Վլադիմիր Մենշով

Մահացել է հայտնի դերասան ու ռեժիսոր Վլադիմիր Մենշովը

114
(Թարմացված է 15:52 05.07.2021)
Վլադիմիր Մենշովը ԽՍՀՄ–ում առաջինն էր «Օսկար» ստացել «Մոսկվան արցունքներին չի հավատում» ֆիլմի համար։

ԵՐԵՎԱՆ, 5 հուլիսի – Sputnik. 81 տարեկանում մահացել է ռեժիսոր Վլադիմիր Մենշովը։ Տեղեկությունը հրապարակվել է «Մոսֆիլմի» կայքում։ Հունիսի վերջին նա վարակվել էր կորոնավիրուսով։

Մենշովը կինոյում իր գործունեությունը սկսել էր 30 տարեկանում։ Տարբեր դերեր էին պատահում՝ բանվորից ու ծառայից մինչև նահանգապետ, դատախազ ու զինվորական։

Որպես դերասան նա «փորձեց» այն կերպարը, որում նրան երազում էր տեսնել հայրը․ Վալենտին Միխայլովիչն ուզում էր, որ որդին կյանքը նվիրի բանակին։ Կինոն խառնեց ծրագրերը` «Մարդն իր տեղում», «Աղի շունը», «Ար-քի-մեդ-ներ», «Վերջին հանդիպումը», «Սեփական կարծիք»։

70-ականներից դերասան Մենշովը պահանջված էր նկարահանման հրապարակում, բայց երազում էր տեսախցիկի մյուս կողմում հայտնվել, ինչն էլ հաջողությամբ իրագործեց՝ միաժամանակ չհրաժարվելով դերասանի մասնագիտությունից։

Նրա «Մոսկվան արցունքներին չի հավատում» կինոնկարը (1979 թ.) ցնցող հաջողություն ունեցավ: Այն «Օսկարի» արժանացավ «լավագույն օտարալեզու ֆիլմ» անվանակարգում:

Դերասան Վլադիմիր Մենշովի մասնակցությամբ 80-ականների ամենահիշարժան ֆիլմերը․ «Ցրիչը», «Որտե՞ղ է նոֆելետը», «Զերո քաղաքը», «Ցարևիչ Ալեքսեյ», «Սեր և աղավնիներ»։ Տարեկան մեկ կինոնկար, երբեմն էլ՝ ավելի շատ։ Դերասանը պահանջված է թե՛ 90-ականներին, թե՛ 2000-ականներին, պահանջված էր մինչև օրս։ 2014թ․-ին Վլադիմիր Մենշովը «Ոսկե արծիվ» մրցանակ ստացավ երկրորդ պլանի լավագույն տղամարդու դերակատարման համար «Լեգենդ թիվ 17» ֆիլմում Էդուարդ Բալաշովի դերը մարմնավորելուց հետո։

114
թեգերը:
Ռուսաստան, դերասան, Մահ
Երգչուհի Մաքսիմ

Երգչուհի Մաքսիմն արդեն ինքնուրույն է շնչում. նոր մանրամասներ են ի հայտ եկել

65
Երգչուհու ներկայացուցիչ Մարգարիտա Սոկոլովան ասել է, որ երգչուհու գիտակցությունը տեղն է։

ԵՐԵՎԱՆ, 3 օգոստոսի – Sputnik. Ռուս երգչուհի Մաքսիմն ինքնուրույն է շնչում թթվածնային դիմակի միջոցով։ Տեղեկությունը հայտնում է ՌԻԱ Նովոստին` հղում անելով երգչուհու ներկայացուցիչ Մարգարիտա Սոկոլովային։

«Մարինան իրեն ավելի լավ է զգում։ Այժմ նրա գիտակցությունը լրիվ տեղն է։Պարզապես ժամանակ է պետք վերականգնման համար», – նշել է Սոկոլովան։

Mash–ն էլ հայտնում է, որ երգչուհուն անվասայլակով են տեղափոխում հիվանդանոցի միջանցքներով։ Ապաքինման դինամիկան դրական է, թոքաբորբն աստիճանաբար նահանջում է։

Հիշեցնենք` երգչուհի Մաքսիմը հունիսի 15-ից հիվանդանոցում է։ Դրանից մի քանի օր առաջ նրա ինքնազգացողությունը վատացել էր, ընդ որում` կորոնավիրուսի թեստը բացասական էր եղել։ Ավելի ուշ բժիշկները թոքերի 40 տոկոսի ախտահարմամբ թոքաբորբ էին ախտորոշել։

Որոշ ժամանակ անց նրա վիճակը վատացել էր, ախտահարումը հասել էր 70%–ի, երգչուհուն արհեստական շնչառության սարքին էին միացրել և արհեստական կոմայի մեջ գցել։

65
թեգերը:
երգչուհի, թոքաբորբ
Ըստ թեմայի
Լոպեսի ու Աֆլեքի ընկերուհին հրապարակել է նրանց առաջին համատեղ լուսանկարը
«Ոչ մի կասկած չկա, որ ամեն ինչ լավ է լինելու». երգչուհի Մաքսիմի վիճակում տեղաշարժ կա
Բրիթնի Սփիրսը կիսամերկ լուսանկար է հրապարակել ու «լայքերի» թվով ռեկորդ սահմանել
Նիկոլ Փաշինյանն ու Վլադիմիր Պուտինը

«ՌԴ–ն պատրաստ է շարունակել կառուցողական երկխոսությունը». Պուտինը շնորհավորել է Փաշինյանին

213
(Թարմացված է 19:23 02.08.2021)
ՀՀ վարչապետ Նիկոլ Փաշինյանը 2–րդ անգամ է նշանակվում այս պաշտոնում։

ԵՐԵՎԱՆ, 2 օգոստոսի – Sputnik. ՌԴ նախագահ Վլադիմիր Պուտինը շնորհավորել է Նիկոլ Փաշինյանին ՀՀ վարչապետի պաշտոնում վերանշանակվելու կապակցությամբ։

«Հուսով եմ, որ Ձեր գլխավորած կառավարության գործունեությունը կնպաստի ռուս-հայկական բարեկամական, դաշնակցային հարաբերությունների հետագա զարգացմանը, ինչպես նաև Հարավային Կովկասում խաղաղության, անվտանգության և կայունության ամրապնդմանը»,–ասվում է ՌԴ նախագահի շնորհավորական ուղերձում:

Վլադիմիր Պուտինը նշել է, որ ՌԴ–ն իր կողմից պատրաստ է շարունակել կառուցողական երկխոսությունը և համատեղ աշխատանքը երկկողմ և տարածաշրջանային օրակարգի արդիական հարցերի շուրջ:

Հիշեցնենք` Հայաստանի Հանրապետության նախագահը նորընտիր Ազգային ժողովի լիազորությունների ժամկետը սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին:

Իսկ քանի որ ԱԺ–ում մեծամասնություն են կազմում «Քաղաքացիական պայմանագիր» կուսակցության ցուցակով ընտրված պատգամավորները, նրանք այսօր առաջադրեցին Նիկոլ Փաշինյանի թեկնածությունը։

Ավելի ուշ ՀՀ նախագահ Արմեն Սարգսյանը հրամանագիր ստորագրեց, և Փաշինյանը կրկին նշանակվեց ՀՀ վարչապետ։

213
թեգերը:
Նիկոլ Փաշինյան, Վլադիմիր Պուտին, Վարչապետ, Նախագահ
Ըստ թեմայի
Ընդդիմությունը լքեց ԱԺ նիստերի դահլիճը. պահանջում են կալանքից ազատել 2 պատգամավորներին
Կալանավորված պատգամավորները պետք է լինեին ԱԺ–ում. ի՞նչ է նախատեսում Սահմանադրությունը
Նախագահի և կաթողիկոսի ներկայություն, բոյկոտում. ԱԺ անդրանիկ նիստը` լուսանկարներով
Հրայր Թովմասյան

Հրայր Թովմասյանը չի հայտնել` պարգևավճարներից հրաժարվո՞ւմ է, թե ոչ

0
(Թարմացված է 19:10 03.08.2021)
Sputnik Արմենիան գրավոր հարցում էր ուղարկել ՍԴ` տեղեկանալու, թե լուրերը, որ ՍԴ դատավոր Հրայր Թովմասյանը հրաժարվում է պարգևավճարից, ճի՞շտ են, թե՞ ոչ։

 

ԵՐԵՎԱՆ, 3 օգոստոսի – Sputnik. Սահմանադրական դատարանի դատավորները, այդ թվում Հրայր Թովմասյանը, հրաժարվել են հայտնել` իրենց հատկացված պարգևավճարները ստանո՞ւմ են, թե ոչ։

Նշենք, որ «Հրապարակը» նախորդ ամսվա սկզբին գրել էր, որ Հրայր Թովմասյանը հրաժարվում է իրեն ամեն ամիս աշխատավարձի 30 տոկոսի չափով հատկացվող պարգևավճարներից։ Sputnik Արմենիան գրավոր հարցում էր ուղարկել ՍԴ` տեղեկանալու, թե Թովմասյանն իրո՞ք չի ստանում պարգևավճար կամ էլ կա՞ որևէ դատավոր, որը հրաժարվում է պարգևավճարից։

Այսպիսով, ՍԴ մամուլի քարտուղար Եվա Թովմասյանը մեր հարցմանն ի պատասխան նշել է, որ պետական պաշտոն և պետական ծառայության պաշտոն զբաղեցնող անձանց վարձատրության մասին տեղեկատվությունը կարող է տրամադրվել միայն տվյալ անձի համաձայնությամբ կամ օրենքով սահմանված դեպքերում։

«Հաշվի առնելով այն հանգամանքը, որ Սահմանադրական դատարանի դատավորներն իրենց վարձատրության մասին տեղեկություններ տրամադրելու հարցի վերաբերյալ համաձայնություն չեն տվել, իսկ օրենքով սահմանված չէ ՍԴ-ի դատավորների վարձատրության մասին տեղեկություններ տրամադրելու որևէ դեպք՝ հարցումը ենթակա է մերժման»,–հայտնել է ՍԴ մամուլի քարտուղարը։

Քանի՞ միլիոն դոլարի պարգևավճար են ստացել պետական համակարգում. Թունյանը տվյալներ հայտնեց

Հիշեցնենք, որ 2020-ի հունիսին Ազգային ժողովում 2019թ. բյուջեի կատարողականի քննարկման ժամանակ Սահմանադրական դատարանի աշխատակազմի նախկին ղեկավար Էդգար Ղազարյանը հայտնել էր, որ ՍԴ նախկին նախագահ Հրայր Թովմասյանը տևական ժամանակ է՝ հրաժարվել է պարգևավճարներից և իր կարգադրության մեջ իրեն բացառություն է անում։ Նրա խոսքով` այս շրջանում պարգևավճարներ չեն հատկացվել նաև Վահե Գրիգորյանին՝ պայմանավորված այն հանգամանքով, որ նա չի մասնակցում ՍԴ աշխատանքներին:

0
թեգերը:
Հրայր Թովմասյան, Սահմանադրական դատարան, Հայաստան, պարգևավճար
Ըստ թեմայի
Որքան պարգևավճար են ստացել պետական աշխատողները. Ջանջուղազյանը թվեր հրապարակեց
Հետմահու բարձրագույն կոչում ստացած զինծառայողների ընտանիքները պարգևավճար կստանան
Օլիմպիական պարգևավճարները կվերանայվեն․ Փաշինյանը հյուրընկալել է խաղերի մասնակիցներին