Արմենուհի Մխոյան, Sputnik.

Քեմբրիջի համալսարանի մագիստրոս, Փարիզի արևելյան լեզուների և մշակույթի ազգային ինստիտուտի ասպիրանտ Քեթրին Հոջսոնն ավելի քան երեք տարի է` ոչ միայն ապրում ու աշխատում է Հայաստանում, այլև ուսումնասիրում է հայերենի բարբառները: Հենց «Հայերենի բարբառներ»-ն են երիտասարդ բրիտանուհու ասպիրանտական թեզի թեման:

1TV

«Ледниковый период» նախագծում հնչել է «Արի, իմ սոխակ» երգը

Հայերենի, ապա նաև Հայաստանի նկատմամբ հետաքրքրությունը, որն ավելի ուշ սիրո է վերածվել, արթնացել է տարիներ առաջ Հունաստանում. լինելով հունարենի մասնագետ` Սալոնիկում սկսել է ուսումնասիրել Ալավերդու ու Հանքավանի հույների բարբառները (այս քաղաքներում մեծ թվով հույներ են բնակվում):

Հունաստանում ծանոթացել է մի աղջկա հետ, որի մայրը հայ է եղել, և Քեթրինը հայերեն շփվելու հնարավորություն է ստացել։ Ավելի ուշ որոշել է այցելել Հայաստան։ Առաջին այցը կարճատև է եղել, իսկ հետո այդ այցելություններն ավելի պարբերական ու երկարատև են դարձել: Այդ ընթացքում դիմել և աշխատանքի է ընդունվել Մայր Աթոռի կրթական հաստատություններից մեկում՝ Սևանի Վազգենյան հոգևոր դպրանոցում, որտեղ էլ մինչև այսօր անգլերեն է դասավանդում: Քեթրինը սիրում է հաճախել հայ առաքելական եկեղեցի, հնարավորության դեպքում մասնակցում է ժամերգություններին ու պատարագներին:

«Սկզբում մտածում էի, որ կգամ, 1 տարի կմնամ ու կգնամ, բայց չէի կարծում, որ 4 տարի կմնամ, այստեղ շատ ընկերներ կունենամ ու այդքան շատ կսիրեմ այս երկիրը»,- նշեց Քեթրինը:

Հայերենի ու Հայաստանի նկատմամբ սերն ինքնաբուխ է եղել, իսկ Հայաստանում ամենից շատ հավանել է մարդկանց: Բրիտանուհուն շատ կարճ ժամանակ է պետք եղել Հայաստանում հարմարվելու համար: Ավելին՝ ծնողներից թաքուն մկրտվել է Խաչիկ գյուղի «Սուրբ Աստվածածին»՝ եկեղեցում, կնքահայրն էլ հայ է եղել: Մկրտվելը ներքին ուժով ու ներքին պահանջով է եղել: Իրենց դստեր՝ հայ առաքելական եկեղեցում մկրտվելու մասին Քեթրինի ծնողներն իմացել են Հայաստան կատարած առաջին այցի ժամանակ, Քեթրինի ուսանողներից:

«Ծնողներս իմացան ու ընդունեցին իմ այդ քայլը, որովհետև տեսել էին Հայաստանը ու իրենք էլ հավանել»,- նշում է 37-ամյա բրիտանուհին` ավելացնելով, որ հայերենն էլ հաճույքով է սովորել. ոչ ոք իրեն չի ստիպել, որ սովորի։

Բարբառներն ուսումնասիրելու համար Հայաստանի շատ տարածքներում է եղել, հատկապես հավանել է Գյումրին, Եղեգնաձորը, Շնողը: Ասում է, որ այս վայրերն իրենց կոլորիտով ու խառնվածքով «բոլորովին ուրիշ են»։

Մաքուր հայերեն խոսող բրիտանուհին Հայաստանի խորհրդանիշ է համարում Մասիսն ու Նարեկացուն:

«Ինչ մնում է Նարեկացուն, նրա զորությունն անձամբ եմ զգացել: Ինձ ասել էին «Նարեկի» մասին: Երբ առաջին անգամ փորձեցի կարդալ, ոչ մի բան չզգացի, բայց 2 տարի առաջ, երբ կրկին ձեռքս առա ու կարդացի, արդյունքն աննկարագրելի էր, հիմա ես գիտեմ` «Նարեկն» ուժ է»,-ավելացրեց Քեթրին Հոջսոնը:

Քեթրինը թեզը պաշտպանելու համար հավանաբար կմեկնի Ֆրանսիա, բայց արդեն գիտի` շատ է կարոտելու Հայաստանը։ Բրիտանացի լինելով` չի բացառում, որ իր ապագան կարող է կառուցվել հենց Հայաստանում:

ԵՐԵՎԱՆ, 3 մարտի - Sputnik. Բարձրագույն դատական խորհրդի նախագահ Ռուբեն Վարդազարյանն այսօր խորհրդարանում ներկայացնելու է Վճռաբեկ դատարանի դատավորների թեկնածուներին:

Բայց մինչ պատգամավորները կսկսեին թեկնածուներին հարցեր տալ նրանց ապագա գործունեության մասին, օգտվելով առիթից` սկսեցին իրենց հետաքրքրող հարցերի պատասխանները պահանջել Վարդազարյանից:

© Sputnik / Asatur Yesayants

ԱԺ-ն ընդունեց Ադրբեջանին ուղղված հայտարարությունը, որը քննարկվել էր փակ դռների հետևում

«Իմ քայլը» խմբակցության պատգամավորներից Արթուր Հովհաննիսյանը հիշեց ԲԴԽ նախագահի՝ 2020 թ-ի նոյեմբերի 15-ի հայտարարությունը և փորձեց ճշտել՝ արդյո՞ք այն քաղաքական չէր՝ հիշեցնելով, որ այդ օրը պետք է տեղի ունենար ԱԱԾ նախկին տնօրեն ու Վարդազարյանի վաղեմի ընկեր Արթուր Վանեցյանի կալանքի հարցով դատական նիստը:

ԲԴԽ նախագահը հիշեցրեց, որ իր ղեկավարած կառույցը հաշվետու չէ ԱԺ-ին ու հավելեց. «Հետևաբար ես պարտավոր չեմ պատասխանել քաղաքական բնույթի հարցերի: Պատրաստ եմ պատասխանել բոլոր այն հարցերին, որոնք վերաբերում են այն թեկնածուներին, որոնց ներկայացնելու համար ես այսօր ներկայացել եմ»:

ԱԺ նիստը վարող փոխնախագահ Ալեն Սիմոնյանը ԲԴԽ նախագահին կոչ արեց պատասխանել հարցերին:

«Կարող եք ընդհանրապես չպատասխանել, և մենք ու քաղաքացիները մեր հետևություններ կանենք, բայց ես կոչ եմ անում այնուամենայնիվ պատասխանել»,- ասաց նա:

ԲԴԽ նախագահին ուղղված հարցերի տարափից զայրացած անկախ պատգամավոր Գևորգ Պետրոսյանն էլ տեղից հարց ուղղեց Վարդազարյանին. «Ինչո՞ւ է աղմկում գետը»:

Ալեն Սիմոնյանը խնդրեց տեղից չմիջամտել. «Պարոն Պետրոսյան, ես ձեր հարցերի խորությունը մշտապես նկատել եմ, բայց ձեր գետի հետ կապված խնդրում եմ տեղից չխոսել»:

«Իմ քայլի» պատգամավոր Արեն Մկրտչյանն էլ հարց ուղղեց ԲԴԽ նախագահին. «Դուք գիտե՞ք` որտեղ եք գտնվում»:

Վարդազարյանն էլ հայտնեց, որ որևէ կանոն չի խախտել ու նշեց դատավորների գործունեության ու վարքագծի կանոնները սահմանող մի շարք օրենքների հոդվածներ:

«Այդ վարքագծի կանոններից ելնելով՝ ես ունեմ զսպվածության սահման, և այդ զսպվածության սահմանը որևէ կերպ չեմ անցնելու, որքան էլ ինձ փորձեք դրդել դեպի քաղաքական քննարկում»,- ասաց ԲԴԽ նախագահը:

Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի և Արսեն Մկրտչյանի թեկնածությունները, որոնք նախատեսվում է քննարկել ընթացող քառօրյա նիստերի օրակարգում: