանից սկսած կմասնակցեն տոնածառը զարդարելու հաճելի արարողությանը:

ԵՐԵՎԱՆ, 9 դեկտեմբերի – Sputnik. Այսօր Sputnik Արմենիայի աշխատակիցների` կիսով չափ զարդարված տոնածառին իր կողմից մեկ խաղալիք ավելացրած առաջին հյուրը Աշխատանքի և սոցիալական հարցերի նախարարության բժշկասոցիալական փորձաքննության գործակալության պետ Արմեն Սողոյանն էր։

Sputnik Արմենիա մամուլի կենտրոնում կազմակերպված ասուլիսին նախորդած նախատոնական տրամադրությունն Արմեն Սողոյանին ստիպեց ասուլիսն ավարտել Նոր տարվա շնորհավորանքով և առողջության, բարեկեցության, խաղաղության ու բարգավաճման մաղթանքով:

Հաջորդ 3 խաղալիքները ծառի ճյուղերին ավելացրին Երևանի ու Մոսկվայի կրկեսի արտիստները՝ Երևանյան կրկեսի տնօրեն Սոս Պետրոսյանը, Մոսկվայի շապիտո-կրկեսի տնօրեն Վալերի Բերոևը, գերմանաբնակ ծաղրածու Չարլին՝ Գագիկ Ավետիսյանը:

Նախատոնական այս ակցիայի արդյունքում Sputnik Արմենիայի խորհրդանշական տոնածառը մինչև Նոր տարի կզարդարվի ոչ միայն լրագրողների, այլև քաղաքական, հասարակական, մշակութային գործիչների և մեր կյանքի ամենատարբեր բնագավառները ներկայացնող անձանց շնորհիվ:

© Sputnik. Անի Լիպարիտյան
Սոս Պետրոսյանը, Չարլին և Վալերի Բերոևը օգնում են զարդարել Sputnik Արմենիայի տոնածառը

 

56