Վլադիմիր Պուտին

Պուտինը Ուկրաինայի մասին հոդված է գրել, որը հրապարակվել է Կրեմլի կայքում

171
(Թարմացված է 20:29 12.07.2021)
ՌԴ նախագահ Վլադիմիր Պուտինը հույս է հայտնել, որ երկու երկրների քաղաքացիներն էլ կընթերցեն իր հոդվածը։

ԵՐԵՎԱՆ, 12 հուլիսի – Sputnik․ Ռուսաստանի նախագահ Վլադիմիր Պուտինը հոդված է գրել ռուս և ուկրաինացի ժողովուրդների պատմական միասնության մասին։ Հոդվածի ամբողջական տեքստը հրապարակվել է Կրեմլի կայքում։

Նշվում է, որ հոդվածը լույս է տեսել նաև ուկրաիներեն։ ՌԴ նախագահն իր հոդվածում ընդգծում է, որ Ուկրաինայի ինքնիշխանությունը որպես պետություն հնարավոր է միայն Ռուսաստանի հետ գործընկերության դեպքում։ Իսկ վերջին տարիներին երկու պետությունների միջև առաջացած պատը նա ընկալում է որպես ընդհանուր դժբախտություն և ողբերգություն։

«Սա նախևառաջ մեր սեփական սխալների հետևանքն է, որոնք թույլ ենք տվել տարբեր ժամանակահատվածներում։ Բայց և այն ուժերի նպատակադրված աշխատանքի հետևանքն է, որոնք միշտ ձգտել են խաթարել մեր միասնությունը։ Բանաձև, որը կիրառվում է, հայտնի է անհիշելի ժամանակներից. բաժանի՛ր և իշխի՛ր։ Ոչ մի նոր բան», – նշվում է հոդվածում։

ՌԴ նախագահը հոդվածում պատմական էքսկուրս է անում` ապացուցելով, որ և՛ ռուսները, և՛ ուկրաինացիները, և՛ բելառուսները Եվրոպայի խոշորագույն պետություն հանդիսացող Հին Ռուսիայի ժառանգներն են։ Խոսելով ժամանակակից ուկրաինական պետության մասին` Պուտինն ընդգծել է, որ այն ամբողջությամբ խորհրդային դարաշրջանի զավակ է։

«Մենք գիտենք և հիշում ենք, որ այն մեծապես ստեղծվել է պատմական Ռուսաստանի հաշվին», – գրում է ՌԴ նախագահը։

Իսկ նրանց, ովքեր այսօր Ուկրաինան հանձնել են լիակատար արտաքին կառավարման, ավելորդ չի լինի հիշեցնել, որ այն ժամանակ` 1918 թվականին, նման որոշումը ճակատագրական էր Կիևում իշխող ռեժիմի համար։

Պուտինի խոսքով` Ուկրաինան ու Ռուսաստանը տասնամյակներով, դարերով զարգանում էին որպես միասնական տնտեսական համակարգ։ Համագործակցության այն խորությանը, որ կար երկու պետությունների միջև 30 տարի առաջ, այսօր կարող էին նախանձել ԵՄ–ի երկրները։

Ինչո՞ւ են ՌԴ գերձայնային հրթիռները «խանգարում» ամերիկյան F-35-ի և F-22-ի շահագործմանը

Ժամանակակից գործընթացները նկարագրելով` ՌԴ նախագահն ընդգծում է, որ Ուկրաինային քայլ առ քայլ ներքաշում էին վտանգավոր աշխարհաքաղաքական խաղի մեջ, որի նպատակն էր` երկիրը խոչընդոտ դարձնել Եվրոպայի և Ռուսաստանի միջև, պլացդարմ Ռուսաստանի դեմ։

«Հակա–Ռուսաստան» նախագծի արևմտյան հեղինակներն այդպես են կարգավորում ուկրաինական քաղաքական համակարգը, որպեսզի նախագահները, պատգամավորները, նախարարները փոխվեին, բայց անփոփոխ մնար Ռուսաստանի հետ բաժանման գաղափարը, նրա հետ թշնամանքը։ Գործող նախագահի նախընտրական հիմնական կարգախոսը խաղաղության հասնելն էր։ Նա դրանով իշխանության եկավ։ Խոստումները սուտ դուրս եկան։ Ոչինչ չփոխվեց։ Որոշակի առումով Ուկրաինայում և Դոնբասի շուրջ իրավիճակը նույնիսկ դեգրադացվեց։

ՌԴ նախագահը նշում է, որ Ռուսաստանն այսօր բաց է Ուկրաինայի հետ երկխոսություն վարելու համար և պատրաստ է քննարկելու ամենաբարդ հարցերը։ Բայց կարևոր է հասկանալ, որ գործընկերը սեփական ազգային շահերն է պաշտպանում, այլ ոչ թե սպասարկում այլոց շահերը, գործիք չէ որևէ մեկի ձեռքում ՌԴ–ի հետ պայքարելու համար։

Պուտինի խոսքով` Ռուսաստանի և Ուկրաինայի հոգևոր, մարդկային, քաղաքակրթական կապերը ձևավորվել են հարյուրամյակներով, սկիզբ են առնում նույն աղբյուրից, կոփվել ընդհանուր փորձություններում, ձեռքբերումներում և հաղթանակներում։

Ռուսաստանը կսկսի ԱԹՍ-ներ վաճառել. «բայրաքթարները» պետք է զգուշանա՞ն

«Միասին մենք միշտ եղել ենք ու կլինենք բազմակի անգամ ավելի ուժեղ և հաջողակ։ Չէ՞ որ մենք մեկ ժողովուրդ ենք։ Այսօր այս խոսքերը ոմանք թշնամաբար են ընդունում։ Կարող են տարբեր կերպ մեկնաբանվել։ Բայց շատերի համար իմ խոսքը լսելի կլինի։ Եվ կասեն մի բան` Ռուսաստանը երբեք «հակա–Ուկրաինա» չի եղել և չի լինի։ Իսկ ինչպիսին կլինի Ուկրաինան, պետք է որոշեն նրա քաղաքացիները», – ասվում է հոդվածում։

Նա համոզված է, որ Ուկրաինայում շատերի համար «հակա–Ռուսաստան» նախագիծը պարզապես անընդունելի է։ Եվ նման մարդկանց թիվը միլիոնների է հասնում։

Հիշեցնենք` քաղաքացիների հետ վերջին ուղիղ կապի ժամանակ Պուտինը խոստացել էր, որ Ռուսաստանի և Ուկրաինայի մասին վերլուծական հոդված կգրի, որում կշարադրի հարցի վերաբերյալ իր վերաբերմունքը։ Նա ընդգծել էր, որ ռուս և ուկրաինացի ժողովուրդներին մեկ ամբողջություն է համարում։

ՌԴ նախագահը նաև հույս էր հայտնել, որ երկու երկրների քաղաքացիներն էլ կկարդան իր հոդվածը։

171
Արխիվային լուսանկար

Խարդախության համար ձերբակալվել է «Ինչ, որտեղ, երբ»-ի նախկին հովանավոր Աշոտ Խաչիյանը

76
Խաչիյանին ձերբակալել են հուլիսի 21-ի գիշերը։ Նա թանկարժեք կտավի հափշտակության գործով կասկածյալ է։

ԵՐԵՎԱՆ, 23 հուլիսի - Sputnik. Ինտելեկտ-բանկի նախկին ղեկավար, հնավաճառ Աշոտ Խաչիյանը, որը նաեւ հայտնի է որպես Ադամ Յանով, ձերբակալվել է Մոսկվայում։ «ՄԿ Սանկտ Պետերբուրգը» գրում է, որ նրան արդեն տեղափոխել են Սանկտ Պետերբուրգ։ Նա ներգրավվել է որպես կասկածյալ Ալեքսանդր Բեգրովի «Պետերբուրգի ձմեռային համայնապատկեր» կտավը հափշտակելու գործով։

Մոտ 15 մլն ռուբլի արժողությամբ նկարը գողացել են հնահավաք Գենադի Տյուխմենևից։

Բեգրովի կտավն անհետացել է 2010 թվականին՝ ՌԴ հյուսիսային մայրաքաղաքի Պետրովսկի առափնյա շրջանի գրասենյակային շենքից:
Հետաքննության տվյալներով՝ նկարը խարդախությամբ հափշտակել են երկու տղամարդ, որոնցից մեկը Խաչիյանն էր: Տյուխմենևի հաղորդման հիման վրա խարդախության մասին քրեական գործ է հարուցվել։ Խաչիյանը երկար ժամանակ թաքնվել է հետաքննությունից եւ նրա նկատմամբ դաշնային հետախուզում է հայտարարվել։

Հնարամիտ խարդախն ու կաշառատու դյուրահավատները. ի՞նչ է պետք կաշառքի փոխարեն

Ինտելեկտ-բանկը, որի հիմնադիրը Խաչիյանն է, արտոնագրից զրկվել է 2001 թվականին, 2004 թվականին վարկային կազմակերպությունը լուծարվել է դատարանի որոշմամբ:

Նախորդ տարիներին Խաչիյան-Յանովը «Ինչ, որտեղ, երբ» ինտելեկտուալ հեռուստատեսային խաղերի հովանավորն էր։

Նոր սկանդալ ԱՄՆ-ում. հարյուրավոր հայկական անձնագրերով բանկային խարդախություններ են արվել

76
թեգերը:
հայ, Ձերբակալություն, խարդախություն
Ըստ թեմայի
Խոստացել է կահույք առաքել, հափշտակել է գումարը. ոստիկանները բացահայտել են խարդախ ֆեյքին
Զգուշացեք. Facebook-ի հայկական տիրույթում խարդախության նոր սխեմա է գործում
Հայաստանը Ռուսաստանին է հանձնել խարդախության մեջ կասկածվող տղամարդուն
Միշա Ալոյան

Միշա Ալոյանը նոր հաղթանակ է տարել պրոֆեսիոնալ ռինգում

45
Բռնցքամարտիկը WBA Gold գոտի ունի երկրորդ թեթևագույն քաշային կարգում։

ԵՐԵՎԱՆ, 23 հուլիսի - Sputnik. Հայազգի բռնցքամարտիկ Միշա Ալոյանը նոր հաղթանակ է տարել պրոֆեսիոնալ ռինգում։

Մրցավարների միաձայն որոշմամբ նա հաղթել է Տանզանիայի ներկայացուցիչ Մչանյու Հոյանուին (99:91, 99:91, 99:91)։ Մրցամարտը տեղի է ունեցել Մոսկվայի «Դինամո» մարզասրահում։

Ալոյանը WBA Gold գոտի ունի երկրորդ թեթևագույն քաշային կարգում։

Նա 2012 թվականի լոնդոնյան Օլիմպիադայի  բրոնզե մեդալակիր է, աշխարհի կրկնակի չեմպիոն մինչև 52 կիլոգրամ քաշային կարգում։  Արծաթե մեդալ էր նվաճել Ռիո Դե Ժանեյրոյի օլիմպիադայի ժամանակ, սակայն ավելի ուշ զրկվել էր որակավորումից դոպինգ թեստը չանցնելու պատճառով։

Բրավո իմ տղաներին. Հայաստանի բռնցքամարտի երիտասարդական հավաքականի մարզիչը` մրցաշարի մասին

45
թեգերը:
Ռուսաստան, բռնցքամարտիկ
Ըստ թեմայի
Հայ բռնցքամարտիկը տեխնիկական նոկաուտով հաղթեց ադրբեջանցուն
Բռնցքամարտիկ Հովհաննես Բաչկովն օլիմպիական ուղեգիր նվաճեց
Ծնվել է բռնցքամարտիկ Վախթանգ Դարչինյանի որդին
Ամպամած եղանակ

Հայաստանի որոշ հատվածներում կարկուտ կտեղա. եղանակի տեսություն

0
(Թարմացված է 18:07 23.07.2021)
Օդերևութաբանների կանխատեսումների համաձայն` օդի ջերմաստիճանը կրկին կբարձրանա, բայց +38-ից չի անցնի։

ԵՐԵՎԱՆ, 24 հուլիսի – Sputnik. Այսօր Հայաստանի առանձին շրջաններում, հիմնականում կեսօրից հետո սպասվում է անձրև և ամպրոպ, առանձին հատվածներում հնարավոր է նաև կարկուտ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Հուլիսի 25-26-ը սպասվում է առանց տեղումների եղանակ: Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում 18-23մ/վրկ արագությամբ։

Օդի ջերմաստիճանը այսօրվանից աստիճանաբար կբարձրանա 2-3 աստիճանով։ Ամենաբարձր ջերմաստիճանը` +38, կգրանցվի Արարատի, Արմավիրի և Վայոց Ձորի մարզերում։

Եղանակի կանխատեսում
Եղանակի կանխատեսում

Այսօր Երևանում տեղումներ չեն սպասվում։ Ցերեկային ժամերին օդի ջերմաստիճանը կտատանվի +33-ից +35–ի սահմանում, իսկ գիշերը կնվազի մինչև +20-ից +22։

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

0
թեգերը:
Անձրև, Կարկուտ, եղանակ, Հայաստան
թեմա:
Եղանակը Հայաստանում
Ըստ թեմայի
Վրացական կողմը ցույց է տվել` ինչ փուլում է Լարսի ճանապարհի շինարարությունը. լուսանկարներ
Նուբար Աֆեյանը կարող է Հայաստանին Moderna պատվաստանյութեր նվիրել
Նոր ռեկորդ Հայաստանի աշխատատեղերի շուկայում. գրանցված աշխատողների թիվը շարունակում է աճել