ՀՀ էկոնոմիկայի նախարարի պաշտոնակատար Վահան Քերոբյանը և ՌԴ արդյունաբերության և առևտրի նախարար Դենիս Մանտուրովը

Քերոբյանը մանրամասներ է հայտնել ռուսաստանյան այցից

85
(Թարմացված է 12:23 06.07.2021)
Վահան Քերոբյանն աշխատանքային այցով գտնվում է Ռուսաստանում։ Նա մասնակցում է «Իննոպրոմ-2021» միջազգային արդյունաբերական 11-րդ ցուցահանդեսին և ցուցահանդեսի շրջանակներում կազմակերպվող միջոցառումներին։

ԵՐԵՎԱՆ, 6 հուլիսի – Sputnik. Հայաստանում արևային պանելների արտադրության մեջ ռուսական ընկերությունների մասնակցության հնարավորության հարցը քննարկել են ՀՀ էկոնոմիկայի նախարարի պաշտոնակատար Վահան Քերոբյանը և ՌԴ արդյունաբերության և առևտրի նախարար Դենիս Մանտուրովը։ Տեղեկությունը ֆեյսբուքյան իր էջում հրապարակել է Քերոբյանը` մանրամասներ հայտնելով ռուսաստանյան այցի մասին։

 И.о. министра экономики Ваган Керобян на встрече с министром промышленности и торговли РФ Денисом Мантуровым (6 июля 2021). Еревaн
ՀՀ էկոնոմիկայի նախարարի պաշտոնակատար Վահան Քերոբյանը և ՌԴ արդյունաբերության և առևտրի նախարար Դենիս Մանտուրովը

Նա հայտնել է, որ ջերմ բարեկամական մթնոլորտում քննարկել են մի շարք կարևոր հարցեր, որոնք ուղղված են Հայաստան-ՌԴ առևտրատնտեսական հարաբերությունների և արդյունաբերության ոլորտում համագործակցության խորացմանը։

Ինչ պետք է անի կառավարությունը արտագաղթը կանխելու համար. Քերոբյանը` ընտրությունների մասին

«Քննարկման ընթացքում անդրադարձել ենք 2020թ․-ին Հայաստանի և Սվերդլովսկի մարզի միջև համատեղ ստեղծված աշխատանքային խմբի աշխատանքների ակտիվացմանը»,–գրել է Քերոբյանը։

Բացի այդ, երկու երկրների նախարարները քննարկել են Հայաստանի ազատ տնտեսական գոտիներում ռուսական ընկերությունների գործունեության ծավալման հեռանկարները։

И.о. министра экономики Ваган Керобян на выставке Иннопром-2021
Վահան Քերոբյանը` «Իննոպրոմ-2021»–ում

Հիշեցնենք, որ Քերոբյանն աշխատանքային այցով գտնվում է Ռուսաստանում։ Նա մասնակցում է «Իննոպրոմ-2021» միջազգային արդյունաբերական 11-րդ ցուցահանդեսին և ցուցահանդեսի շրջանակներում կազմակերպվող միջոցառումներին։

85
թեգերը:
արևային կայան, Վահան Քերոբյան, Ռուսաստան, Հայաստան
Ըստ թեմայի
Քերոբյանը ու Իրանի դեսպանը քննարկել են Երևան–Սպահան թռիչքների հնարավորությունը
Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան
Արմեն Սարգսյանն ընդունել է Վահան Քերոբյանին ու FAST–ի տնօրենին. ի՞նչ են քննարկել
Կոնյակի գործարան

Հայաստանը նախատեսում է ավելացնել կոնյակի արտահանումը Ռուսաստան

23
(Թարմացված է 20:08 29.07.2021)
Դաշնային մաքսային ծառայության տվյալներով՝ Հայաստանից Ռուսաստան կոնյակի ներմուծումը նախորդ տարի կազմել է 52,79 հազար տոննա։

ԵՐԵՎԱՆ, 29 հուլիսի – Sputnik. Հայաստանը նախատեսում է ավելացնել կոնյակի մատակարարումը Ռուսաստան։ Տեղեկությունը ՌԻԱ Նովոստիին հայտնել է ՀՀ էկոնոմիկայի նախարարությանն առընթեր զբոսաշրջության կոմիտեի ղեկավարի պաշտոնակատար Ալֆրեդ Քոչարյանը:

Ռուսաստանում անցյալ տարվա հունիսին ուժի մեջ է մտել խաղողագործության և գինեգործության մասին նոր օրենքը, որը սահմանում է խաղողագործության և գինեգործության արտադրանքի արտադրության, շրջանառության և սպառման իրավական և կազմակերպական հիմքերը: Այն պարունակում է նաև դրույթներ, որոնք ուղղված են կեղծիքի դեմ պայքարին։

«Այսօրվա դրությամբ` օրենքի ուժի մեջ մտնելուց հետո, հայկական կոնյակների արտահանման հետ կապված որևէ խնդիր չի արձանագրվել։ Այնպես որ, հույս ունենք, որ հայկական կոնյակների արտահանումը Ռուսաստան ոչ միայն չի նվազի, այլ ընդհակառակը ՝ կավելանա», – ասել է Քոչարյանը։

Վահան Քերոբյանը գինեգործների ու կոնյակագործների հետ քննարկել է խաղողի մթերման հարցերը

Ռուսաստանի Դաշնային մաքսային ծառայության (ԴՄԾ) տվյալներով՝ 2020 թվականին Հայաստանից Ռուսաստան կոնյակի ներմուծումը կազմել է 52,79 հազար տոննա՝ 129,39 մլն դոլարի:

23
թեգերը:
կոնյակ, Ռուսաստան, Հայաստան
Ըստ թեմայի
Կրքեր բրենդի շուրջ, կամ Կոնյակ քաղաքը կլուծե՞ր հայկական խմիչքի հարցը
Ո՞ր ոգելից խմիչքն է քիչ վնաս հասցնում օրգանիզմին
Բժիշկը պատմել է`որ ոգելից խմիչքն է հատկապես վնասակար սոված ժամանակ
Դմիտրի Պեսկով

ՌԴ-ն օգնում է վերականգնել հրադադարի ռեժիմը Հայաստանի և Ադրբեջանի սահմանին. Պեսկով

123
(Թարմացված է 14:11 29.07.2021)
Ռուսաստանը շարունակում է աշխատել հայ–ադրբեջանական սահմանի լարվածությունը վերացնելու ուղղությամբ։

ԵՐԵՎԱՆ, 29 հուլիսի – Sputnik. ՌԴ նախագահի մամուլի քարտուղար Դմիտրի Պեսկովն այսօր լրագրողներին ասել է, որ Ռուսաստանը ջանք չի խնայել հայ-ադրբեջանական սահմանին հրադադարի ռեժիմը վերականգնելու համար։

«Երեկ հայ-ադրբեջանական սահմանին լարվածություն է եղել, դուք գիտեք, որ Ռուսաստանի ներկայացուցիչները շատ ջանքեր են գործադրել, որպեսզի հրադադարի ռեժիմը վերականգնվի։ Աշխատանքը շարունակվում է, Ռուսաստանը շարունակում է իր շփումները Երևանի և Բաքվի հետ, որպեսզի լիարժեքորեն ապահովվի երկկողմ պայմանավորվածությունների իրականացումը», - նշել է Պեսկովը։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել են սադրանքի ու կրակ բացել հայկական դիրքերի ուղղությամբ։

123
թեգերը:
Սահման, Դմիտրի Պեսկով, Ադրբեջան, Հայաստան
Ըստ թեմայի
Սա այն մարտական դիրքն է, որը հայերը հետ են վերցրել ադրբեջանցիներից. բացառիկ լուսանկարներ
44–օրյա պատերազմից հետո առաջին լայնածավալ էսկալացիան հայ-ադրբեջանական սահմանին. տեսանյութ
Դատապարտում ենք էսկալացիան. ԱՄՆ–ն կոչով դիմել է Հայաստանին ու Ադրբեջանին
Ձյուն

Բրազիլիայում և Արգենտինայում ձյուն է տեղացել

0
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

0
թեգերը:
ձյուն, Արգենտինա, Բրազիլիա