ԵՐԵՎԱՆ, 5 հոկտեմբերի — Sputnik. Հայաստանյան հեռավոր մարզերի երկու դաստիարակ այսօր որոշեցին ավտոմեքենա վարել սովորել: Տարվա լավագույն ուսուցիչն ու դաստիարակը, որոնք, ի դեպ, երկուսն էլ Գեղարքունիքի մարզից են, մեզ հետ զրույցում խոստովանեցին, որ ավտոմեքենա վարել չգիտեն, ուստի ՀՀ կրթության և գիտության նախարարության նվիրած ավտոմեքենաներից օգտվելու համար ստիպված կլինեն իրենք էլ որոշ ժամանակ աշակերտել:

Այս տարի «Տարվա լավագույն ուսուցիչ» է ճանաչվել Գեղարքունիքի մարզի Դրախտիկ գյուղի միջնակարգ դպրոցի պատմության ուսուցիչ Արարատ Մովսիսյանը: Երիտասարդ ուսուցիչը շփոթված էր անսպասելի պարգևից, բայց նաև` ոգևորված:

«Մինչև վերջին պահն էլ չէի հավատում, որ կարող էի մրցանակի արժանանալ: Մրցանակի արժանացա, քանի որ մրցույթը կազմակերպված էր արդարության սկզբունքով, իսկ արդարությունն այն էր, որ լինելով հեռավոր տարածաշրջանի ուսուցիչ` մտքովս երբեք չէր անցել, որ կգնահատեն աշխատանքս»,- ասաց նա:

Իսկ մրցանակը, բացի հաճելի ու անսպասելի լինելուց, նաև պարտավորեցնող է: Գյուղական դպրոցի ուսուցիչը պատրաստ է այսուհետ էլ ավելի հայրենասեր սերունդ կրթել, «աշակերտին դարձնել լավագույն քաղաքացի»:

Գեղարքունիքի մարզի Սևան քաղաքի մսուր-մանկապարտեզի դաստիարակչուհի Նարինե Հարությունյանը ևս նախարարի ձեռքից հուզմունքով ընդունեց իր նոր ավտոմեքենայի բանալիները:

© Sputnik / Asatur Yesayants

Нарине Арутюнян

«Կարծում եմ` գնահատվեց իմ` երեխաների հանդեպ ունեցած անչափ սերն ու գործի հանդեպ նվիրվածությունը: 12 տարի է` աշխատում եմ մանկապարտեզում. երեխաների հետ շփումը դժվար է, բայց` հաճելի: Միշտ իմ առջև նպատակ եմ դրել` առողջ և գիտակից սերունդ դաստիարակել»,- ասաց նա:

Երևանի թիվ 20 հիմնական դպրոցի տնօրեն Անահիտ Խոսրովյանն էլ այս տարի լավագույն տնօրեն է ճանաչվել: Բայց իր վաստակից առավել տիկին Խոսրովյանը կարևորում է գործընկեր ուսուցիչների վաստակը:

«Տնօրենը տնօրեն է դառնում ուսուցիչներով: Դպրոցի դեմքն ուսուցիչն է, աշակերտը, ծնողը, իսկ տնօրենը դարձել է մենեջերի նման բան»,- իր կոչումը համեստորեն թերագնահատում է Անահիտ Խոսրովյանը:

© Sputnik / Asatur Yesayants

Анаит Хосровян

Ինչ վերաբերում է պարգևին, ապա տնօրենն այն վերագրում է ներառական կրթություն իրականացնելու հանգամանքին: «Չենք տարբերվում մյուսներից, բոլոր դպրոցներն էլ լավն են: Պարզապես ներառական կրթության կազմակերպումը մի փոքր ավելի սահուն ու լավ ստացվեց մեր դպրոցում, այդպես աչքի ընկանք»:

Sputnik Արմենիայի հարցին, թե դժվար չէ արդյո՞ք աշխատել մյուսներից «տարբերվող» երեխաների հետ, Անահիտ Խոսրովյանը պատասխանեց, որ իրենք երեխաներին չեն տարբերակում, բոլորին վերաբերվում են հավասարապես:

«Իհարկե, կան դժվարություններ, մանավանդ, որ դասարանների խտությունը 35 աշակերտ է պահանջում, իսկ 35-ից 2-3-ը պետք է կրթության առանձնահատուկ կարիք ունեցող երեխաները լինեն, և պարզ է, որ դասապրոցեսը չի իրականացվի այնպես, ինչպես 25 հոգանոց դասարանում»:

Ի դեպ, «տարվա լավագույն» կոչմանն արժանացած տնօրենը վստահեցրեց, որ նվեր ստացած համակարգիչը տանելու է դպրոց, բայց` ոչ իր աշխատասենյակ:

«Այնտեղ արդեն կա, կդնենք դասարաններից մեկում»,- ասաց նա:

Պարգևներն ու նվերները մանկավարժներին հանձնելուց ու մասնագիտական տոնի առթիվ նրանց շնորհավորելուց հետո ԿԳ նախարար Լևոն Մկրտչյանը նշեց, որ այսօր Հայաստանում ուսուցիչն ամենապահանջարկված մասնագիտությունն է, չնայած երբեմն հնչող դժգոհություններին:

© Sputnik / Asatur Yesayants

Левон Мкртчян

«Ուսուցիչները կատարում են մեր երկրի անկախության բազային հենքի ստեղծման շատ կարևոր մի գործառույթ: Ուսուցիչը նախևառաջ առաքելություն է: Այն, որ հասարակությունն ամեն տարի կարևորում է ուսուցչի աշխատանքը` նրանց պարգևատրելով, կարևոր է»,-ասաց Լևոն Մկրտչյանը` հավելելով, որ այս միջոցառման հիմքերը դրվել են շուրջ 20 տարի առաջ` վարչապետ Անդրանիկ Մարգարյանի ու Վազգեն Սարգսյանի օրոք:

Sputnik Արմենիայի հարցին, թե որքանով է այսօր ուսուցիչը գնահատված պետության կողմից` հաշվի առնելով նաև ֆինանսական գնահատականը, նախարարը պատասխանեց. «Ֆինանսապես, իհարկե, շատ ավելին կարելի էր ցանկանալ, հատկապես, որ, գիտեք, եղած դրույքներն էլ շատ հաճախ այսօր կիսվում են: Բայց ես այսօր չէի ցանկանա այդ խնդիրները քննարկել: Ուսուցչի աշխատանքը պետք է մոտիվացիա ունենա, և այդ մոտիվացիան հասարակության հարգանքի դրսևորումն է: Ցավոք, վերջին ժամանակներում մեր կյանքի ձևաչափում նաև ուսուցչի հեղինակությունն անկում ապրեց: Եվ ես, որպես ԿԳ նախարար, իմ հիմնական գործառույթներից մեկը տեսնում եմ այդ հեղինակության բարձրացումը: Եվ ուսուցիչն էլ պետք է արժանի լինի դրան»:

Նախարարի խոսքով` եթե պետությունն առայժմ ֆինանսապես չի կարողանում խրախուսել ու գնահատել ուսուցչին, ապա գոնե վերաբերմունքով, հարգանքով պետք է անի դա:

ԵՐԵՎԱՆ, 5 մարտի - Sputnik. ՀՀ զինված ուժերի գլխավոր շտաբի պետ Օնիկ Գասպարյանի խնդիրը պետք է լիներ, որ թույլ չտար որևէ մեկին քիթը խոթել բանակի ներքին խնդիրներին։ Եռաբլուրում լրագրողների հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը` ի պատասխան հարցին, թե ի՞նչ գնահատական է տալիս ԳՇ–ի` վարչապետի հրաժարականի պահանջով հայտարարությանը։

«Մեր խնդիրները թողած` բանակի փեշերից են կախվել բոլորը։ Որևէ մեկի մտքով չի անցել բանակը դարձնել պետական գործիք, անգամ Հոկտեմբերի 27-ից հետո որևէ քայլ չի արվել գործող իշխանության դեմ։ Բանակը պետք է միայն արտաքին թշնամի ունենար, այլ ոչ թե ներքին»,–ասաց Քոչարյանը։

Հարցին, թե բոլորին հետաքրքրում է` Օնիկ Գասպարյանն այժմ ԳՇ պե՞տ է, թե՞ ազատվել է աշխատանքից, Քոչարյանը պատասխանեց, որ նախագահ Արմեն Սարգսյանը չի ուղարկել վարչապետի միջնորդությունը ՍԴ–ում վիճարկելու, ինչը նշանակում է, որ Գասպարյանը 3 օր հետո համարվում է աշխատանքից ազատված։ Քոչարյանը ենթադրում է, որ այս ընթացքում վարչապետը կա՛մ նախագահին կներկայացնի նոր թեկնածու, կա՛մ ՊՆ–ի հետ կոնսուլտացիաներ կլինեն և գուցե այդ պարտականությունը դրվի տեղակալներից մեկի վրա։

© Photo : official site of the MoD of RA

ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը

Մեկ այլ հարցի, թե ի՞նչ ճակատագիր է սպասում այն զինվորականներին, որոնք միացել են ԳՇ–ի հայտարարությանը` Քոչարյանը պատասխանեց, որ զինվորականների 90 տոկոսն այժմ իրականացնում է իր առջև դրված գործը, բացառությամբ ԳՇ պետի առաջին տեղակալ Տիրան խաչատրյանի, որն ազատվեց աշխատանքից։

Անդրադառնալով Տիրան Խաչատրյանի այն քայլին, որ նա Վարչական դատարան է դիմել` վիճարկելով աշխատանքից ազատման փաստը` Քոչարյանը նշեց, որ Խաչատրյանը վարչական դատարան դիմելուց առաջ թող մտածեր` իր այդ քայլով ինչպիսի՞ վտանգ հասցրեց ՀՀ ներքին անվտանգությանը։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : official site of the MoD of RA

Փաշինյան vs Գլխավոր շտաբ, կամ ինչ է պակասում ընդդիմությանը հաջողության հասնելու համար

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով: