Նաջարյան. Երկաթե վարագույրն այնքան ամուր էր, որ չէինք մտածում` կփլուզվի
ԵՐԵՎԱՆ, 22 օգոստոսի-Sputnik. Սարգիս Նաջարյանը լավ է հիշում այն օրը, երբ հայկական ռադիոն հայտարարեց Խորհրդային միության փլուզման մասին։ Այդ ժամանակ նա դեռ նորելուկ էր և նման կարևոր լուրեր չէր հայտնում։
«Շատերիս համար զարմանալի էր այդ փլուզումը, որովհետև այդ երկաթե վարագույրն այնքան ամուր էր փակված, որ չէինք պատկերացնում` երբևէ կփլուզվի»,-ասաց ռադիոհաղորդավարը։
Նաջարյանը պատմում է, որ խորհրդային տարիներին դժվար էր ռադիողահաղորդավար աշխատելը, քանի որ այն մեծ փորձ ու հմտություն էր պահանջում։ Ամեն մեկը չէր կարող նստել խոսափողի մոտ և լուր կարդալ։ Այսօրվա պես հիշում է` 4 ամիս տքնաջան աշխատելուց հետո միայն նրան հնարավորություն տրվեց փոքրիկ լուրեր կարդալ։
«Մի քանի անգամ բարձրացել եմ Ազգային ռադիոյի աստիճաններով, ամաչել եմ ու նույնիսկ մտքումս ասել` ով ես դու, որ պետք է գնաս ու նման հրաշալի վայրում աշխատես, տուն գնա, դու այստեղի բան չես։ Այն ժամանակվա պահանջները պինդ էին, խիստ էին, երբեմն նաև դաժան էին»,-այսօր արդեն ժպիտով հիշում է Նաջարյանը։
Այդ ժամանակաշրջանում աշխատելով` Նաջարյանը սովորել է յուրահատուկ կարգապահություն, որը նա կիրառում է մինչ օրս։
«Այն ժամանակ մեր աշխատանքում կար աննկարագրելի կարգապահություն, որը թելադրում էր պրոֆեսիոնալիզմ, պատասխանատվություն, եթե դու գնում էր որևէ աշխատանք կատարելու, դու արդեն պիտի պատրաստված լինեիր, սա է հրաշալին, որ հիմա մեր օրերում ինչ-որ տեղ պակասել է։ Վախ կար աշխատանքի մեջ` սխալ չկարդալու, սխալը ուղղելու վախ։ Ռուսին բնորոշ հստակություն ու կարգապահություն կար, երբեմն` հիվանդագին աստիճանի»,-պատմեց Նաջարյանը։
Հենց այդ տարիներին էր, որ երիտասարդ Սարգիսը հանդիպեց իր մասնագիտության կենդանի լեգենդին` Յուրի Լևիտանին։ Նա եկել էր Հայաստան վարպետության դասեր անցկացնելու նպատակով։
Նաջարյանը երբեք չի մոռանա այդ հանդիպումը։ Նրա առջև կանգնած էր մի մարդ, ով ոգեշնչում էր Խորհրդային միության բազմամիլիոնանոց ժողովրդին, ում գլուխը Հիտլերը 250 000 գերմանական մարկ էր գնահատել` վախենալով նրա միասնականության ու հաղթանակի կոչերից։
Յուրի Լևիտանի լավագույն խորհուրդը հայ ռադիոհաղորդավարին այն էր, որ աշխատանքի մեջ պետք է սեր դնել, որպեսզի լավ ստացվի։
«Պետք է սիրել»,- անընդհատ կրկնում էր Լևիտանը:
Ինչպես Նաջարյանն է պատմում, անվանի ռադիաղորդավարը սրբության պես էր պահում իր կոկորդը, քանի որ դա համարում էր իր անփոխարինելիության գործիք։
Նաջարյանը չի թաքցնում, որ Խորհրդային միության տարիներին աշխատանքում խստապահանջությունն ու սահմանափակումները կապանքներ էին ստեղծում ստեղծագործ մարդկանց համար։ Բայց միաժամանակ վստահ է, որ միայն վերոնշյալ հատկանիշների շնորհիվ էր, որ ստեղծվում էր պրոֆեսիոնալիզմը։ Այսօր նման մոտեցումներ հայկական իրականության մեջ քիչ է տեսնում։
Նաջարյանը մինչ օրս աշխատում է իր սիրելի ռադիոյում ու չդավաճանելով նախորդ հասարակարգից մնացած մոտեցումներին ու աշխատաոճին` շարունակում է կարգապահության ու աշխատանքի հանդեպ նվիրվածության օրինակ ծառայել։
«Մեռած ենք, թաղած չենք». գերիների հարազատները փակել են Շիրակի մարզպետարանի մուտքը
(Թարմացված է 18:16 03.03.2021)
Ադրբեջանում հայտնված գերիների ծնողները վրդովված են, ասացին, որ պատրաստվում են դիմել ծայրահեղ քայլերի:ԵՐԵՎԱՆ, 3 մարտի- Sputnik, Արմենուհի Մխոյան. Շիրակցի գերիների հարազատները փակել են Շիրակի մարզպետարանի դուռը: Նրանք կեսօրից սկսած նստել են մարզպետարանի մուտքի դիմաց և աստիճաններին ու պահանջում են հստակ պատասխան, թե երբ են իրենց որդիները վերադարձվելու Հայաստան:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
«Այս ակցիան մեր երեխաների համար է, ուզում ենք իմանալ, թե երբ են բերելու մեր տղաներին` հստակ ժամանակ ենք պահանջում։ Ո՞վ է բերելու մեր տղաներին, ե՞րբ՝ ոչ մի բան չգիտենք»,-մեզ հետ զրույցում ասաց գերիներից մեկի մայրերը:
Գերիների ծնողները վրդովված են, որ իրենց մինչ այս պահը հստակ պատասխան չեն տվել, միայն հորդորել են համբերել ու սպասել: «Բայց էս մոլորությամբ ինչքան կարելի է սպասել: Գոնե իմանանք` ինչ է կատարվում: Հա ասում են` այս ամսվա վերջին կբերենք, մյուս ամսվա 15-ին կբերենք: Ասենք թե մենք այստեղ սպասենք, բա էն երեխեքը այնտեղ, ինչպե՞ս կսպասեն, հլը իրենց վիճակը պատկերացրեք»,-լրագրողների հետ զրույցում ասացին ծնողները:
©
Photo : official site of the President of RF
Ինչպես նախկինում այս անգամ ևս հարազատները վստահեցնում են՝ ոչ մի քաղաքական պահանջ ու ենթատեքստ իրենց ակցիաները չունեն՝ միայն պահանջում են որդիների վերադարձը:
«Մեզ միայն մեր երեխաների հարցի լուծումն է պետք: Մեզ թող պատասխան տան, կամ ՀՀ վարչապետը մեզ ընդունի ու հստակ պատասխան տա մեր երեխաների ճակատագրի մասին: Էլ հնարավոր չէ սպասել: Հա՛մ խնդրում, հա՛մ պահանջում ենք: Մեռած ենք, թաղած չենք»,-նշեցին մայրերը:
Անդրադառնալով ՀՀ վարչապետի հետ օրեր առաջ Գյումրիում կայացած հանդիպմանը` ծնողները վստահեցրին՝ հստակ պատասխաններ չեն ստացել: «Արդեն 80 օր մեր երեխաներին չենք տեսել, ինչքան երկարեց, այնքան մեր տղաների վիճակը վատանալու է: Մենք ինչպես մեր երեխաներին հանձնել ենք իրենց, թող այդպես էլ սաղ-սալամաթ բերեն մեզ վերադարձնեն: Մեզ համար ցավալին այն է, որ մեր տղաները գերեվարվել են հրադադարից հետո»:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
Հիշեցնենք, որ նախորդ ակցիայի ժամանակ գերեվարված զինվորների ծնողները պահանջել էին հանդիպում ՀՀ և ԱՀ նախագահների հետ: Ասացին` մինչ օրս ոչ մեկի կողմից արձագանք չի եղել: Ծնողները վստահեցրին՝ եթե վաղը չստանան իրենց հարցերի պատասխանները, կամ էլ իրենց վարչապետը չընդունի, կդիմեն ծայրահեղ քայլերի: Թե ինչ քայլերի, նախընտրեցին գաղտնի պահել։
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
(Թարմացված է 18:03 03.03.2021)
Արդեն իսկ երկու փոխմարզպետ է հրաժարական ներկայացրել` միանալով ԳՇ–ի հայտարարությանն ու վարչապետի հրաժարականի պահանջին։ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։
«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։
Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։
Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։
թեգերը:
ՄԻՊ-ը քննադատել է ԱԺ պատուհաններից հրազենի և դիպուկահարների ցուցադրությունը
(Թարմացված է 18:32 03.03.2021)
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը։ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։
Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:
Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:
«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։
թեգերը: