Լոլիտա

Լոլիտան առաջին անգամ պատմել է դստեր իրական հիվանդության մասին

285
(Թարմացված է 16:55 17.07.2021)
Երգչուհին խոստովանել է, որ առողջական խնդիրը, ավելի ճիշտ՝ հոգեկան հիվանդությունը վերջերս են ախտորոշել, և այն կապված չէ աղջկա վաղածին լինելու հետ։

ԵՐԵՎԱՆ, 17 հուլիսի – Sputnik. Երգչուհի Լոլիտա Միլյավսկայան ռուսական «Пятница!» հեռուստաալիքի «ԴՆԹ-շոուի» ժամանակ առաջին անգամ պատմել է իր 22-ամյա դստեր՝ Եվայի իրական ախտորոշման մասին։ Այդ մասին գրում է StarHit-ը։

57-ամյա երգչուհին խոստովանել է, որ իր դուստրը լուրջ հիվանդություն ունի, որը կապված չէ աղջկա վաղածին լինելու հետ․ հոգեկան հիվանդությունը վերջերս են ախտորոշել։

«Ինչ վերաբերում է Եվային, այո, մենք խնդիր ունենք։ Դա աուիտիզմ չէ, այլ Ասպերգերի համախտանիշ»,-ասել է նա։

Միլյավսկայան պատմել է, թե ինչպես է արտահայտվում այդ հիվանդոթյունը․ «Երբեմն օբյեկտի վրա գերկենտրոնացում կա, ձեռքերում ինչ-որ բան պտտելու անհրաժեշտություն։ Ինձ մոտ նույնպես նման բան կա։ Նա նաև պատրաստ չէ զգացմունքային ապրումների։ Երբ լսում էր իմ տխուր երգերը, կարող էր կուլիսներում կանգնել ու լաց լինել․ «Մայրիկին ցավեցնում է, մայրիկին ցավեցնում է»»։

Լոլիտայի 5–րդ ամուսինը բացահայտել է երգչուհուց բաժանվելու իրական պատճառը

Երգչուհին, այդուհանդերձ, համոզված է, որ դուստրը կմեծանա` ունենալով այն ամենը, ինչի պակասն ինքը չափազանց շատ է ունեցել։

«Ես նրան անընդհատ ասում եմ, որ գեղեցիկ է, լավն է, խելացի»,-պատմել է երգչուհին։

Լոլիտայի դուստրը ծնվել է 1998թ․-ի նոյեմբերին։ Ըստ փաստաթղթերի՝ աղջկա հայրը երգչուհու երրորդ ամուսինն է՝ Ալեքսանդ Ցեկալոն։ Թե ով է Եվայի կենսաբանական հայրը՝ Միլյավսկայան չի պատրաստվում հայտնել։

Լոլիտան պատմել է` ինչպես է նիհարել. նա երբեք չի վազում և միս ու տորթ է ուտում

285
թեգերը:
հիվանդություն, դուստր, Լոլիտա Միլյավսկայա (երգչուհի)
Ձեռնաշղթա

Ձերբակալվել է Ստավրոպոլում հայազգի ոստիկանի սպանության մեջ կասկածվողը

124
(Թարմացված է 20:22 24.07.2021)
Ձերբակալվածը 28 տարկան է։ Հարուցվել է քրեական գործ՝ սպանության և զենքի ապօրինի շրջանառության մեղադրանքով։

ԵՐԵՎԱՆ, 24 հուլիսի - Sputnik. Ստավրոպոլի երկրամասում ձերբակալվել է տեղի ոստիկանության քրեական հետախուզության բաժնի պետի տեղակալ Ռուսլան Աբովյանի սպանության մեջ կասկածվողը։ Այս մասին ՌԻԱ Նովոստիին հայտնել են ՌԴ քննչական կոմիտեի մարզային վարչությունում:

Ձերբակալվածը 28 տարկան է, նրա անունը չի հրապարակվում։ Նշվում է, որ առաջիկայում նրան կտեղափոխեն քննչական կոմիտե՝ քննչական գործողություններ կատարելու համար։

Միջադեպը տեղի էր ունեցել հուլիսի 23-ի գիշերը Ստավրոպոլի բազմահարկ տներից մեկի մոտ՝ կայանատեղիում։ Մի քանի հոգի հարձակվել էին ոստիկանության պաշտոնյայի վրա, նրանցից մեկը սկսել էր կրակել։ Հանցագործները դեպքի վայրից դիմել էին փախուստի։

Ոստիկանության քրեական հետախուզության բաժնի պետի տեղակալը մարմնի տարբեր հատվածներում հրազենային 9 վնասվածք էր ստացել և մահացել վերակենդանացման բաժանմունքում:

Հարուցվել է քրեական գործ ՝ սպանության և զենքի ապօրինի շրջանառության մեղադրանքով։

«Ի՞նչ եմ արել, որ տաք սուրճ էլ չեք տալիս. ընդամենը 77 մարդու եմ սպանել»

124
թեգերը:
Ձերբակալություն, Ստավրոպոլ, Սպանություն
Ըստ թեմայի
Բացահայտվել է անցած տարի կատարված ահասարսուռ սպանությունը. մանրամասներ
Ղասեմ Սոլեյմանիի սպանության հետ առնչություն ունեցող ամերիկացի սպային մահացած են գտել
Հայիթիի նախագահի այրին ամուսնու սպանությունից հետո առաջին հայտարարությունն է արել
Սերգեյ Լավրով

Լավրովը հորդորում է ձայն բարձրացնել Մերձավոր Արևելքի քրիստոնյաներին պաշտպանելու համար

120
(Թարմացված է 17:02 24.07.2021)
Սերգեյ Լավրովը հայտնել է, որ ՌԴ ԱԳՆ–ն և Ռուսաստանի ուղղափառ եկեղեցին աշխատանքներ են տանում Մերձավոր Արևելքի և Հյուսիսային Աֆրիկայի քրիստոնյաների պաշտպանության համար կոնկրետ քայլեր ձեռնարկելու ուղղությամբ։

ԵՐԵՎԱՆ, 24 հուլիսի – Sputnik. Համաշխարհային հանրությունը կոնկրետ քայլեր պետք է ձեռնարկի Մերձավոր Արևելքի և Հյուսիսային Աֆրիկայի քրիստոնյաների հետապնդումները կանխելու համար, այս խնդիրը լուծելու նպատակով պետք է միջազգային մակարդակով ձայն բարձրացվի։ ՌԴ արտգործնախարար Սերգեյ Լավրովը նման հայտարարություն է արել Վոլոկոլամսկի մետրոպոլիտ Իլարիոնի (Ալֆեև) 55-ամյակի առթիվ «Ռոսիա-24» հեռուստաալիքին տված հարցազրույցում։

Նա նշել է, որ Մերձավոր Արևելքից հարյուրհազարավոր քրիստոնյաներ են փախել, երբ այնտեղ սկսել են ժողովրդավարություն հաստատել, հատկապես տուժում է Սիրիայի քրիստոնյա բնակչությունը։

«Առաջին տարին չէ, որ Արտաքին եկեղեցական կապերի բաժնի հետ համատեղ ԵԱՀԿ, մարդու իրավունքների ՄԱԿ–ի խորհրդի միջոցառումների շրջանակում հատուկ ֆորումներ ենք անցկացնում ի պաշտպանություն քրիստոնյաների։ Ֆորումին մասնակցում են գործընկերներ Վատիկանից, Սուրբ Աթոռից, Հայաստանի, Հունգարիայի, Բելառուսի, Լիբանանի և այլ երկրների արտգործնախարարներ, որոնք Մերձավոր Արևելքի քրիստոնյաների հետագա նորմալ, հանգիստ և անվտանգ կյանքի վտանգ են տեսնում։ Նրանցից հարյուրհազարավորները փախել են, երբ այնտեղ սկսեցին «ժողովրդավարություն» սերմանել։ Սկզբում Իրաքում, այնուհետև Լիբիայում, Սիրիայում», – ասել է Լավրովը։

«Վճռականորեն կպատասխանենք»․ Լավրովը՝ Վաշինգտոնի հետ հետագա երկխոսության մասին

«Հատկապես քրիստոնյա բնակչությունը տուժում է սիրիական հակամարտությունից։ Սիրիան քրիստոնեության բնօրրաններից մեկն է», – հավելել է նա։

Միևնույն ժամանակ Լավրովը նշել է, որ Արևմուտքը արգելակում է համապատասխան փաստաթղթի (իսլամաֆոբիայի ու քրիստոնեաֆոբիայի դեմ հռչակագիր) ընդունման նախաձեռնությունը։

Ռուսաստանը թույլ չի տա իրեն ներքաշել սպառազինությունների ծախսատար մրցավազքի մեջ. Լավրով

120
թեգերը:
քրիստոնյա, Սերգեյ Լավրով, Ռուսաստան
Հենրիխ Մխիտարյանն ու Ժոզե Մուրինյոն. արխիվային լուսանկար

«Նոր էջ ենք բացել»․ Մխիթարյանը՝ Ժոզե Մոուրինյոյի և «Ռոմայում» իր մնալու մասին

11
(Թարմացված է 10:42 25.07.2021)
Հայաստանի հավաքականի կիսապաշտպան Հենրիխ Մխիթարյանը մեկնաբանել է պորտուգալացի սկանդալային մարզիչ Ժոզե Մոուրինյոյի հետ իր հարաբերությունները։

ԵՐԵՎԱՆ, 25 հուլիսի – Sputnik․ Իտալական «Ռոմա ֆուտբոլային ակումբի գլխավոր մարզիչ Ժոզե Մոուրինյոյի հետ կապված խնդիրները լուծված են։ Այս մասին Romapress պարբերականին այս մասին հայտնել է Հայաստանի հավաքականի կիսապաշտպան Հենրիխ Մխիթարյանը։

«Մոուրինյոն շատ հավակնոտ է։ Նա միշտ ցանկանում է հաղթել, նրան յուրաքանչյուր խաղում պետք է երեք միավոր։ Կարծում եմ ՝ նրա հետ կնվաճենք տիտղոսներ։ Նրա հետ կոնֆլիկտի մասին չեմ ուզում խոսել։ Մենք նրա հետ խոսեցինք, նոր էջ բացեցինք, հիմա առաջ ենք գնում», - ասել է հայ ֆուտբոլիստը։

Մխիթարյանի խոսքով՝ սա միակ պատճառը չէ, որ ինքը որոշել է մնալ ակումբում։

«Ես առաջին օրվանից հավատացել եմ այս նախագծին, ինձ այստեղ դուր է գալիս, և ես հավատում եմ, որ կարող եմ տիտղոս նվաճել «Ռոմայի» հետ»,-ասել է նա:

«Ռոմայի» գլխավոր մարզիչի պաշտոնում Ժոզե Մոուրինյոյի նշանակումից հետո թվում էր՝ Մխիթարյանը կտեղափոխվի այլ ակումբ: 32-ամյա հայ ֆուտբոլիստով հետաքրքրվում էին «Յուվենտուսն» ու «Միլանը։

Ավելի վաղ Մխիթարյանը «Մանչեսթեր Յունայթեդից» էր տեղափոխվել «Արսենալ»՝ Ժոզե Մոուրինյոյի հետ լարված հարաբերությունների պատճառով, որը պահեստայինների նստարանին էր պահում հայ ավագին:

Հիշեցնենք, որ 2020/2021 մրցաշրջանում Հենրիխ Մխիթարյանը «Ռոմայի» կազմում դարձել է A Սերիայի լավագույն ռմբարկուն:

Հենրիխ Մխիթարյանն ուզում է խոսել Ժոզե Մոուրինյոյի հետ մինչև որոշում կայացնելը

11
թեգերը:
«Ռոմա» ֆուտբոլային ակումբ, Ժոզե Մոուրինյո, Հենրիխ Մխիթարյան
թեմա:
Հենրիխ Մխիթարյան
Ըստ թեմայի
Մխիթարյանը շնորհավորել է Իտալիայի հավաքականին Եվրո-2020-ում հաղթելու առթիվ
«Ռոման» առաջարկել է Մխիթարյանին 4.5 մլն եվրո. ֆուտբոլիստը կպատասխանի 48 ժամվա ընթացքում
«Եվս մեկ մրցաշրջան, Ռոմանսիտա». Մխիթարյանը տեսանյութ է հրապարակել
Ավելի լավ է Մխիթարյանը խաղար․ Խորվաթիայում թերահավատությամբ են վերաբերվում մեր հավաքականին