Կարկուտ Երևանում

ԱԻՆ. Անձրև և կարկուտ կլինի մինչև հաջորդ շաբաթվա վերջ

44
(Թարմացված է 21:30 04.06.2016)
Հիդրոմետի տեղեկությամբ` ցիկլոնի ազդեցությունը հանրապետության տարածքում կպահպանվի մինչև հունիսի 10-ը ներառյալ

ԵՐԵՎԱՆ, 4 հունիսի — Sputnik. Սև ծովից ակտիվ ցիկլոնի ներթափանցմամբ պայմանավորված, ինչպես և կանխատեսվել էր, այսօր հանրապետության ողջ տարածքում դիտվել են ակտիվ ամպրոպային գործունեություն և հորդառատ անձրևներ, հայտնել է ԱԻՆ Հիդրոմետ ծառայությունը:

Град в Ереване
Армине Алексанян
Կարկուտ Երևանում

Ըստ Հիդրոմետի` ցիկլոնի ազդեցությունը հանրապետության տարածքում կպահպանվի մինչև հունիսի 10-ը ներառյալ, որի հետևանքով հատկապես կեսօրից հետո և գիշերը շրջանների զգալի մասում սպասվում են անձրև և ամպրոպ, առանձին հատվածներում կրկին մեծ է մնում կարկտի հավանականությունը: 

Ցիկլոնը հատկապես ակտիվ կլինի հունիսի 7-9-ին, որի հետևանքով կմեծանա անձրևների ինտենսիվությունը և տևողությունը: Նշված ժամանակահատվածում ամպրոպների ժամանակ հնարավոր է քամու ուժգնացում՝ 20-25 մ/վրկ:

Կարկուտ Երևանում
© Sputnik/ Лусинэ Адамян

Հունիսի 7-9-ը, պայմանավորված արկտիկական ցուրտ օդային զանգվածների ներթափանցման հետ, օդի ջերմաստիճանը կնվազի մոտ 3-5 աստիճանով:

Նշենք, որ այսօր Երևանում ուժեղ կարկուտ տեղաց` ոչ պակաս ուժեղ քամու ուղեկցությամբ։

44