ՌԴ նախագահ Վլադիմիր Պուտինը ուղիղ եթերի ժամանակ

«Կատակ եք անում․ լո՞ւրջ». Պուտինի ուղիղ եթերի ամենահետաքրքիր հարցերն ու պատասխանները

544
Ռուսաստանի Դաշնության նախագահ Վլադիմիր Պուտինն անցկացրել է թվով 18-րդ ուղիղ եթերը և պատասխանել է ռուսաստանցիների կողմից հնչեցված 68 հարցի։ Եթերը տևել է գրեթե չորս ժամ։ Մենք առանձնացրել ենք ՌԴ նախագահի ամենահետաքրքիր պատասխանները։

Պուտինը՝ անասունների գլխաքանակի հարկին վերաբերող հարցի մասին

Պետք է գլխաքանակի հարկ մտցնել նրանց համար, ովքեր այդպիսի լուրեր են տարածում։ Ոչ, անասունների հարկ ոչ ոք չի պատրաստվում սահմանել։

Դրանք ուղղակի սրիկաներ են, նրանց դեմ պայքարել է պետք

Պուտինը զայրույթով արձագանքեց ծերերին ու վետերաններին խաբող խարդախների մասին տեղեկությանը։ Հաղորդավարուհին օրինակ բերեց վետերանին, որը Պուտինի կողքին էր նստած Հաղթանակի օրվա շքերթի ժամանակ․ նրան նույնպես թալանել են հեռախոսով։

Առևտրային բանկերը պետք է վերահսկեն փոխանցումներն ու միջոցների ստացումը, որպեսզի զրոյի հասցնեն խարդախների հնարավորությունները, հայտարարեց նախագահը։

Ուկրաինական ժողովուրդը Ռուսաստանի համար բարեկամ ժողովուրդ է

Այսպես Պուտինը պատասխանեց այն հարցին, թե ինչու Ուկրաինան չի հայտնվել «ոչ բարեկամ պետությունների» ռուսական ցուցակում։ Ուկրաինական ժողովուրդը Ռուսաստանի համար բարեկամական է, իսկ ահա այդ երկրի ղեկավարությունը՝ ոչ։

«Ուկրաինայի ներկայիս ղեկավարությունն ակնհայտորեն մեր հանդեպ բարեկամական չէ։ Ինչպե՞ս այլ կերպ բացատրել օրենքն այն մասին, որ ռուսները բնիկ ժողովուրդ չեն։ Դա ինչի՞ կհանգեցնի։ Մարդկանց մի մասը կարող է հեռանալ»,-ասաց նախագահը։

ՌԴ նախագահն անիմաստ է համարում Վլադիմիր Զելենսկու հետ հանդիպումը, քանի որ վերջինս երկիրն ամբողջովին արտաքին կառավարման է հանձնել․ հարցերը լուծվում են Վաշինգտոնում, մասամբ էլ՝ Փարիզում։

Պուտինն ասել է, թե որ դեղամիջոցով է պատվաստվել կորոնավիրուսի դեմ

«Եվ ինչի՞ մասին խոսենք։ Այնուամենայնիվ, ես չեմ հրաժարվում նմանատիպ հանդիպումներից, միայն թե պետք է հասկանալ, թե ինչի մասին կարելի է խոսել»,-ավելացրեց Պուտինը՝ հայտնելով, որ վերլուծական հոդված է գրելու Ռուսաստանի և Ուկրաինայի պատմության մասին։

Արևմտյան պատժամիջոցների մասին

Ռուաստանին հաջողվում է զարգանալ, չնայած իր դեմ կիրառվող պատժամիջոցներին, և ի վնաս ինքն իրեն դրանց չի պատասխանելու։ Ռուսաստանը անհամաչափ պատասխան է գտնում․ ՌԴ պաշտպանունակությունը որոշ չափորոշիչներով գերազանցել է ԱՄՆ-ին։

Ներկրման փոխարինման ծրագրերի շնորհիվ խթան ստացած ոլորտների թվում Ռուսաստանի նախագահը նշել է բարձր տեխնոլոգիաներն ու գյուղատնտեսությունը:

Սոցցանցերի արգելափակումը

Ռուսաստանի Դաշնության իշխանություններն առայժմ չեն պատրաստվում արգելափակել արտասահմանյան սոցցանցերը, բայց խնդիրն այն է, որ վերջինները չեն կատարում ռուսական կողմի պահանջներն ու օրենքները։

«Ոչ, մենք նման ծրագրեր չունենք։ Ոչ մեկին չենք պատրաստվում արգելափակել։ Պատրաստվում ենք աշխատել նրանց հետ»,-հայտարարեց Պուտինը։

Telegram-ի հետ նույնպես պայմանավորվել են։ «Եվ աշխատում է, ամեն ինչ կարգին է»,-ասել է նախագահը։

«Կատակ եք անում․ լո՞ւրջ»

Պուտինի հետ եթերի հաղորդավարուհին հայտարարեց, որ ուղիղ կապի գծի վրա «հենց այս վայրկյաններին հզոր DDoS-հարձակումներ են կատարվում»։ Նա դրանով բացատրեց շրջանների հետ կապի խնդիրները, որոնք առաջանում էին ուղիղ եթերի ընթացքում։

«Կատակ եք անում․ լո՞ւրջ»,-հարցրեց Պուտինը։ «Պարզվում է՝ կուզբասյան հաքերներ էլ կան»,-կատակեց նա, նկատի ունենալով, որ այդ պահին վերջին «կախված» հեռախոսազանգը Նովոկուզնեցկից էր։

Պուտինը՝ իր հանգստի մասին

«Ես հանգստանալու համար շատ ժամանակ չեմ ունենում։ Երբ մարդիկ հանգստանում են, նստում են, խմում, իսկ եթե բաժակ են բարձրացնում՝ անպայման երգում են։ Ես էլ ռուս մարդ եմ, քիչ բանով եմ տարբերվում։ Ի՞նչ ենք երգում։ Ռուսական, խորհրդային երգեր։ Դրանք մեղեդային են, բովանդակալից»։

Ինչո՞ւ է Ռուսաստանում հանգիստն ավելի թանկ, քան Թուրքիայում

«Պատասխանը մակերեսին է։ Մեզ մոտ, ցավոք սրտի, երկար տարիների ընթացքում քիչ գումար է ներդրվել զբոսաշրջային ենթակառուցվածքի զարգացման համար։ Մենք զբոսաշրջության արտահանման մեծ ծավալով երկիր ենք։ Անցած տարվա ընթացքում 36 միլիարդ դոլար ենք թողել արտերկրում և վճարել արտերկիր մեկնելու համար»։

Ելցինն իշխանությունը ինձ չի փոխանցել

Պուտինը նշել է, որ իր նախորդն իշխանությունն իրեն չի փոխանցել։ Նա նախագահի պաշտոնակատար է դարձել օրենքով՝ որպես վարչապետ։

Նախագահին նաև հարցրել են, արդյո՞ք նրա թիմում կա այնպիսի մարդ, ում նա կարող էր առանց երկմտելու փոխանցել իշխանությունը։ Մի կողմից՝ «սուրբ տեղը դատարկ չի մնում, և անփոխարինելի մարդիկ չկան»,-պատասխանել է Պուտինը։ Մյուս կողմից, ընդգծել է նա, երկրի ղեկավարի թեկնածուներին երաշխավորություն տալն իր պարտականությունն է։ Այդպես է տեղի ունենում բոլոր երկրներում։

Խորհուրդ պաշտոնյաներին՝ վերընթերցել «Գնդիկ Բոքոնիկը»

Պուտինը, պատասխանելով երեք ամենասիրելի գեղարվեստական ստեղծագործությունների մասին, նշել է Լև Տոլստոյի «Պատերազմ և խաղաղությունը», Չայկովսկու առաջին կոնցերտը դաշնամուրի և նվագախմբի համար, «Գնդիկ Բոքոնիկը» հեքիաթը։

«Հաջողություն պետական գործունեության մեջ». Պուտինը շնորհավորել է ՀՀ նախագահին

ՌԴ նախագահը պաշտոնյաների հատուկ ուշադրությունն է հրավիրել հեքիաթին։ «Հենց որ դուք, ընկերներ, սկսեք շողոքորթ ելույթները մաքուր ճշմարտության տեղ ընդունել և սուզվեք համապատասխան վիճակի մեջ, վտանգ կա, որ ձեզ կուտեն»,-ասել է Պուտինը։

Անձնականի մասին՝ կարճ

Ի՞նչ է պետք երջանիկ լինելու համար

Զգալ սեփական պահանջվածությունն ու կայացման հնարավորություն ունենալ։

Որտե՞ղ եք աշխատելու պաշտոնաթողությունից հետո

Իսկ ինչի՞ համար աշխատել պաշտոնաթողությունից հետո։ Վառարանի մոտ եմ նստելու։ Հուսով եմ, որ ամենակարևորն ինձ համար դեռ առջևում է, ոչ թե հետևում։

Ինչպե՞ս եք վերաբերվում սննդակարգին

Սնդակարգերի հետ կապված կանոն ունեմ․ ամեն ինչ չափի մեջ  է գեղեցիկ։

Ի՞նչ խաղեր եք խաղացել փոքր ժամանակ։

Պահմտոցի և բռնոցի։

Ո՞ւմ է ենթարկվում նախագահը։

Նախագահը ենթարկվում է Ռուսաստանի ժողովրդին, ընտրողին։

544
թեգերը:
Ռուսաստան, Վլադիմիր Պուտին
Ըստ թեմայի
Ռուսաստանը վճռորոշ դեր է ունեցել Ղարաբաղյան հակամարտությունը կանգնեցնելու գործում. Պուտին
Պուտինն Ալիևի հետ քննարկել Է Ղարաբաղի թեման
Վլադիմիր Պուտինը շնորհավորել է Նիկոլ Փաշինյանին
ՌԴ ԱԳՆ

Ռուսաստանի ԱԳՆ-ն ասել է` որն է Ղարաբաղի իրադրության կարգավորման առաջնահերթությունը

116
(Թարմացված է 20:41 04.08.2021)
Ռուսաստանն օգտակար է համարել խաղաղապահ ուժերի տեղակայման շրջաններում ՄԱԿ-ի կառույցների ներգրավումը մարդասիրական գործունեությանը։

ԵՐԵՎԱՆ, 4 օգոստոսի - Sputnik. Ռուսաստանի պատվիրակությունը ՄԱԿ-ի Գլխավոր ասամբլեայի 76-րդ նստաշրջանում ի թիվս կարևոր այլ հարցերի շեշտադրել է նաև Լեռնային Ղարաբաղում ՄԱԿ-ի կառույցների գործունեության կարևորությունը։ Փաստաթուղթն այսօր հրապարակել է ՌԴ արտաքին գործերի նախարարությունը։

«Լեռնային Ղարաբաղի հակամարտության շրջանում իրադրության կարգավորմանն ուղղված ջանքերի շրջանակում առաջնահերթությունը 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների իրականացումն է: Օգտակար ենք համարում ռուսական խաղաղապահների գործողության անցկացման գոտում ՄԱԿ գործակալությունների և մասնավորապես ՄԱԿ-ի Փախստականների գործերի գերագույն հանձնակատարի (ՓԳՀ) վարչության ներգրավումը մարդասիրական գործունեությանը»,- նշված է հայտարարության մեջ։

Ռուսական կողմը նաև շեշտել է, որ այդ կառույցների հնարավոր աշխատանքի ձևաչափը պետք է համաձայնեցի Բաքվի և Երևանի հետ ուղղիղ համակարգմամբ։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

116
թեգերը:
Ռուսաստան, Լեռնային Ղարաբաղ
Ըստ թեմայի
«Շնորհակալ եմ, որ փոխզիջումային լուծումներ են գտնվում». Պուտինը և Ալիևը խոսել են Ղարաբաղից
Ադրբեջանի նպատակը եղել է Ղարաբաղի ամբողջական զավթումը. Քոչարյանը հիշեցրեց Պուտինի խոսքը
Բաքուն ստիպված է դուրս գալ Անկարայի ղարաբաղյան «լավության տակից». ո՞րն է գինը
ՀՀԿ–ն անթույլատրելի է համարում «Լեռնային Ղարաբաղի տարածք» բառակապակցության  գործածումը
Երգչուհի Մաքսիմ

Երգչուհի Մաքսիմն արդեն ինքնուրույն է շնչում. նոր մանրամասներ են ի հայտ եկել

82
Երգչուհու ներկայացուցիչ Մարգարիտա Սոկոլովան ասել է, որ երգչուհու գիտակցությունը տեղն է։

ԵՐԵՎԱՆ, 3 օգոստոսի – Sputnik. Ռուս երգչուհի Մաքսիմն ինքնուրույն է շնչում թթվածնային դիմակի միջոցով։ Տեղեկությունը հայտնում է ՌԻԱ Նովոստին` հղում անելով երգչուհու ներկայացուցիչ Մարգարիտա Սոկոլովային։

«Մարինան իրեն ավելի լավ է զգում։ Այժմ նրա գիտակցությունը լրիվ տեղն է։Պարզապես ժամանակ է պետք վերականգնման համար», – նշել է Սոկոլովան։

Mash–ն էլ հայտնում է, որ երգչուհուն անվասայլակով են տեղափոխում հիվանդանոցի միջանցքներով։ Ապաքինման դինամիկան դրական է, թոքաբորբն աստիճանաբար նահանջում է։

Հիշեցնենք` երգչուհի Մաքսիմը հունիսի 15-ից հիվանդանոցում է։ Դրանից մի քանի օր առաջ նրա ինքնազգացողությունը վատացել էր, ընդ որում` կորոնավիրուսի թեստը բացասական էր եղել։ Ավելի ուշ բժիշկները թոքերի 40 տոկոսի ախտահարմամբ թոքաբորբ էին ախտորոշել։

Որոշ ժամանակ անց նրա վիճակը վատացել էր, ախտահարումը հասել էր 70%–ի, երգչուհուն արհեստական շնչառության սարքին էին միացրել և արհեստական կոմայի մեջ գցել։

82
թեգերը:
երգչուհի, թոքաբորբ
Ըստ թեմայի
Լոպեսի ու Աֆլեքի ընկերուհին հրապարակել է նրանց առաջին համատեղ լուսանկարը
«Ոչ մի կասկած չկա, որ ամեն ինչ լավ է լինելու». երգչուհի Մաքսիմի վիճակում տեղաշարժ կա
Բրիթնի Սփիրսը կիսամերկ լուսանկար է հրապարակել ու «լայքերի» թվով ռեկորդ սահմանել
Էմանուել Մակրոն

Մակրոնը պատվաստվել է կորոնավիրուսի դեմ. ո՞ր պատվաստանյութն է նախընտրել Ֆրանսիայի նախագահը

0
(Թարմացված է 21:31 04.08.2021)
Ֆրանսիայի նախագահը, որն անցյալ տարվա դեկտեմբերին էր վարակվել կորոնավիրուսով, պատվաստանյութի մեկ դեղաչափ է ստացել։

ԵՐԵՎԱՆ, 4 օգոստոսի - Sputnik. Ֆրանսիայի նախագահ Էմանուել Մակրոնը պատվաստվել է «Pfizer» պատվաստանյութով։ Նա այդ մասին գրել է Instagram-ում։

«Այո, ես մայիսի 31-ին ստացել եմ «Pfizer» պատվաստանյութի մեկ դեղաչափը», - ասել Է Մակրոնը՝ պատասխանելով կորոնավիրուսային պատվաստումներին վերաբերող հարցին:

Ի՞նչ է իրենից ներկայացնում «Դելտա» մանրէահիմքն ու ինչպե՞ս կարելի է պայքարել դրա դեմ

Հիշեցնենք` 2020 թվականի դեկտեմբերի 17-ին հայտնի դարձավ, որ Ֆրանսիայի նախագահը վարակվել է կորոնավիրուսով։ Մակրոնն ինքնամեկուսացավ ու սկսեց հեռավար աշխատել։ Դեկտեմբերի 24-ին նախագահի գրասենյակը հայտնեց, որ Մակրոնն այլևս կորոնավիրուսի ախտանշաններ չունի։

«Սենց շարունակվի՝ Մակրոնը թուփ կդառնա». օգտատերերին զվարճացրել է Ֆրանսիայի նախագահի նկարը

0
թեգերը:
Ֆրանսիա, Էմանուել Մակրոն, պատվաստումներ, պատվաստանյութ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչով պատվաստվել, որ թույլ տան Հայաստանից Ֆրանսիա մեկնել. պատասխանում է դեսպանատունը
Գիտնականները նշել են AstraZeneca պատվաստանյութի կողմնակի ազդեցությունների մասին
Մյասնիկովը պատմել է կորոնավիրուսի նոր մանրէահիմքերի մասին
Հայաստանը նաև «Sinopharm» և «Pfizer/BioNTech» պատվաստանյութեր կգնի