Գոհար Սարգսյան, Sputnik.

Հռոմի Ֆրանցիսկոս պապի՝ 2015 թվականի պատարագը ցնցեց աշխարհն ու խախաղության և հանդուրժողականության յուրօրինակ կոչ դարձավ։ Նա, մասնավորապես, ասաց, որ անցյալ դարում մարդկության ընտանիքն անցավ երեք զանգվածային ու աննախադեպ ողբերգությունների միջով, որոնցից առաջինը համարվող ցեղասպանությունը հարվածեց հայերին:

«Մարդկության ընտանիքը կարծես մերժել է իր անցյալի սխալների դասերը, որոնց հիմքում ահաբեկման օրենքն է: Կարծես այսօր էլ կան մարդիկ, որոնք փորձում են ոչնչացնել ուրիշներին այլոց հանցավոր լռությամբ, որոնք պարզապես դրան նայում են կողքից»,-ասել էր Ֆրանցիսկոս պապը:

Սուրբ Պետրոսի տաճարում հնչեցին հոգևոր երգեր: Բայց առավել բացառիկ էին դուդուկի հնչյունները, որ տարածվեցին տաճարում: Վատիկանի ռադիոն էլ իր կայքում տեղադրեց հետևյալ գրառումը՝ «Սուրբ Պետրոսի տաճարի սիրտը տրոփում է հայկականությամբ»:

Filippo MONTEFORTE / AFP

Հռոմի պապը` Հայաստան կատարելիք ուղևորության մասին

Սամվել Ֆարմանյանը Վատիկանի Սուրբ Պետրոսի տաճարում էր` Սրբազան Քահանայապետի պատարագը լսելու և խաղաղության աղոթքին մասնակից լինելու համար: Այդ պահին նա չգիտեր, որ պապը 20-րդ դարի իրադարձությունները կոչելու է «ցեղասպանություն», բայց ինչպես խոստովանում է, միշտ էլ թաքուն հույս փափայել է:

«Հետևելով նրա ծավալած գործունեությանը՝ ես կասկած անգամ չեմ ունեցել, որ մենք գործ ունենք այն հոգևոր առաջնորդի հետ, ով չի վարանի պատմական ճշմարտությունը կոչել իր անունով»,- Sputnik-ին ասաց Ֆարմանյանը:

Նրա խոսքով՝ պատարագի ժամանակ Հռոմի Ֆրանցիսկոս պապի արտահայտություններից մեկը ցեղասպանագետների, քաղաքական գործիչների, մտավորականների շրջանում դարձավ թևավոր խոսք:

«Ես նկատի ունեմ պապի հետևյալ արտահայտությունը. չտեսնել չարը և հերքել ցեղասպանության հանգամանքը, նման է նրան, որ տեսնելով արնաքամ լինող մարդուն` չփորձես վիրակապել նրան և թողնես արնաքամ լինի»,- հիշեց Սամվել Ֆարմանյանը:

Հենց այսօր՝ հունիսի 24-ին, Կաթոլիկ եկեղեցու հովվապետն այցելում է Հայաստան: Ֆարմանյանը նշում է, որ Հռոմի պապի հետ շփված բոլոր մարդիկ զգացել են նրա դրական էներգետիկան: Ֆարմանյանը լիահույս է, որ նույն այդ էներգետիկայով կլցվեն նաև Հայաստանն ու հայերի սրտերը։

Личная страница в Facebook

Սամվել Ֆարմանյան

«Բոլորը միաբերան պնդում են, որ պապն իր հանգստությամբ, իր խորությամբ, իր հանդարտությամբ և իր հոգևոր կեցվածքով բացառիկ դրական էներգետիկա ունի: Տա Աստված, որ այդ հոգևոր դրական էներգետիկան, որով լցված է Հայաստանն այս օրերին, նպաստի մեր կյանքում դրական լիցքերի ամրապնդմանը, որպեսզի մենք` որպես ժողովուրդ, վեր կանգնենք բոլոր այն թերություններից, բացթողումներից, նաև մարդկային մեղքերից, որ մենք բոլորս ունենք, և մի քիչ բարձր դիրքերից նայենք իրականությանը և գործենք մեր կրոնական համոզմունքներին և խղճին համապատասխան»,-ասաց նա:

Սուրբ Պետրոսի տաճարից դուրս գալով՝ Ֆարմանյանը տեսել է մի խումբ հայերի, ովքեր Հայաստանից ժամանել էին մեքենաներով՝ լսելու Հռոմի Ֆրանցիսկոս պապի պատարագը: Մեր զրուցակիցը երբեք չի մոռանա նրանց թաց աչքերը ցեղասպանության մասին լսելուց հետո: Նա համոզված է, որ այսօր էլ կտեսնի նույնքան վառ, տպավորված ու հոգեպես հագեցած մարդկանց:

ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։

ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:

© Sputnik / Екатерина Чеснокова

Պեսկովի կինն այլևս շիկահեր չէ. նրա նոր կերպարը հիացրել է հետևորդներին

Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):

«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։

Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։