Գիրք

Գրքոտ անքնություն կամ արի գրքախառնվենք

44
ՀՀ մշակույթի նախարարության աջակցությամբ, «Բուկինիստ» ընկերությունը և «Արևիկ» հրատարակչությունը նոյեմբերի 25-ին, ժամը 19:00-ից մինչև կեսգիշեր Բուկինիստ գրախանութում կանցկացնեն «Գրքի գիշեր 2016. արի գրքախառնվենք» խորագրով միջոցառումը:

ԵՐԵՎԱՆ, 24 նոյեմբերի – Sputnik. «Գրքի գիշեր 2016. արի գրքախառնվենք» ծրագրի շրջանակում տեղի կունենան գրքերի փոխանակումներ, գրքախաղ, թեյախմություն, մրցույթներ, ամբողջ տեսականու համար կսահմանվի 30% զեղչ, ինչպես նաև կանցկացվեն հետաքրքիր այլ ակցիաներ: Իսկ կեսգիշերից մինչև լույս` «Գրքոտ անքնություն»` արդեն առցանց հարթակում:

ՀՀ մշակույթի նախարարի տեղակալ Ներսես Տեր-Վարդանյանը ներկայացրել է այս միջոցառման կարևորությունը։

«Մենք ունենք Գիրք նվիրելու օր, Պոեզիայի օր, Թարգմանչաց տոն, երեխաների համար` գրքի ամիս, սակայն տարվա վերջին` օրացուցային առումով, գրական որևէ միջոցառում չունեինք: Այս ամենին լրացնելու եկավ «Գրքի գիշեր, արի գրքախառնվենք» խորագրով միջոցառումը: Շատ ոգևորիչ անուն ունի այս ծրագիրը, որովհետև գիրքը իրականում մարդկանց կյանքի երևույթների հանդեպ մերձեցման, կյանքի ճանաչման լավագույն միջոցներից մեկն է: Մեզ համար ուրախալի է աջակցել նման ծրագրի»,– ասել է Տեր–Վարդանյանը:

 

44