Ստանիսլավ Չերչեսով

Չերչեսովը պաշտոնապես խզել է ՌՖՄ-ի հետ պայմանագիրը, հրաժարվել դրամական խոշոր փոխհատուցումից

51
(Թարմացված է 20:02 09.07.2021)
Ռուսաստանի ֆուտբոլային միությունը Չերչեսովի հետ համատեղ որոշում է կայացրել խզել պայմանագիրը մասնագետի ու նրա մարզչական շտաբի հետ:

ԵՐԵՎԱՆ, 9 հուլիսի - Sputnik. Ռուսաստանի հավաքականի գլխավոր մարզիչ Ստանիսլավ Չերչեսովը և Ռուսաստանի ֆուտբոլային միությունը (ՌՖՄ) պաշտոնապես խզել են պայմանագիրը: Տեղեկությունը հայտնում է Championat-ը՝ հղում անելով իրավիճակին ծանոթ աղբյուրին։

Չերչեսովը հրաժարվել է 5 միլիոն եվրոյի փոխհատուցումից։ Նրա մարզչական շտաբին մինչև այս տարվա վերջ աշխատավարձ է վճարվել։

Օլիմպիական հավաքական. ովքեր կներկայացնեն Հայաստանը Տոկիոյում

Հիշեցնենք, որ Ռուսաստանի ֆուտբոլային միությունը Չերչեսովի հետ համատեղ որոշում է կայացրել խզել պայմանագիրը մասնագետի ու նրա մարզչական շտաբի հետ: ՌՖՄ-ն կսկսի աշխատել այդ պաշտոնի թեկնածուների որոնման ուղղությամբ։

Ռուսաստանի հավաքականը չկարողացավ Եվրոպայի առաջնությունում փլեյ-օֆֆ դուրս գալ՝ B խմբում զբաղեցնելով վերջին տեղը: Թիմը հաղթեց Ֆինլանդիայի հավաքականին (1:0), պարտվեց բելգիացիներին (0:3) ու դանիացիներին (1: 4):

Պոբուլիչը պարտությունից փրկեց «Արարատին». տեսանյութ

51
թեգերը:
Պայմանագիր, ֆուտբոլ
Կոնյակի գործարան

Հայաստանը նախատեսում է ավելացնել կոնյակի արտահանումը Ռուսաստան

25
(Թարմացված է 20:08 29.07.2021)
Դաշնային մաքսային ծառայության տվյալներով՝ Հայաստանից Ռուսաստան կոնյակի ներմուծումը նախորդ տարի կազմել է 52,79 հազար տոննա։

ԵՐԵՎԱՆ, 29 հուլիսի – Sputnik. Հայաստանը նախատեսում է ավելացնել կոնյակի մատակարարումը Ռուսաստան։ Տեղեկությունը ՌԻԱ Նովոստիին հայտնել է ՀՀ էկոնոմիկայի նախարարությանն առընթեր զբոսաշրջության կոմիտեի ղեկավարի պաշտոնակատար Ալֆրեդ Քոչարյանը:

Ռուսաստանում անցյալ տարվա հունիսին ուժի մեջ է մտել խաղողագործության և գինեգործության մասին նոր օրենքը, որը սահմանում է խաղողագործության և գինեգործության արտադրանքի արտադրության, շրջանառության և սպառման իրավական և կազմակերպական հիմքերը: Այն պարունակում է նաև դրույթներ, որոնք ուղղված են կեղծիքի դեմ պայքարին։

«Այսօրվա դրությամբ` օրենքի ուժի մեջ մտնելուց հետո, հայկական կոնյակների արտահանման հետ կապված որևէ խնդիր չի արձանագրվել։ Այնպես որ, հույս ունենք, որ հայկական կոնյակների արտահանումը Ռուսաստան ոչ միայն չի նվազի, այլ ընդհակառակը ՝ կավելանա», – ասել է Քոչարյանը։

Վահան Քերոբյանը գինեգործների ու կոնյակագործների հետ քննարկել է խաղողի մթերման հարցերը

Ռուսաստանի Դաշնային մաքսային ծառայության (ԴՄԾ) տվյալներով՝ 2020 թվականին Հայաստանից Ռուսաստան կոնյակի ներմուծումը կազմել է 52,79 հազար տոննա՝ 129,39 մլն դոլարի:

25
թեգերը:
կոնյակ, Ռուսաստան, Հայաստան
Ըստ թեմայի
Կրքեր բրենդի շուրջ, կամ Կոնյակ քաղաքը կլուծե՞ր հայկական խմիչքի հարցը
Ո՞ր ոգելից խմիչքն է քիչ վնաս հասցնում օրգանիզմին
Բժիշկը պատմել է`որ ոգելից խմիչքն է հատկապես վնասակար սոված ժամանակ
Դմիտրի Պեսկով

ՌԴ-ն օգնում է վերականգնել հրադադարի ռեժիմը Հայաստանի և Ադրբեջանի սահմանին. Պեսկով

124
(Թարմացված է 14:11 29.07.2021)
Ռուսաստանը շարունակում է աշխատել հայ–ադրբեջանական սահմանի լարվածությունը վերացնելու ուղղությամբ։

ԵՐԵՎԱՆ, 29 հուլիսի – Sputnik. ՌԴ նախագահի մամուլի քարտուղար Դմիտրի Պեսկովն այսօր լրագրողներին ասել է, որ Ռուսաստանը ջանք չի խնայել հայ-ադրբեջանական սահմանին հրադադարի ռեժիմը վերականգնելու համար։

«Երեկ հայ-ադրբեջանական սահմանին լարվածություն է եղել, դուք գիտեք, որ Ռուսաստանի ներկայացուցիչները շատ ջանքեր են գործադրել, որպեսզի հրադադարի ռեժիմը վերականգնվի։ Աշխատանքը շարունակվում է, Ռուսաստանը շարունակում է իր շփումները Երևանի և Բաքվի հետ, որպեսզի լիարժեքորեն ապահովվի երկկողմ պայմանավորվածությունների իրականացումը», - նշել է Պեսկովը։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել են սադրանքի ու կրակ բացել հայկական դիրքերի ուղղությամբ։

124
թեգերը:
Սահման, Դմիտրի Պեսկով, Ադրբեջան, Հայաստան
Ըստ թեմայի
Սա այն մարտական դիրքն է, որը հայերը հետ են վերցրել ադրբեջանցիներից. բացառիկ լուսանկարներ
44–օրյա պատերազմից հետո առաջին լայնածավալ էսկալացիան հայ-ադրբեջանական սահմանին. տեսանյութ
Դատապարտում ենք էսկալացիան. ԱՄՆ–ն կոչով դիմել է Հայաստանին ու Ադրբեջանին
Ձյուն

Բրազիլիայում և Արգենտինայում ձյուն է տեղացել

0
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

0
թեգերը:
ձյուն, Արգենտինա, Բրազիլիա