Վլադիմիր Պուտին

Պուտինը մինչև սեպտեմբերի 30-ը երկարաձգել է միգրանտների ժամանակավոր կեցության ժամկետը

96
(Թարմացված է 16:37 15.06.2021)
Հետխորհրդային երկրներից անօրինական միգրանտների արտաքսման մորատորիումը սահմանվել էր կորոնավիրուսի համավարակի պատճառով:

ԵՐԵՎԱՆ, 15 հունիսի - Sputnik. Ռուսաստանի նախագահ Վլադիմիր Պուտինը թույլ է տվել միգրանտներին առանց փաստաթղթերի երկարացման մնալ երկրում մինչև այս տարվա սեպտեմբերի 30-ը, քանի դեռ համապատասխան պետության հետ սահմանների բացման պահից 3 ամիս չի անցել: Տեղեկությունը հայտնում է ՌԻԱ Նովոստին։

Պուտինը հրամանագիր է ստորագրել «Նոր կորոնավիրուսային վարակի (COVID-19) տարածման հետևանքների հաղթահարման շրջանում ՌԴ-ում օտարերկրյա քաղաքացիների ու քաղաքացիություն չունեցող անձանց իրավական վիճակի կարգավորման ժամանակավոր միջոցառումների մասին»:

Նշվում է, որ այսօր լրանում էր այն ժամկետը, որով օտարերկրացի միգրանտները պետք է օրինականացվեին Ռուսաստանում:

Հետխորհրդային երկրներից անօրինական միգրանտների արտաքսման մորատորիումը մտցվել է համավարակի պատճառով, սակայն հունիսի 15-ին այն ավարտվում էր: Ով չէր հասցրել փաստաթղթեր ձևակերպել, պետք է արտաքսվեր։

Միգրանտները ՌԴ-ում դեռ երկար կզգան համաճարակի հետևանքները

Ներքին գործերի նախարարության տվյալներով՝ Ռուսաստանում արդեն ավելի քան 1 մլն ապօրինի միգրանտ կա մերձավոր արտասահմանի երկրներից․ Հայաստանից՝ 61 հազար, Ուզբեկստանից՝ 332 հազար, Տաջիկստանից՝ 247 հազար, Ուկրաինայից՝ 152 հազար, Ադրբեջանից՝ 120 հազար, Ղրղզստանից՝ 115 հազար, Մոլդովայից՝ 56 հազար, Ղազախստանից՝ 49 հազար:

96
թեգերը:
կորոնավիրուս, Օրենք, Ռուսաստան, միգրանտ, Վլադիմիր Պուտին
Ըստ թեմայի
Պուտինն ու Բայդենը հատուկ ուշադրություն կդարձնեն Ղարաբաղի իրավիճակին․ Ուշակով
ՌԴ–ն վերջին զգուշացումն է անում. փորձագետները` Պուտինի «ուկրաինական» հարցազրույցի մասին
Պուտինն ասել է՝ որոնք են Բայդենի հետ հանդիպման գլխավոր նպատակները
Ռուսաստանի և ԱՄՆ-ի հարաբերությունները հասել են ամենացածր կետին․ Պուտին
Первый заместитель начальника Генштаба Аршак Карапетян

Արշակ Կարապետյանը մեկնել է Մոսկվա

5
(Թարմացված է 11:24 27.07.2021)
Նախատեսվում է, որ երկու երկրների պաշտպանության նախարարության ղեկավարները կհանդիպեն։

ԵՐԵՎԱՆ, 27 հուլիսի – Sputnik. Այսօր առավոտյան ՀՀ ՊՆ առաջին տեղակալ Արշակ Կարապետյանը մեկնել է Մոսկվա։ Տեղեկությունը հայտնում է 168.am–ը։

Ըստ կայքի` Մոսկվայում Կարապետյանը հանդիպելու է ՌԴ պաշտպանության նախարար Սերգեյ Շոյգուի հետ:

Հիշեցնենք, որ երեկ` հուլիսի 26-ին, ՌԴ պաշտպանության նախարարությունը հայտնել էր, որ Ռուսաստանի պաշտպանության նախարար Սերգեյ Շոյգուն հեռախոսազրույց է ունեցել Արշակ Կարապետյանի հետ:

Ի դեպ, Կարապետյանը վարչապետի պաշտոնակատար Նիկոլ Փաշինյանի` հուլիսի 20-ի որոշմամբ նշանակվել է պաշտպանության նախարարի առաջին տեղակալ։

Հենց նա է կատարում պաշտպանության նախարարի պարտականությունները և այս պաշտոնում Շոյգուի հետ, փաստորեն, առաջին հանդիպումն է լինելու։

5

Ռուսլան Աբովյանի ենթադրյալ սպանողին մեղադրանք է առաջադրվել

58
(Թարմացված է 20:25 26.07.2021)
Հետաքննության տվյալներով՝ Սիմբարիգովը 2020 թվականին դուրս է եկել գաղութից, որտեղ պատիժ է կրել սպանության համար:

ԵՐԵՎԱՆ, 26 հուլիսի – Sputnik․ Ստավրոպոլի ոստիկանության քրեական հետախուզության բաժնի պետի տեղակալ Ռուսլան Աբովյանի ենթադրյալ մարդասպանին մեղադրանք է առաջադրվել, նա ինքնախոստովանական ցուցմունք է տվել: Տեղեկությունը հայտնում է Ռուսաստանի կննչական կոմիտեի մամուլի ծառայությունը։

«Իբրահիմ Սիմբարիգովին մեղադրանք է առաջադրվել ՌԴ Քրեական օրենսգրքի 105-րդ հոդվածի 2-րդ մասի «ժ», «ը» կետերով (պատվիրված սպանություն), 222-րդ հոդվածի 3-րդ մասի «ա» կետով (զենքի, հրազենի հիմնական մասերի ապօրինի ձեռքբերում, պահպանում, տեղափոխում կամ կրում) նախատեսված հանցագործություններ կատարելու համար», - ասվում է հաղորդագրության մեջ:

Նշվում է, որ կալանքի միջնորդություն է ուղարկվել դատարան։ Մեղադրյալը խոստովանական ցուցմունք է տվել կատարված հանցագործության հանգամանքների վերաբերյալ։

Քննիչների տվյալներով՝ Աիմբարիգովը 2020 թվականին դուրս է եկել գաղութից, որտեղ պատիժ է կրել սպանության համար:

Ավելի վաղ հաղորդվել էր, որ այս տարվա հուլիսի 23-ի գիշերը Ստավրոպոլի բազմահարկ շենքերից մեկի մոտ անհայտ անձինք հարձակվել են ոստիկանության աշխատակցի վրա: Չարագործներից մեկը սկսել է կրակել։

Արդյունքում ոստիկանը ստացել է ազդրի և իրանի հրազենային վնասվածքներ։ Հանցագործները դեպքի վայրից դիմել են փախուստի։

Տաք հետքերով Անդրոպովի շրջանի տարածքում ձերբակալվել է սպանության մեջ կասկածվող 28-ամյա մի տղամարդ։

Ձերբակալվել է Ստավրոպոլում հայազգի ոստիկանի սպանության մեջ կասկածվողը

58
թեգերը:
Մեղադրանք, Սպանություն, ոստիկան
Ըստ թեմայի
Ստավրոպոլում սպանվել է քրեական հետախուզության պետի հայազգի տեղակալը. տեսանյութ
Մոսկվայում թայբոքսինգի չեմպիոն Աշոտ Բոլյանի սպանության գործով վճիռ է կայացվել
Հայիթիի նախագահի այրին ամուսնու սպանությունից հետո առաջին հայտարարությունն է արել