Սպուտնիկ V

Մոսկվայում սկսվել է «Սպուտնիկ V»-ի կլինիկական հետազոտությունը դեռահասների համար

31
Հետազոտությունը կտևի մեկ տարի: Ամբողջ ընթացքում երեխաները կլինեն բժիշկների մշտական հսկողության տակ։

ԵՐԵՎԱՆ, 5 հուլիսի – Sputnik. Մոսկվայում Ն․Ֆ․ Գամալեայի անվան կենտրոնի մասնակցությամբ մեկնարկել է «Սպուտնիկ V» պատվաստանյութի կլինիկական հետազոտությունը 12-17 տարեկանների համար։ Տեղեկությունը հայտնում է ՌԻԱ Նովոստին` հղում անելով Մոսկվայի քաղաքապետի սոցիալական զարգացման հարցերի տեղակալ Անաստասիա Ռակովային:

Փորձարկումների առաջին և երկրորդ փուլն անցկացվում է Մորոզովի մանկական հիվանդանոցում և Զ. Ա. Բաշլյաևայի անվան մանկական հիվանդանոցում:

«Հետազոտության համար մենք արդեն հավաքել ենք մասնակիցների նախատեսված թիվը՝ 100 մարդ։ Այսօր սկսվել է առաջին կամավորների բժշկական հետազոտությունը»,- ասել է քաղաքապետի տեղակալը։

Իմունիզացիան իրականացվում է «Սպուտնիկ V» պատվաստանյութով, որն արդեն իսկ օգտագործվում է 18 տարեկանից բարձր մարդկանց համար, բայց՝ ավելի փոքր դեղաչափով: Ուսումնասիրությունը կտևի մեկ տարի՝ մեկնարկից սկսած։ Ողջ ընթացքում երեխաները բժիշկների մշտական հսկողության տակ կլինեն։

Հայտնի է` Հայաստանում քանի մարդ է պատվաստվել կորոնավիրուսի դեմ

«Պատվաստման համար առաջին և երկրորդ դեղաչափերի ներարկումից հետո դեռահասները երեք օր կգտնվեն ստացիոնարում՝ մեկուսացված հիվանդասենյակում, որտեղ նրանց ևս մեկ անգամ կհետազոտեն պատվաստումից առաջ, ապա կհետևեն նրանց ինքնազգացողությանը։ Այնուհետև նրանք պետք է ևս մի քանի անգամ հիվանդանոց այցելեն՝ անալիզներ հանձնելու համար»,-ավելացրել է Ռակովան։

Երեխաները նաև ինքնազգացողության օրագիր կվարեն հատուկ բջջային հավելվածում, իսկ բժիշկները նրանց վիճակը կվերահսկեն հեռախոսով:

Հետազոտությանը մասնակցում են այն դեռահասները, որոնք նախկինում չեն հիվանդացել կորոնավիրուսով, չունեն դեղամիջոցի նկատմամբ հակացուցումներ կամ բժշկական սահմանափակումներ: Պատվաստվել չի կարելի, եթե իմունիզացիայից երկու շաբաթ առաջ մարդը սուր շնչառական վարակներ էր տարել կամ ուրիշ պատվաստում ստացել առնվազն 30 օր առաջ:

Փորձարկումների երրորդ փուլը կանցկացվի Մոսկվայի մանկական պոլիկլինիկաներում, կմասնակցի 250 մարդ, որոնց կսկսեն ընտրել այս տարվա ամռան վերջին: Հետազոտության արդյունքներից ելնելով` որոշում կընդունվի դեռահասներին Covid-19-ի դեմ պատվաստումների ծրագրում ներառելու մասին:

Կարևորը՝ արագ․ Մոսկվայում պատվաստում են աշխատանքային միգրանտներին

Հիշեցնենք` Ռուսաստանի առողջապահության նախարարությունը 2020 թ․-ին օգոստոսին գրանցեց «Սպուտնիկ V»-ն՝ կորոնավիրուսային վարակը կանխող առաջին պատվաստանյութը աշխարհում։ Դեղամիջոցը մշակել էր Գամալեայի անվան համաճարակաբանության և մանրէաբանության ազգային հետազոտական կենտրոնը։

«Սպուտնիկ V»-ն ստեղծվել է մարդու ադենովիրուսային վեկտորների ստուգված և լավ ուսումնասիրված հարթակի վրա։ Դրա արդյունավետությունը 3,8 միլիոն պատվաստված ռուսաստանցիներին տվյալների վերլուծության արդյունքում կազմել է 97,6 տոկոս։ Դա ավելին է, քան The Lancet բժշկական ամսագրում հրապարակված տեղեկությունը (91,6%)։

Ալերգիկ հիվանդություններ ունեցողները ե՞րբ կարող են պատվաստվել կորոնավիրուսի դեմ

31
թեգերը:
երեխա, Սպուտնիկ V, Մոսկվա
թեմա:
Կորոնավիրուսը աշխարհում (1049)
Ըստ թեմայի
Ինչ կարող է անել մարդու հետ COVID-19–ին միացած «սև բորբոսը». պարզաբանում է վիրուսաբանը
ԱՄԷ–ն համարվել է կորանավիրուսի դեմ ամենաշատ պատվաստումներն իրականացրած երկիրը
Հնարավոր է՝ անգամ պատվաստված զբոսաշրջիկները Վրաստանում ՊՇՌ թեստ հանձնեն
Պարտադիր պատվաստմանը կողմ եմ, բայց անձամբ ինձ չփորձեք պարտադրել
Պուտինն ասել է, թե որ դեղամիջոցով է պատվաստվել կորոնավիրուսի դեմ
Պատվաստանյութ

«Սպուտնիկ Լայթ» և «AstraZeneca» պատվաստանյութերի համատեղ փորձարկում կլինի

57
(Թարմացված է 14:05 27.07.2021)
Ռուսաստանում թեստավորմանը կմասնակցի 150 բուժառու։ Այն նախատեսվում է ավարտել 2022 թվականի մարտի 2-ին։

ԵՐԵՎԱՆ, 26 հուլիսի – Sputnik. Ռուսաստանի առողջապահության նախարարությունը հավանություն է տվել կորոնավիրուսի դեմ AstraZeneca և «Սպուտնիկ Լայթ» պատվաստանյութերի համատեղ ուսումնասիրություններ անցկացնելուն։

«Մեծահասակաների մոտ COVID-19  կորոնավիրուսային նոր վարակի կանխարգելման համար «հետերոլոգիական փրայմ բուստ» սխեմայով ներարկվող AZD1222 և rAd26-S դեղամիջոցների համադրության անվտանգությունն ու իմունոգենությունը ստուգելու համար կատարել I/II փուլի հասարակ ռանդոմացված  ուսումնասիրություն», – նշված է կլինիկական փորձարկումների անցկացման թույլտվության ռեգիստրում։

Թեստավորմանը կմասնակցի 150 բուժառու։ Այն նախատեսվում է ավարտել 2022 թվականի մարտի 2-ին։

Գամալեայի անվան կենտրոնը, AstraZeneca, Ուղիղ ներդրումների ռուսական հիմնադրամն ու «Ռ–Ֆարմ» ընկերությունը 2020 թվականի դեկտեմբերի 21-ին փոխգործակցության հուշագիր են ստորագրել։ Փաստաթուղթը համագործակցություն է ենթադրում Օքսֆորդի համալսարանի հետ մեկտեղ AstraZeneca–ի կողմից մշակած AZD1222 պատվաստանյութի բաղադրիչներից մեկի և «Սպունտիկ V» բաղադրիչներից մեկի համատեղ կիրառումը գնահատելու համար կլինիկական փորձարկումներ ու մշակումներ իրականացնելու համար։

Պատվաստանյութերի պատերազմ․ ինչպես է Եվրոպան պայքարում «Սպուտնիկ V»-ի դեմ

57
թեգերը:
կորոնավիրուս, Ռուսաստան, պատվաստումներ, «AstraZeneca» պատվաստանյութ, Սպուտնիկ V
թեմա:
Կորոնավիրուսը աշխարհում (1049)
Ըստ թեմայի
COVID-ը բացասաբար է ազդում ինտելեկտի վրա․ հետազոտություն
Քանի՞ մարդ է Հայաստանում պատվաստվել Covid-19-ի դեմ. նախարարությունը թվեր է հրապարակել
Երևանի հասարարական տրանսպորտում կարող են COVID-ը սպանող սարքեր հայտնվել
Արթուր Դալալոյան

«Չի փոշոտվի». Արթուր Դալալոյանը պատմել է՝ ինչ է անելու օլիմպիական մեդալը

96
(Թարմացված է 14:59 27.07.2021)
Օլիմպիական խաղերում թիմային մրցաշարում հաղթել են ռուս մարմնամարզիկներ Նիկիտա Նագորնին, Արթուր Դալալոյանը, Դավիթ Բելյավսկին և Դենիս Աբլյազինը:

ԵՐԵՎԱՆ, 27 հուլիսի – Sputnik. Ռուսաստանը ներկայացնող հայազգի մարմնամարզիկ Արթուր Դալալոյանը վստահ է, որ Տոկիոյում նվաճած իր օլիմպիական մեդալը տանը չի փոշոտվի: Այս մասին մարզիկը պատմել է լրագրողներին:

«Ես ապակե պահարան ունեմ: Կինս՝ Օլգան, մի ֆետիշ ունի. մեդալները սիրում է դասավորել, մաքրել։ Ցանկացած մեդալ մեր տանը լավ վերաբերմունքի է արժանանում», - լրագրողներին կատակով ասել է Դալալոյանը:

Ռուս մարմնամարզիկներից Նիկիտա Նագորնին, Արթուր Դալալոյանը, Դավիթ Բելյավսկին և Դենիս Աբլյազինը 262,500 միավորով հաղթեցին օլիմպիական խաղերի թիմային մրցաշարում։

Ռուսաստանի ազգային հավաքականը 1996 թվականից ի վեր առաջին անգամ դարձավ այս մրցաշարում լավագույնը:

Հիշեցնենք` Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։ Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային կմասնակցի 206 երկրի 12500 մարզիկ։ Նրանք կմրցեն 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Հովհաննես Բաչկովը հաղթանակով սկսեց Տոկիոյի օլիմպիական խաղերը. լուսանկարներ

96
թեգերը:
Օլիմպիական խաղեր, օլիմպիադա, մեդալ, Արթուր Դալալոյան
Ըստ թեմայի
Արթուր Դալալոյանը դարձավ օլիմպիական չեմպիոն
Արթուր Դալալոյանն արդեն չի կաղում․ մարզիչը՝ նրան Օլիմպիական խաղերին պատրաստելու մասին
Արթուր Դալալոյանը պատմել է` ինչու է արտասվել օլիմպիական խաղերի որակավորման փուլում
Սոս Հակոբյան

«Մենք կխոսենք մինչև օգոստոսի 2-ը». Սոս Հակոբյանը` ԱԺ փոխխոսնակի պաշտոնի մասին

0
(Թարմացված է 19:51 27.07.2021)
«Հայրենիք» կուսակցության մամուլի քարտուղար Սոս Հակոբյանը Sputnik Արմենիայի եթերում հերքեց տեղեկությունները, թե դաշինքը փոխխոսնակի պաշտոնի հարցում պայմանավորվածություն ունի իշխանությունների հետ։
«Մենք կխոսենք մինչև օգոստոսի 2-ը». ո՞ր ուժին բաժին կընկնի ԱԺ ընդդիմադիր փոխխոսնակի պաշտոնը

«Հայաստան» և «Պատիվ ունեմ» դաշինքների միջև շփումները հաճախակի են տարբեր թեմաների, այդ թվում նաև ԱԺ ընդդիմադիր փոխխոսնակի թեկնածության շուրջ, բայց առարկայական որոշում դեռևս չունեն։ Տեղեկությունը Sputnik Արմենիայի հետ զրույցում հայտնեց Արթուր Վանեցյանի գլխավորած «Հայրենիք» կուսակցության մամուլի քարտուղար Սոս Հակոբյանը։

«Մեր դիրքորոշումը համագործակցային է երկու ընդդիմադիր խմբակցությունների միջև առհասարակ և հատկապես այսպիսի թեմաների շուրջ։ Եթե որոշումը լինի, մենք կխոսենք մինչև ամսի 2-ը»,- նշեց նա` ավելացնելով, որ որոշումը կկայացվի ընդդիմադիր կուսակցությունների քննարկումների արդյունքում։

Հակոբյանի խոսքով` փոխխոսնակի պաշտոնի շուրջ քննարկումն այն թեման չէ, որտեղ կարելի է հակասություններ փնտրել։

Միաժամանակ նա հերքեց տեղեկությունները, թե «Պատիվ ունեմ» դաշինքն այդ հարցում պայմանավորվածություն ունի իշխանությունների հետ։

«Որևէ պայմանավորվածություն չի կարող լինել իշխող թևի հետ»,- ասաց նա։

Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»

Հիշեցնենք, որ «Քաղաքացիական պայմանագիր» կուսակցության անդամ, ԱԺ պատգամավոր Ալեն Սիմոնյանը լրագրողների հետ զրույցում նշել էր, որ իշխող կուսակցությունում մտադիր են քննարկել ԱԺ փոխնախագահի պաշտոնը «Պատիվ ունեմ» դաշինքին տալու հարցը։

Հիշեցնենք` Կենտրոնական ընտրական հանձնաժողովը հուլիսի 22-ին ամփոփեց Ազգային ժողովի ընտրությունների վերջնական արդյունքները, որոնց համաձայն` ութերորդ գումարման խորհրդարանում 107 պատգամավոր կլինի։ Իշխող «Քաղաքացիական պայմանագիր» կուսակցությունը կունենա 71 մանդատ, «Հայաստան» դաշինքը` 29, «Պատիվ ունեմ» դաշինքը` 7։

Կքննարկենք ԱԺ փոխնախագահի պաշտոնը «Պատիվ ունեմ» դաշինքին տալու հարցը. Ալեն Սիմոնյան

0
թեգերը:
«Հայաստան» դաշինք, «Պատիվ ունեմ» դաշինք, Հայաստան
Ըստ թեմայի
Արթուր Վանեցյանն առաջարկում է ստեղծել Արցախի հարցերով մշտական հանձնաժողով
Պատգամավոր Արման Բաբաջանյանը ստիպված կլինի ներողություն խնդրել ՀՅԴ-ից. դատարանը որոշել է
Շիրակի մարզպետը գիտի` ինչպես է օգտագործելու «պողպատե մանդատը»