Российская вакцина Sputnik V для профилактики коронавирусной инфекции Covid-19

Nature ամսագրում «Սպուտնիկ V»–ի արդյունավետության ու անվտանգության մասին հոդված է տպվել

50
(Թարմացված է 16:58 07.07.2021)
Դեղամիջոցը հավանության է արժանացել այնպիսի երկրներում, ինչպիսիք են Հարավային Կորեան, Արգենտինան, Հունգարիան և Հնդկաստանը, իսկ ԱՄԷ–ում նրա արդյունավետությունը գնահատել են 97,8 տոկոս։

ԵՐԵՎԱՆ, 7 հուլիսի – Sputnik. Ռուսական «Սպուտնիկ V» պատվաստանյութը կիրառում են գրեթե 70 երկրներում, սակայն կողմնակի ազդեցությունների հետ կապված վեճերի պատճառով այն մինչ օրս չի արժանացել Առողջապահության համաշխարհային կազմակերպության հավանությանը, գրում է Nature ամսագիրը։  

Հոդվածի հեղինակները նշում են, որ «Սպուտնիկ V»–ն COVID-19–ի կանխարգելմանն ուղղված առաջին գրանցված պատվաստանյութը դարձավ աշխարհում ու արժանացավ տասնյակ պետությունների հավանությանը, բայց որպեսզի այն գլոբալ տարածվի, անհրաժեշտ է ԱՀԿ–ի թույլտվությունը։  Մի շարք արտասահմանյան համաճարակաբաններ քննադատում էին ռուսական մշակումը արագացված գրանցման համար։

Որոշ մտավախություններ ցրվեցին The Lancet–ի այն հրապարակումից հետո, որ «Սպունտիկ V»–ն  91,6 տոկոսով արդյունավետ է կորոնավիրուսով հիվանդանալը կանխարգելելու համար և 100 տոկոսով օգնում է խուսափել հիվանդության ծանր ընթացքից։  Ավելի ուշ` 2021 թվականի ապրիլին, Գամալեայի ինստիտուտը նոր տվյալներ հրապարակեց, որոնց համաձայն պատվաստանյութի արդյունավետությունը երկու դեղաչափի ներարկումից հետո 97,6  տոկոս է կազմել։  

Օտարերկրյա գիտնականների շարունակվող քննադատությունից անկախ` դեղամիջոցը հավանության է արժանացել այնպիսի երկրներում, ինչպիսիք են Հարավային Կորեան, Արգենտինան, Հունգարիան և Հնդկաստանը, իսկ ԱՄԷ–ում նրա արդյունավետությունը գնահատել են 97,8 տոկոս։

ՌԴ–ն ակնկալում է, որ ԱՀԿ-ն ու ԵԲԳ-ն մոտակա ամիսներին կգրանցեն «Սպուտնիկ V»-ն

Հոդվածում նաև հայտնում են, որ «Սպուտնիկ V»–ն, ի տարբերություն AstraZeneca–ի և Johnson & Johnson–ի, ոչ թե մեկ, այլ երկու ադենովիրուս է պարունակում, ինչը բարձրացնում է նրա պաշտպանական հատկությունները։  Բացի այդ,  ռուսական պատվաստանյութով պատվաստվելուց հետո ոչ մի երկրում տրոմբոզի դեպքեր չեն հայտնաբերվել, ինչը չի կարելի ասել մյուս երկու պատվաստանյութերի մասին։ Մասնավորապես, Արգենտինայում, Բրազիլիայում և Սան Մարինոյում պատվաստումից հետո որևէ ծանր հետևանքնի մասին չեն հայտնել։

Հոդվածի վերջում հեղինակը գրել է, որ Ռուսաստանում և արտերկրում «Սպուտնիկ V»–ի հետագա ուսումնասիրությունները կարող են ավելի հստակ պատկեր ձևավորել նրա արդյունավետության և անվտանգության մասին։

Ռուսաստանը քննարկում է ՀՀ–ին 1 մլն դեղաչափ «Սպուտնիկ V» մատակարարելու հնարավորությունը

50
թեգերը:
պատվաստումներ, Ռուսաստան, հոդված, Սպուտնիկ V
Ըստ թեմայի
ՀՀ-ն «Սպուտնիկ V»–ի շատ մեծ խմբաքանակ է ստացել, սահմանափակումները հանվել են. Ավանեսյան
«Սպուտնիկ V»-ով պատվաստման տարիքային շեմը հանվել է
Մոսկվայում սկսվել է «Սպուտնիկ V»-ի կլինիկական հետազոտությունը դեռահասների համար
Դատարան

Ուկրաինայի օգտին լրտեսության համար ՀՀ և ՌԴ 2 քաղաքացու Ռուսաստանում դատել են

26
(Թարմացված է 11:57 28.07.2021)
Արարատ Խաչատրյանն ու Դենիս Լոբովը մաս են կազմել ՌԴ-ից Ուկրաինա Ս-300 զենիթահրթիռային համակարգերի՝ պետական գաղտնիք հանդիսացող ռադիոլոկացիոն սարքավորումների մաքսանենգությանը:

ԵՐԵՎԱՆ, 28 հուլիսի - Sputnik. Ռոստովի շրջանային դատարանը 9,5 տարվա և 10 տարվա 5 ամսվա ազատազրկման է դատապարտել Ռուսաստանի ու Հայաստանի քաղաքացիներին, որոնք մեղավոր են ճանաչվել պետական դավաճանության և Ուկրաինայի օգտին լրտեսության մեջ։ Տեղեկությունը հաղորդում է ԱԴԾ-ի հանրային կապերի կենտրոնը:

«Ռոստովի մարզային դատարանը մեղադրական դատավճիռներ է կայացրել ՌԴ քաղաքացի Դենիս Լոբովի ու ՀՀ քաղաքացի Արարատ Խաչատրյանի նկատմամբ, որոնք մասնակցել են Ռուսաստանի Դաշնության տարածքից Ուկրաինա Ս-300 զենիթահրթիռային համակարգերի համար պետական գաղտնիք հանդիսացող ռադիոտեղորոշիչ սարքավորումների մաքսանենգ մատակարարումների իրականացմանը», - նշված է հաղորդագրության մեջ:

ՌԴ Քրեական օրենսգրքի 275 հոդվածով նախատեսված «Պետական դավաճանություն» ու 276-րդ հոդվածով նախատեսված «Լրտեսություն» հանցագործությունների համար դատարանը դատապարտել է Լոբովին 9 տարի 6 ամիս ազատազրկման, Խաչատրյանին՝ 10 տարի 5 ամիս ազատազրկման: Երկուսն էլ պատիժը կրելու են խիստ ռեժիմի գաղութում։

Պարզվել է, որ Լոբովն ու Խաչատրյանը տեղեկություններ են հավաքել C-300 ԶՀՀ-ի կազմի մեջ մտնող կլիստրոնների (մշտական հոսանքը փոփոխական դարձնող սարք) մասին ու նմուշներ են փոխանցել Ուկրաինա: Լոբովը պահել է սարքավորումներ իր տան նկուղում։ Խաչատրյանը սահմանամերձ բնակիչների միջոցով կազմակերպել է կլիստրոնների տեղափոխումն Ուկրաինա։

«Ինձ «ռուսական լրտես» էր անվանում». Վանեցյանը` Փաշինյանի մեղադրանքների մասին

«Կլիստրոնների վերջնական ստացողը «Ուկրօբորոնպրոմ» պետական ընկերությունն էր», - ընդգծվում է հաղորդագրության մեջ:

2020 թվականի մարտին Խաչատրյանը հերթական գնման համար ժամանել է Ռուսաստան, որտեղ նրան ձերբակալել են։

26
թեգերը:
ռուս, հայ, Դատարան, լրտեսություն, Ուկրաինա, Ռուսաստան
Ըստ թեմայի
Արցախում բրիտանական ականազերծող ընկերության լրտեսության մասին քրգործը վարույթ է ընդունվել
«Ծանր ջուր» Արթուրի ու Սերժի համար, կամ ինչպես էին Հայաստանում բռնում «լրտեսներին»
Մանր խուլիգաններ` լրտեսների փոխարեն, կամ ինչպես ԱԱԾ–ն վերածեցին ոստիկանական բաժանմունքի
Ինքնաթիռներ

«Դատաստանի օրվա» նոր ռուսական ինքնաթիռները կամ երրորդ համաշխարհայինի հրամանատարական կետը

170
(Թարմացված է 23:32 27.07.2021)
ՌԻԱ Նովոստիի ռազմական մեկնաբան Ալեքսանդր Խրոլենկո ներկայացրել է ռուսական երրորդ սերնդի կառավարման օդային կետի հնարավորությունները։

Ալեքսանդր Խրոլենկո, ռազմական մեկնաբան

Ռուսաստանի պաշտպանության նախարարությունը շուտով կստանա երրորդ սերնդի կառավարման օդային կետը՝ Իլ-96-400Մ-ի հիմքով: «Դատաստանի օրվա» երկու նոր ինքնաթիռները սկսել են հավաքել Վորոնեժի ավիաբազայում՝ «Զվենո-Ս» նախագծի շրջանակներում:

Կառավարման օդային կետը (ԿՕԿ) Ռուսաստանի գերագույն գլխավոր հրամանատարին և ԶՈւ գլխավոր շտաբի ղեկավարությանը թույլ կտա հուսալիորեն կառավարել զորքերի բոլոր տարատեսակները, ռազմավարական միջուկային ուժերը գլոբալ զինված հակամարտության (ատոմային պատերազմի) ընթացքում, նույնիսկ եթե հակառակորդը ոչնչացնի բոլոր ցամաքային հրամանատարական կետերը:

Ծովային «Ցիրկոնով»՝ ցամաքային թիրախներին. ի՞նչ է դա նշանակում «գործընկերների» համար

Նման տեխնոլոգիական մակարդակի ավիացիոն համալիր ունենալ կարող են իրենց թույլ տալ միայն երկու երկիր՝ ՌԴ-ն և ԱՄՆ-ն։

Ռուսական նոր օդային հրամանատարական կետն ամերիկյան անալոգից տարբերվում է նրանով, որ նախատեսված է մի քանի տեսակի «Դատաստանի օրերի» համար և ապահովում է վրեժխնդրության անխուսափելիությունը ցանկացած ագրեսորի համար:

Ի՞նչ կլինի, եթե ԿՕԿ-ը խոցեն

Նորագույն ռուսական ԿՕԿ-ը դժվար է հայտնաբերել և ոչնչացնել։ Բարձր ինքնավարությունը, ռադիոէլեկտրոնային պայքարի ժամանակակից միջոցները, հակառակորդի արբանյակների և ռադարների համար ցածր տեսանելիության տեխնոլոգիաները, ռադիոակտիվ ճառագայթումից պաշտպանությունը, արագությունը, հեռահարությունը և գործնական բարձրակետը ԿՕԿ-ին զգալի առավելություններ են տալիս ցամաքային, ստորգետնյա կամ ստորջրյա հրամանատարական կետերի նկատմամբ:

Վերալիցքավորելով` ինքնաթիռը կարող է օրերով օդում գտնվել։ Կառավարման օդային կետը խոցելը, թերևս, ամենավտանգավորն է. տեսական այդպիսի իրավիճակում անկման 2-3 րոպեի ընթացքում Գլխավոր շտաբի օպերատիվ խումբը կհասցնի Երկրի երեսից լիովին ջնջել մի երկու տասնյակ թշնամական երկիր։  

Ժամանակակից պատերազմը հոլիվուդյան մարտաֆիլմ չէ, հարվածների հայելային փոխանակում չէ, հակամարտող կողմերը կարող են ճկուն կերպով փոխել իրենց սցենարները մարտական կիրառման բոլոր միջավայրերում։ Հսկայական նշանակություն ունի ՌԴ զինված ուժերի ընդհանուր վիճակը, պլանավորման և կապի համակարգը, միջուկային զենքի մարտական կիրառման ալգորիթմները, պետության ղեկավարի և Գերագույն գլխավոր հրամանատարի քաղաքական կամքը։ Երրորդ սերնդի Կառավարման օդային կետի մշակումը վկայում է արտաքին ռազմական սպառնալիքների լրջության մասին։

«Դատաստանի օրվա» ռուսական ինքնաթիռների գոյության փաստն ինքնին սառեցնում է Պենտագոնի և ՆԱՏՕ-ի տաք գլուխները, անորոշ երկար ժամկետով հետաձգում է գլոբալ զինված հակամարտությունը։

Երրորդ համաշխարհայինի հրամանատարական կետը

Ռուսական զորքերը համալրվում են կառավարման ավելի ու ավելի կատարյալ ավտոմատացված համակարգերով, արհեստական ինտելեկտի տարրերով սպառազինությամբ։ Ակտիվորեն համալրվում են Ռազմավարական միջուկային ուժերը։ Զարգանում են տիեզերական հետախուզության և կապի միջոցները։ ԿՕԿ-ը պետք է համապատասխանի ժամանակի պահանջներին։

«Դատաստանի օրվա» օդանավի ռադիոհամալիրը թույլ է տալիս զորքերին 6000 կմ շառավղով հրամաններ և մարտական կարգադրություններ փոխանցել, ներառյալ ռազմավարական ավիացիայի անձնակազմերը, ռազմավարական միջուկային զենք կրող սուզանավերը, շարժական և հանքային արձակման կայանքների հաշվարկները:

ՌԴ-ն հատուկջոկատայինների համատեղ զորավարժությունների շարք կանցկացնի Աֆղանստանի սահմանին

Երրորդ սերնդի ԿՕԿ-ն առանձնանում է յուրահատուկ հատկանիշներով, բարձր ֆունկցիոնալությամբ, կենսունակությամբ, էներգիայի տնտեսմամբ։ Օդանավում հարմարավետ պայմաններ են ստեղծված ՌԴ ԶՈւ բարձրագույն հրամանատարական կազմի, գլխավոր շտաբի սպաների օպերատիվ խմբի և տեխնիկական խմբի մասնագետների երկարաժամյա աշխատանքի համար: Գլոբալ հակամարտության իրավիճակում Ռուսաստանի գլխավոր հրամանատարական կետը պետք է վերալիցքավորումներով թռիչք կատարի մի քանի օր շարունակ։

Ամեն ինչի հիմքը հուսալի կրիչն է։ Իլ-96-400-ը Իլ-96-300-ի բեռնատար մոդիֆիկացիան է, որը հայտնի է իր հզորությամբ և անվտանգությամբ։ Ժամանակակից նյութերը թույլ են տվել պակասեցնել ինքնաթիռի զանգվածը` ապահովելով ամրություն ու տնտեսողականություն։ Իլ-96-300-ի հատուկ մոդիֆիկացիաներն օգտագործվում են որպես Ռուսաստանի Դաշնության նախագահի №1 օդանավ և հարմարեցված են զինված ուժերի Գերագույն գլխավոր հրամանատարի գործառույթների իրականացման համար։

Իլ-96-400 օդանավը՝ ՊՍ-90Ա1 շարժիչներով և ավելացված բեռնատարողությամբ հուսալի հիմք է հանդիսանում ինքնաթիռի ներքին համալիրի համար, որն ունակ է աշխատել մարտական կառավարման բոլոր գոյություն ունեցող և հեռանկարային ավտոմատացված համակարգերի հետ։ Իլ-96-400Մ-ի քաղաքացիական տարբերակը հաշվարկված է մինչև 370 ուղևորի փոխադրման համար։ Ռուսական ավիաարդյունաբերության բոլոր մեքենաներից Իլ-96-ը ամենահեռուն է թռչում և, այնուամենայնիվ, պահեստային օդակայաններ, ինչպես նաև ենթակառուցվածքի ուղեկցող օբյեկտներ են հարկավոր Ռուսաստանի հեռավոր անկյուններում։

Մինչ ՌԴ ԶՈւ գլխավոր շտաբի մասնագետները մոդելավորում են լայնածավալ ռազմական հակամարտության ռազմավարական (համակարգչային) սցենարները, «Դատաստանի օրվա» մի քանի ինքնաթիռներ լուռումունջ իրենց ժամին են սպասում բազային օդանավակայանում: Այսօր գործող օդային կառավարման կետը ստեղծվել է Իլ-86 ինքնաթիռի հիմքի վրա և կոչվում է Իլ-80։ Երկրորդ սերնդի նմանատիպ չորս համակարգ է կառուցվել։ Երրորդ սերնդի ԿՕԿ-ի ստեղծման որոշումը համընկել է երկրորդի արդիականացման հետ՝ 2019 թվականին։

Ամերիկյան անալոգները

ԱՄՆ-ի ռազմաօդային ուժերը չորս ժամանակակից հրամանատարական կետ ունեն ԱՄՆ-ի բարձրագույն ղեկավարության համար, որոնք ստեղծվել են Boeing 747-200 հեռամագիստրալ լայնաֆյուզելաժային ուղևորատար ինքնաթիռի հիման վրա: Մեքենաները նախատեսվում է օգտագործել ըստ նշանակության, եթե կառավարման ցամաքային համակարգերը կործանվեն միջուկային պատերազմի արդյունքում։

Boeing 747-200-ի քաղաքացիական տարբերակը ունի 374,8 տոննա առավելագույն թռիչքային զանգված, արագությունը՝ մինչև 895 կմ/ժ, բարձրակետը՝ 13 750 մետր, թռիչքի հեռավորությունը՝ մինչև 106701 մ։ Ուղևորների տեղերի թիվը 790 է։ Boeing 747-200F-ի բեռնամասում հնարավոր է մինչև 113 տոննա զանգվածով բեռների փոխադրում։

Ամերիկյան համալիրների տեխնոլոգիական հնարավորությունները կարելի է գնահատել մի քանի օրինակ  դիտարկելով։

ԱՄՆ-ի ռազմավարական կառավարման ժամանակակից օդային կետը՝ Boeing C-32-ի հիման վրա, նախատեսված է զորքերի օպերատիվ ծավալման ընթացքում տարբեր խնդիրների լուծման համար՝ ցամաքային ենթակառուցվածքի բացակայության դեպքում, կամ հակառակորդի կողմից կառավարման ցամաքային կետերի, կապի հանգույցների և գծերի խոցումից հետո: Ինչպես նաև որպես Արտակարգ իրավիճակներում գործողությունների դաշնային գործակալության՝ FEMA-ի շարժական կառավարման կետեր:

С-32А-ի վրա նորագույն սարքավորումներ են տեղադրված, տեղորոշման համակարգեր և կապի միջոցներ։ Ուղևորային խցիկը բաժանված է մի քանի բաժինների՝ զինվորական բարձրագույն ղեկավարության աշխատանքային սենյակ, խորհրդակցությունների սենյակ, օպերատիվ խմբի սենյակ, կապի հանգույց և հանգստի սենյակ (նման դասավորություն ունեն, հավանաբար, բոլոր ԿՕԿ-երը):

Առաջին ինքնաթիռը թողարկվել է Boeing-ի գործարանում՝ Սիեթլում, 1998 թ․-ի հունիսի 19-ին։ Ընդամենը 4 ինքնաթիռ է արտադրվել, որոնցից յուրաքանչյուրը կարող է կատարել օպերատիվ-մարտավարական հրամանատարության օդային հրամանատարական կետի և «Մինիթմեն» միջմայրցամաքային բալիստիկ հրթիռների արձակման կառավարման կետի գործառույթները:

Թալիբները թուրքերին ասում են Go home և գնդակահարում գերիներին. ի՞նչ է լինելու հետո

E-6B Mercury օդանավը ստեղծվել է Boeing 707-320-ի հիման վրա՝ General Electric-ի արտադրության չորս F108-CF-100 տուրբոռեակտիվ շարժիչներով։ Ինքնաթիռի առավելագույն թռիչային զանգվածը 155 տոննա է։ Թռիչքի արագությունը՝ մինչև 972 կմ/ժամ, 12000 մետր բարձրությամբ։ Գործական բարձրակետը 12810 մետր է։ Մարտական հերթապահություն կատարելիս թռիչքի հեռավորությունը, առանց օդում վերալիցքավորվելու, 72 ժամ է։ Ինքնաթիռի թռիչքային անձնակազմը՝ 12 մարդ, ՕՀԿ-ի շտաբի օպերատիվ խումբը՝ ութ մասնագետ։

Առաջին օդային հրամանատարական կետերն ԱՄՆ-ում հայտնվել են 1965 թ․-ին, և դրանք հատուկ միջոցներով հագեցած KC-135A լիցքավորիչներ օդանավերն էին: Դրանք ԱՄՆ Զինված ուժերի գլխավոր հրամանատարի ինքնաթիռների դերն էին կատարում և գործում էին Էնդրյուսի ավիաբազայից (Մերիլենդ նահանգ), այնուհետև այդ կարգավիճակում դրանց փոխարինեցին երեք «Boeing» E-4A–երը: Ռազմական գործողությունների եվրոպական և խաղաղօվկիանոսյան թատերաբեմերի համար առանձին տարբերակներ գոյություն ունեին։

Ռուսաստանի և ԱՄՆ-ի միջև բարձր տեխնոլոգիաների ռազմավարական մրցարշավը շարունակվում է։

170
թեգերը:
Պատերազմ, Զենք, սպառազինություն, ինքնաթիռ, ԱՄՆ, Ռուսաստան
Военные каски

ՊՆ–ն հրապարակել է ադրբեջանական կրակոցներից զոհված զինծառայողների անունները

65
(Թարմացված է 12:00 28.07.2021)
Մարտական գործողությունների ընթացքում հրազենային վիրավորում է ստացել ՀՀ ԶՈՒ երեք զինծառայող։

ԵՐԵՎԱՆ, 28 հուլիսի – Sputnik. Հուլիսի 28-ի գիշերը ադրբեջանական զինված ուժերի կողմից իրականացված սադրանքին դիմակայելու ընթացքում զոհվել են ավագ լեյտենանտ Հայկ Հովհաննեսի Գևորգյանը, շարքային Կորյուն Արայիկի Հարությունյանը և շարքային Դավիթ Գառնիկի Քոչարյանը։

Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողների ընտանիքների անդամներին, հարազատներին և ծառայակիցներին։

Մարտական գործողությունների ընթացքում հրազենային վիրավորում է ստացել ՀՀ ԶՈՒ երեք զինծառայող։ Նրանց առողջական վիճակի մասին տեղեկատվություն կտրամադրվի քիչ ավելի ուշ։

 

65