Սերգեյ Լավրով

«Վճռականորեն կպատասխանենք»․ Լավրովը՝ Վաշինգտոնի հետ հետագա երկխոսության մասին

74
(Թարմացված է 15:26 06.07.2021)
Սերգեյ Լավրովի խոսքով՝ բոլոր ուղղություններով արդյունք հնարավոր է միայն Ռուսաստանի ու ԱՄՆ-ի շահերի փոխադարձ ընդունելի հավասարակշռության դեպքում։

ԵՐԵՎԱՆ, 6 հուլիսի - Sputnik. Մոսկվայի հետ ուժի դիրքերից երկխոսություն վարելու փորձերը անհաջողության են դատապարտված։ Վաշինգտոնում պետք է դա հասկանան։ ՌԻԱ Նովոստիի փոխանցմամբ՝ ինդոնեզական «Ռակյատ Մերդեկա» թերթին տված հարցազրույցում նման կարծիք է հայտնել Ռուսաստանի արտգործնախարար Սերգեյ Լավրովը:

«Ոչ բարեկամական գործողություններին կոշտ ու վճռականորեն կպատասխանենք», - ընդգծել է Լավրովը:

Ռուսաստանի արտաքին քաղաքական գերատեսչության ղեկավարի խոսքով՝ Ժնևում Վլադիմիր Պուտինը հստակ նշել է, որ բոլոր ուղղություններով արդյունքը հնարավոր է բացառապես հավասարության հիմունքներով շահերի փոխընդունելի հավասարակշռություն գտնելու միջոցով։ Բանակցություններում առարկություններ չեն հնչել, սակայն Լավրովի խոսքով, դրանցից անմիջապես հետո Վաշինգտոնում «կրկնակի ուժով ձեռնամուխ են եղել նախկին «նոտացիաներին» ու սկսել են պահանջներ ներկայացնել Ռուսաստանին։

Ռուսաստանի ու ԱՄՆ-ի նախագահների հանդիպումը կայացել է հունիսի 16-ին Ժնևում՝ Լա Գրանժ վիլայում: Սա այս տարվա սկզբին ԱՄՆ-ի նախագահի պաշտոնը ստանձնելու պահից ի վեր Պուտինի ու Բայդենի առաջին հանդիպումն էր:

Ռուսաստանը կսկսի ԱԹՍ-ներ վաճառել. «բայրաքթարները» պետք է զգուշանա՞ն

Ժնևում երկու երկրների ղեկավարների բանակցությունները ընդհանուր առմամբ շուրջ հինգ ժամ են տևել:

Գագաթնաժողովի արդյունքներով նախագահները համատեղ հայտարարություն են արել, որտեղ իրենց հավատարմությունն են հայտնել ռազմավարական կայունության սկզբունքներին:

74
թեգերը:
Սերգեյ Լավրով, ԱՄՆ, Ռուսաստան
Ըստ թեմայի
Լավրովը ՄԱԿ-ի հանձնակատարի հետ քննարկել է փախստականներին Ղարաբաղ վերադարձնելու հարցը
Լավրովը Անթալիայում է. նա թուրք գործընկերոջ հետ բանակցություններ կանցկացնի
«Մի ասեք` ինչ անենք». Լավրովը կատակել է Չավուշօղլուի հետ լուսանկարվելու ժամանակ
Նաթելա Կրապիվինան (Ալիևա)

Աադրբեջանցի Նաթելան` Լոբոդայի նախկին պրոդյուսերը, խոստովանել է, որ հայկական արմատների ունի

80
Նաթելայի հայրը խոշոր գործարար Վագիֆ Ալիևն է, որի անունը հաճախ կարելի է տեսնել Forbes-ի ցուցակներում։

ԵՐԵՎԱՆ, 31 հուլիսի - Sputnik. Հայտնի երգչուհի Սվետլանա Լոբոդայի նախկին պրոդյուսեր Նաթելա Կրապիվինան (Ալիևա) խոստովանել է, որ իր մեջ հայկական արմատներ կան։

«Георгий за кадром» («Գեորգին կադրից դուրս») շոուի հաղորդավար Գեորգի Կարդավան Նաթելային հարցրել է իր վրացական անվան մասին։ Պրոդյուսերը պատասխանել է, որ իր մայրը շատ գեղեցիկ վրացուհի ընկերուհի է ունեցել՝ նման անունով։

 «Մայրս գիտեր, որ աղջիկ է ունենալու, հայրս չգիտեր ու հետո շատ դժգոհ էր, դե գիտես, թե ինչպես են Կովկասում արձագանքում, երբ առաջնեկը աղջիկն է լինում։ Երևի այդ է պատճառը, որ անունիս համար ոչ ոք առարկություն չի ունեցել», - ասել է նա։ Այնուհետև Գեորգին խնդրել է Կրապիվինին պատմել իր ազգության մասին։

«Հայրս 100 տոկոսանոց ադրբեջանցի է, մայրս ՝ հայկական արմատներ ունի։ Խառնուրդ է», - պատասխանել է պրոդյուսերը։

Նաթելայի հայրը խոշոր գործարար Վագիֆ Ալիևն է, որի անունը հաճախ կարելի է տեսնել Forbes-ի ցուցակներում։

Հետաքրքիր է, որ Լոբոդայի նախկին պրոդյուսերը բացահայտ ասում է, որ եթե իր կյանքում չլիներ Սվետան, հավանաբար նա կշարունակեր ապրել հարուստ ծնողների հաշվին։

Պրոդյուսերը նշել է, որ չնայած ծնողների կարողությանը, ինքը ցանկություն չունի  Kelly պայուսակի, թանկարժեք աքսեսուարների վրա գումար ծախսելու։

Բաքվում ադրբեջանցի հետախույզին փորձում են ներկայացնել որպես հայ վարձկան

«Ինձ համար միևնույն է։ Ես մեքենաս վարում եմ հինգ-յոթ տարի։ Ասեմ ավելին` ունեմ ընդամենը մեկ մեքենա, չնայած նրան, որ ես իրականում շատ բան կարող եմ ինձ թույլ տալ: Չեմ թռչել մասնավոր ինքնաթիռներով։ Բիզնես կարգից օգտվեցի, երբ սկսեցի ինքս վաստակել», - խոստովանել է նա։

Նշենք, որ հունիսի սկզբին Նաթելա Կրապիվինան երկրպագուներին զարմացրեց Սվետլանա Լոբոդայի հետ համագործակցությունը դադարեցնելու և շոուբիզնեսից հեռանալու մասին իր որոշմամբ, չնայած ավելի քան տասը տարի աշխատել են միասին, արդեն Լոբոդայի հետ բարեկամացել են ու լավ ընկերներ են։

80
թեգերը:
ադրբեջանցի, հայ, պրոդյուսեր, Սվետլանա Լոբոդա
Ըստ թեմայի
Ադրբեջանում պատգամավորը դեբոշ է սարքել ու ծեծել ոստիկանի. խորհրդարանը նիստ է գումարում
Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ
Սու–35

Խաբարովսկի երկրամասում Սու-35Ս է կործանվել

156
(Թարմացված է 18:16 31.07.2021)
Ըստ նախնական տվյալների` կործանիչն ընկել է Օխոտի ծովը։ Օդաչուն կատապուլտվել է, նրան արդեն հայտնաբերել են։

ԵՐԵՎԱՆ, 31 հուլիսի - Sputnik. Ռուսաստանի Խաբարովսկի երկրամասում Սու-35Ս է ինքնաթիռ է կործանվել։ Տեղեկությունը հայտնում է ՌԻԱ Նովոստին։

«ՍՈՒ-35Ս-ի մոտ պլանային թռիչքի կատարման ժամանակ խափանվել է շարժիչը, օդաչուն կատապուլտվել է, նա հայտնաբերվել է, նրա առողջությանը վտանգ չի սպառնում»,–գրում է կայքը։

Ըստ նախնական տվյալների` կործանիչն ընկել է Օխոտի ծովը։

Նշենք, որ Սու-35Ս-ն հիմնովին մոդերնիզացված «4++» սերնդի կործանիչ է։ Կործանիչը կարողանում է զարգացնել 2500 կմ/ժ արագություն, կարող է առանց լիցքավորման թռչել 3600 կմ։ Այն կարող է մինչև 8 տոննա մարտական բեռ տեղափոխել։

156
թեգերը:
ՍՈւ–30 ՍՄ, ինքնաթիռ, Ռուսաստան, ավիավթար
Բելառուսի նախագահ Ալեքսանդր Լուկաշենկոյի թոռնուհին ամուսնացել է

Բելառուսի նախագահ Ալեքսանդր Լուկաշենկոյի թոռնուհին ամուսնացել է

0
(Թարմացված է 22:57 31.07.2021)
Հարսանեկան հանդիսությանը ներկա էին միայն հարազատներն ու մտերիմները։ Պաշտոնական տեղեկատվության համաձայն ՝ հյուրերի ընդհանուր թիվը 70 է եղել։

ԵՐԵՎԱՆ, 31 հուլիսի - Sputnik. Բելառուսի նախագահի ավագ որդու՝ Ալեքսանդր Լուկաշենկոյի ավագ դուստրը՝ 23 - ամյա Վիկտորյան, ամուսնացել է։ Ալեքսանդր Լուկաշենկոյի հետ նորապսակների լուսանկարը հրապարակել է պետության ղեկավարի մամուլի ծառայությանը մոտ գտնվող «Пул Первого» Telegram-ալիքը:

Պապը թոռնուհուն՝ Վիկտորիային և նրա ամուսնուն, շնորհավորել է հարսանիքի օրվա առթիվ։

«Դուք գրում եք ձեր պատմությունը...», - ասել է Ալեքսանդր Լուկաշենկոն:

Հարսանիքը տեղի է ունեցել ընտանեկան նեղ շրջանակում. ներկա են եղել 70 հյուրեր: Փեսայի անձնական կյանքի, գործունեության մասին տեղեկություններ չկան։

Վիկտորյա Լուկաշենկոն Ալեքսանդր Լուկաշենկոյի ավագ որդու՝ Ալեքսանդրի  դուստրն է, ով այժմ զբաղեցնում է Ազգային օլիմպիական կոմիտեի նախագահի պաշտոնը։ Վիկտորիան մասնագիտությամբ տնտեսագետ-միջազգայնագետ է։ Խաղացել է մի քանի ֆիլմերում։ Ընդհանուր առմամբ, Ալեքսանդր Լուկաշենկոն ունի յոթ թոռ։

0
թեգերը:
Բելառուս, Ալեքսանդր Լուկաշևիչ, թոռ, հարսանիք, ամուսնություն
Ըստ թեմայի
Բրազիլացի սիրահարները հոգնել են սպասելուց. զանգվածային հարսանիք` համավարակի ֆոնին
Քարաբերդում տարածված անեկդոտն ու գյուղի վերջին հարսանիքը. այստեղ մնացել են միայն տարեցները
Չաղ Ռուստամը և Փաշինյանը` նույն սրահում. ովքե՞ր են եղել Հայկ Սարգսյանի հարսանիքի հյուրերը