Արևի քաղաք Երևանս. ամենաշատ այցելուներ ունեցող վայրերի հնգյակը
(Թարմացված է 12:41 08.10.2016)
Այսօր Հայաստանի մայրաքաղաքը տոնում է 2798-ամյակը: Երևանը տարեցտարի էլ ավելի մեծ թվով զբոսաշրջիկների սրտեր է գրավում և ավելի գրավիչ զբոսաշրջային ուղղություն է դառնում շատերի համար:ԵՐԵՎԱՆ, 8 հոկտեմբերի — Sputnik. Արևի, վարդագույն տուֆի, բարեհամբյուր և հյուրընկալ մարդկանց քաղաք Երևանն այսօր տոնում է իր ծննդյան 2798-ամյակը: Sputnik Արմենիա լրատվական գործակալությունը ձեզ է ներկայացնում Երևանի ամենասիրված և մեծ թվով այցելուներ ունեցող հինգ վայրերը:
Հանրապետության հրապարակ
Սա Երևանի կենտրոնական հրապարակն է, որը ոչ միայն Հայաստանի բնակիչների, այլ զբոսաշրջիկների ամենասիրելի վայրն է:
Հանրապետության հրապարակում հինգ շենք է տեղակայված, որոնց թվում են կառավարության շենքը՝ մայրաքաղաքի գլխավոր ժամացույցով, նախարարությունների նախկին շենքը, ինչպես նաև Հայաստանի պատմության թանգարանը: Այստեղ է գտնվում նաև ազգային պատկերասրահը` հայտնի նկարիչների կտավներով՝ Այվազովսկի, Ռեպին, Սերով, Ռուբենս… Հրապարակի կենտրոնում անկրկնելի երգող շատրվաններն են:
©
Sputnik / Asatur Yesayants
Հանրապետության հրապարակ
Այս վայրը մագնիսի պես ձգում է մարդկանց, և հատկապես երեկոյան ժամերին այստեղ մարդկանց հոծ բազմություն է հավաքվում: Նույնիսկ ձմռանը, երբ շատրվանները չեն գործում, զբոսաշրջիկները սիրում են գալ այստեղ և նկարվել: Հրապարակի շինարարությունն իրականացվել է ճարտարապետ Ալեքսանդր Թամանյանի նախագծով (1924-1958 թթ): Հանրապետության հրապարակի հատակագծում սեղանի և օվալի համադրություն է (մակերեսը՝ 3 հեկտար)՝ տեղադրված քաղաքի հյուսիս-հարավ առանցքով։ Հրապարակի հարավ-արևմուտքում մինչև 1990-ը Լենինի արձանն էր, մինչև 1996-ը՝ պատվանդանը: Հրապարակում գտնվող բոլոր շենքերը կառուցված են և երեսպատված սպիտակ (Կառավարական 2-րդ տունը, թանգարանների շենքը) և վարդագույն (մնացած շենքերը) երանգների ֆելզիտային տուֆով: Հրապարակի մոտ կա մի երկարաձիգ զբոսայգի, որտեղ 1968 թվականին Հայաստանի մայրաքաղաքի տարիքը խորհրդանշող 2750 շատրվան է տեղադրվել:
Կասկադ
Այսօրվա Երևանը դժվար է պատկերացնել առանց հայտնի Կասկադի: Սա Երևանի ամենակարևոր տեսարժան վայրերից մեկն է:
Կասկադի վերին հատվածը հասնելուց հետո ոչ միայն հնարավոր է հիանալ Երևանի աննկարագրելի գեղեցիկ տեսարանով, այլև կարելի է զբաղվել ֆիզկուլտուրայով, քանի որ կառույցն անհամար աստիճաններ ունի, որոնք տանում են դեպի «Հաղթանակի զբոսայգի» և «Մայր Հայաստան» հուշահամալիր: Եթե օրն անամպ է, ապա հենց այստեղից կարելի է հիանալ նաև բիբլիական Արարատով: Կասկադի մոտ ձեզ «կդիմավորի» ճարտարապետ Ալեքսանդր Թամանյանը, իսկ շինության ներսում՝ Գաֆէսճեան արվեստի կենտրոնը:
©
Sputnik / Asatur Yesayants
Կասկադ
Կենդանաբանական այգի
Երևանի կենդանաբանական այգին ամենաշատ այցելուներ ունեցող վայրերից մեկն է: Այստեղ կարելի է ժամանակ անցկացնել ընկերների կամ ընտանիքի հետ:
Նորոգված ու թարմացված այգու բնակիչները Երևան են բերվել աշխարհի տարբեր վայրերից: Այգին ընդհանուր առմամբ ունի 300 տեսակի շուրջ 2749 կենդանի (կաթնասուններ, թռչուններ, անողնաշարավորներ, սողուններ, ձկներ): Կենդանաբանական այգին «աստղ» էլ ունի, անունը՝ Գուգո: Գուգոն համադրիլ է (շնակապիկների ցեղատեսակից — խմբ.), որին ցանկանում է տեսնել այգու յուրաքանչյուր այցելու: Վերջերս այստեղ մի հարմարավետ և ժամանակակից զբոսայգի կառուցվեց, որն այժմ կարող է ընդունել նաև հաշմանդամ երեխաների: Կենդանաբանական այգու մուտքի տոմսը հինգշաբթի օրերին 200 դրամ է, իսկ շաբաթվա մյուս օրերին` 600: Մոտ ապագայում այգին նոր բնակիչներ կունենա, որոնց թվում նաև կարմիր պանդա կլինի:
©
Sputnik / Asatur Yesayants
Երևանի կենդանաբանական այգում
Հյուսիսային պողոտա
Փողոցը ձգվում է Ա.Սպենդիարյանի անվան օպերայի և բալետի ազգային ակադեմիական թատրոնի շենքից` այսինքն Ազատության հրապարակից, մինչև Հանրապետության հրապարակ:
Այստեղ վեր են խոյանում նորակառույց շենքերը, որոնց տարածքները հիմնականում վարձով են տրվում: Պողոտան գետնանցում ունի, որտեղ ստորգետնյա առևտրային կենտրոն է կառուցվել: Հյուսիսային պողոտան հարուստ է ռեստորաններով, տարբեր կազմակերպությունների գրասենյակներով և խանութներով: Այստեղ նաև տոնական տարաբնույթ միջոցառումներ են անցկացվում:
©
Sputnik / Asatur Yesayants
Հյուսիսային պողոտա
Էրեբունի ամրոց
1969 թվականին Էրեբունի քաղաքի հիմնադրման կապակցությամբ բացվեց «Էրեբունի» թանգարանը, որտեղ ցուցադրված են ուրարտական մշակույթի արժեքավոր նմուշները:
Թանգարանից ոչ հեռու Էրեբունու ամրոցն է, գտնվում է այժմյան Երևանի հարավարևելյան մասի Նոր Արեշ և Վարդաշեն թաղամասերի միջև վեր խոյացող Արին-բերդ բլրի շուրջը, որի գագաթին պահպանվել են միջնաբերդի մնացորդները։ Պահպանվել է Արգիշտի Ա-ի սեպագիր արձանագրությունը քաղաքի հիմնադրման մասին։ Էրեբունին ուրարտական խոշոր ռազմա-ստրատեգիական հենակետ էր և իր հզոր զինվորական կայազորով կոչված էր ամրապնդելու երկրի դիրքերը հյուսիսային սահմանների հատվածում, ռազմատենչ, հատկապես Ուդարի-Էտուինի ցեղախմբերի ներխուժման վտանգը կանխելու համար։ Մյուս կողմից Արարատյան հարթավայրը Էրեբունիի հետ մեկտեղ, Վանի շրջանից հետո, ուրարտական պետության երկրորդ խոշոր տնտեսական, քաղաքական ու մշակութային կենտրոնն էր։ Էրեբունիի հիմնադրման ժամանակ Վանի թագավորությունը, որպես պետություն, հասել էր տնտեսական, քաղաքական և ռազմական հզորության և գերիշխում էր Առաջավոր Ասիայում։
Էրեբունու գտնվելու վայրի մասին հայտնի չէր մինչև XX դարի կեսերը: Միայն 1950 թվականին, Արին Բերդի հետախուզական աշխատանքների ժամանակ հայտնաբերվեց Արգիշտի I սեպագիր արձանագրությունը, որը ինչպես պարզ դարձավ վերծանումից հետո, Էրեբունու քաղաք-ամրոցի շինարարության մեկնարկի մասին փաստաթուղթ էր: Արձանագրության մեջ գրված էր. «Խալդ աստծո մեծությամբ Արգիշտին՝ Մենուայի որդին, այս անառիկ ամրոցը կառուցեց և անվանեց Էրեբունի քաղաք՝ ի հզորություն Բիայնա երկրի և ի սարսափ թշնամիների։ Արգիշտին ասում է… Հողն ամայի էր, այստեղ ես մեծ գործեր կատարեցի։ Խալդ աստծո մեծությամբ Արգիշտի՝ Մենուայի որդի, արքա հզոր, արքա Բիայնա երկրի, տերը Տուշպա քաղաքի»: Այդ փաստաթուղթը վկայում է, որ քաղաքը կառուցվել է մ.թ.ա. 782 թվականին Արգիշտի Ա-ի կողմից: Թանգարանն ու ամրոցը Երևանի զբոսաշրջային կենտրոններից մեկն են:
360 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում
(Թարմացված է 10:58 03.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։
Այս պահին փաստացի բուժում է ստանում 4889 մարդ (+189), կատարվել է 739116 (+2526) թեստավորում, առողջացել են վարակվածներից 163906-ը (+168)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։
©
Sputnik / Валерий Мельников
Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։
Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։
Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։
2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
Հայկական «X-100» կայանը կխափանի ԱԹՍ-ների և այլ սարքերի աշխատանքը
(Թարմացված է 11:14 03.03.2021)
Նախարարը տեղեկացրել է, որ ռազմարդյունաբերական համալիրի մշակումներին կարելի է ծանոթանալ մարտի 25-27-ն անցկացվող միջազգային ցուցահանդեսում։
ՀՀ բարձր տեխնոլոգիական արդյունաբերության նախարար Հակոբ Արշակյանը Facebook-ի իր էջում ներկայացրել է հայկական արտադրության արբանյակային տեղորոշման համակարգերի ճնշման ռադիոէլեկտրոնային պայքարի (ՌԷՊ) «X-100» կայանը։
«Կայանի նպատակն է ազդել արբանյակային տեղորոշման GPS, GLONASS և այլ տեսակի համակարգերի վրա՝ ԱԹՍ-ների և այլ սարքերի տեղորոշման համակարգերի աշխատանքը մինչև 100կմ հեռավորությամբ խափանելու նպատակով»,-նշել է Արշակյանը:
Նա տեղեկացրել է, որ ռազմարդյունաբերական համալիրի այս և այլ մշակումներին մարդիկ կարելի է ծանոթանալ մարտի 25-27 Երևանի Կ. Դեմիրճյանի անվան մարզահամերգային համալիրում անցկացվող «Արմհայթեք» սպառազինության և պաշտպանական տեխնոլոգիաների միջազգային ցուցահանդեսում։
Հիշեցնենք` փետրվարի 9–ին հրավիրած տարեկան ամփոփիչ ասուլիսում Հակոբ Արշակյանը հայտարարեց, որ 2021թ-ին արդեն իսկ իվիճակի կլինեն մեր տեղական ռազմական պահանջարկն ամբողջությամբ բավարարել և հրետանային միջոցների ու արկերի արտադրությունն ամբողջությամբ կազմակերպել Հայաստանում:
Նախարարը շեշտեց, որ հաջողություններ կան նաև անօդաչու թռչող սարքերի արտադրության ոլորտում՝ ինչպես հարվածային, այնպես էլ՝ հետախուզական:
թեգերը: