Սևանն իր սիրտը նվիրեց ինձ
(Թարմացված է 11:54 27.07.2016)
Սևանա լիճը Հայաստանի խորհրդանիշներից ու այցեքարտերից մեկն է։ Առանց լիճը տեսնելու` Հայաստանի մասին պատկերացումը հաստատ թերի կլինի, հատկապես այն մարդու համար, որը 15 տարի հայրենիքից հեռու է ապրել։Կապույտի բոլոր երանգները մեկտեղած լիճը, որն ավելի շատ տաղանդավոր նկարչի հրաշք ստեղծագործություն է թվում, քան իրականություն, ստիպում է կորցնել աշխարհագրական դիրքդ, ու քեզ պատկերացնում ես մոլորակից դուրս, ինչ-որ դրախտային մի վայրում։ Ու սա Հայաստանն է, հայկական հողի վրա կապույտ ձեռագիր գծած հրաշքը, որը հայերը շատ հաճախ ծով են անվանում։
©
Sputnik / Asatur Yesayants
Սևանա լիճը
Բնության նվերը
Եթե ոմանց համար Սևան ուղևորվելը «ջրի ճամփա» է, ապա ինձ համար, որքան էլ պաթետիկ հնչի, դա պատմական ուղևորություն էր։ Հավանաբար պատճառն այն էր, որ այդ կողմերում եղել էի շատ փոքր տարիքում ու, բնականաբար, աղոտ պատկերներ էին մնացել հիշողությանս մեջ։
Հասանք Սևան, որոշեցի միայնակ շրջել ափով, ու գուցե չհավատաք, բայց լիճն ինձ իր սիրտը նվիրեց։
Ահա այն` Սևանի ընծան։ Ափը ողողած քարերի արանքից գլուխն էր ցցել սրտաձև քարը։ Զգացի, որ հուզվում եմ։ Սևանի արևն ու ջուրն իր մեջ ամփոփած քարը վերցրի ու պահեցի մոտս. չէի կարող անտարբեր անցնել։
Զբոսաշրջիկներ, երաժշտություն և խեցգետին
Գեղարքունիքի մարզը գեղեցկացնող լճի ափերը տարբեր են` մի հատվածում` ավազոտ, մյուսում` քարքարոտ, հողոտ։ Ծովի մակերևույթից 1900 մետր բարձրության վրա գտնվող այս գեղեցկուհին նաև վտանգավոր է։ Լավ կլինի` լողալ չիմացողները ափից շատ չհեռանան, որովհետև ջուրը քաղցրահամ է ու սառը, իսկ դա կարող է ջղակծկումներ առաջացնել։
Ամռանը Սևանա լճի ափերը միշտ բազմամարդ են լինում։ Այստեղ են գալիս աշխարհի ու Հայաստանի տարբեր ծայրերից։ Գալիս են հանգստանալու և հիանալու։ Սևանա գեղեցկուհին տարվա բոլոր եղանակներին պատրաստի «բնորդուհի» ու մուսա է նկարչի, երաժշտի ու պոետի համար։
Ոմանք նավակ են նստում, ոմանք մոտորանավակ վարում։ Շատերը նախընտրում են վրաններով հանգիստը հենց Սևանի ափին։ Ժամանակ առ ժամանակ այստեղ փոքր համերգներ են կազմակերպվում խարույկի մոտ։
Հուլիսի կեսերին այստեղ է անցկացվել «Հուսո առագաստ» հեղինակային երգի փառատոնը։ Սևանի ափին ելույթ են ունեցել հայտնի ու սկսնակ երաժիշտները։
Սևանի մշտական այցելուների ամենասիրած զբաղմունքն էլ երեկոյան ուշ ժամին խարույկի շուրջ նստած, կիթառի հնչյունների ներքո խեցգետին ու գարեջուր վայելելն է։ Իսկ ցերեկային ժամերին կարելի է այցելել Սևանավանք, որի առաջին երկու եկեղեցիները` Սբ Հարությունը և Սբ Կարապետը, հիմնել է Գրիգոր Լուսավորիչը, իսկ 9-րդ դարում վանքն ընդարձակել ու կառուցապատել է Բագրատունիների արքայական տան հիմնադիր` Աշոտ Ա Բագրատունու դուստր, իշխանուհի Մարիամը։
©
Sputnik / Lusine Adamyan
Սևանավանք
Սևանա լիճը կամ Գեղամա ծովը նաև իր օրն ունի. օգոստոսի 26-ին նշվում է Սևանա լճի օրը։
Բնության ստեղծած այս հրաշքի մասին կարելի է անվերջ գրել, բայց ավելի լավ է գալ ու սեփական աչքերով տեսնել այս գեղեցկուհուն։
Սյունիքում, Վայոց Ձորում ու Գեղարքունիքում ձյուն է տեղում, կան փակ ճանապարհներ
(Թարմացված է 09:51 05.03.2021)
Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար, սակայն ռուսական կողմում կա մոտ 600 կուտակված բեռնատար ավտոմեքենա:ԵՐԵՎԱՆ, 5 մարտի - Sputnik. ՀՀ տարածքում կան փակ և դժվարանցանելի ավտոճանապարհներ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։ Եվ այսպես`
- Փակ են Բերդ-Ճամբարակ և Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
- Վարդենյաց լեռնանցքը կցորդիչով բեռնատարների համար փակ է, իսկ մյուսների համար՝ դժվարանցանելի։
- Դժվարանցանելի են Սարավան-«Զանգեր» հատվածը (բեռնատարների համար) և Սյունիքի մարզի Շուռնուխ-Կատարի ավտոճանապարհը։
- Սյունիքի, Վայոց Ձորի մարզերում, Գեղարքունիքի մարզի Գավառ և Ճամբարակ քաղաքներում տեղում է ձյուն։
- Սյունիքի մարզի ավտոճանապարհներին տեղ-տեղ առկա է մերկասառույց։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 600 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Աղմկահարույց պատմություն. ինչպես է բեռը ՌԴ–ից ուղարկվել ՀՀ, և ինչ կապ ունի Հայկ Սարգսյանը
Ոստիկանը մերն է. հրապարակում կանգնելու համար ավելի շա՞տ են փող ստանում
(Թարմացված է 09:37 05.03.2021)
Օրաթերթը գրավոր հարցում է ուղարկել ՀՀ ոստիկանության լրատվական ծառայություն և խնդրել տեղեկություն տրամադրել, թե վերջին ամիսների ընթացքում որքան պարգևավճար են ստացել ոստիկանության աշխատակիցները, երբ և ինչ առիթով:ԵՐԵՎԱՆ, 5 մարտի - Sputnik. «Ժողովուրդ» օրաթերթին տեղեկություններ են հասել, որ ՀՀ ոստիկանության աշխատակիցներն այս տարի կայացած հանրահավաքներին, ցույցերին ակտիվ մասնակցություն ունենալու համար երկու անգամ պարգևավճար են ստացել:
©
Sputnik / Hovhannes Shoghikyan
Օրաթերթը գրավոր հարցում է ուղարկել ՀՀ ոստիկանության լրատվական ծառայություն և խնդրել տեղեկություն տրամադրել, թե վերջին ամիսների ընթացքում որքան պարգևավճար են ստացել ոստիկանության աշխատակիցները, երբ և ինչ առիթով:
«Ոստիկանության լրատվական ծառայությունից «Ժողովուրդ»–ի հարցմանն ի պատասխան, հայտնել են, որ ՀՀ ոստիկանության ծառայողներին (աշխատողներին) 03.03.2021 թ.-ի դրությամբ հատկացվել է ամսական պարգևատրում (ս/թ հունվար ամսվա համար)՝ 718.152.586 դրամ գումարի չափով, միանվագ դրամական պարգևատրում («Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի 22-րդ հոդվածի 9-րդ և 10-րդ մասերի հիման վրա)՝ 209.268.943 դրամի չափով»,–գրում է թերթը:
Չտրվել սադրանքներին. ՀՀ ոստիկանությունը և դատախազությունը հայտարարություններ են տարածել
Ստացվում է՝ ոստիկանության աշխատակիցները իսկապես պարգևատրվել են երկու անգամ. մեկը հունվար ամսվա համար, մեկն էլ արդեն միանվագ:
Հանրահավաքի ժամանակ հնարավոր են սադրանքներ․ ՀՀ ոստիկանություն
Մարտակերտի զորամասերից մեկի հավաքակայանից ԱԻՊԾ–ին է փոխանցվել 2 զինծառայողի մասունք
(Թարմացված է 10:08 05.03.2021)
Արցախի հարավային թևում ԱՀ ներքին գործերի նախարարության ԱԻ պետական ծառայության փրկարար ջոկատների որոնողական աշխատանքները դարձյալ արդյունք չեն տվել:ԵՐԵՎԱՆ, 5 մարտի - Sputnik. Երեկ Արցախի հարավային թևում ԱՀ ներքին գործերի նախարարության ԱԻ պետական ծառայության փրկարար ջոկատների որոնողական աշխատանքները դարձյալ արդյունք չեն տվել: Տեղեկությունը հայտնում է ԱՀ ներքին գործերի նախարարության մամուլի ծառայությունը։
44–օրյա պատերազմի օրերին տարածքը թիրախավորվել և հրկիզվել էր թշնամու արձակած հրթիռից:
Նախարարությունից նշում են, սակայն, որ Մարտակերտի զորամասերից մեկի հավաքակայանից ԱԻ ծառայությանն է փոխանցվել նախնական տվյալներով 2 զինծառայողի մասունք:
Վերջիններիս ինքնությունը պարզ կլինի միայն դատաբժշկական փորձաքննությունից հետո:
Նշենք, որ 2 օր առաջ նույն վայրից փոխանցվել էր ևս մեկ զինծառայողի մասունք:
Զինադադարից հետո մինչ օրս հայտնաբերվել է ընդհանուր 1488 աճյուն:
Երանի էի տալիս, որ գերի ընկած լինի, ապա` որ գտնենք մարմինը. Տիգրանի ծնողների դժոխքի ճամփան
Որոնումներն այսօր շարունակվում են Հադրութի և Վարանդայի (Ֆիզուլի) շրջաններում:
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։
Անհետ կորածների, գերիների ու վիրավորների թվի մասին պաշտոնական տվյալներ չկան։
Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը