Twitter

Twitter-ը դեռ 500 արգելված նյութ չի հեռացրել. «Ռոսկոմնադզոր»

19
Գերատեսչությունը բացահայտել է ռուսական ԶԼՄ-ների ու տեղեկատվական ռեսուրսների գրաքննության 11 դեպք, որոնց թվում են Russia Today-ը, Sputnik-ը, ՌԻԱ Նովոստին, ինչպես նաև ռուս օգտատերերի ու նախագծերի մի քանի էջեր:

ԵՐԵՎԱՆ, 11 հունիսի – Sputnik. Twitter -ը գրեթե 500 արգելված գրառում է թողել: Տեղեկությունը հաղորդում է «Ռոսկոմնադզորի» կայքը:

«2015 թվականից առ այսօր հարթակից չի հեռացվել ավելի քան վեց հազար արգելված նյութ։ Սոցցանցի տրաֆիկի միջոցառումների կիրառումից հետո 490 չհեռացված նյութ է մնում: Արգելված նյութերի հեռացման պահանջների կատարման միջին ժամանակը կրճատվել է 129-ից մինչև ութ օր», - նշված է հաղորդագրության մեջ:

Բացի այդ, գերատեսչությունը բացահայտել է ռուսական ԶԼՄ-ների ու տեղեկատվական ռեսուրսների գրաքննության 11 դեպք, որոնց թվում են Russia Today-ը, Sputnik-ը, ՌԻԱ Նովոստին, ինչպես նաև ռուս օգտատերերի ու նախագծերի մի քանի էջեր: Այդպես էլ չի տեղայնացված անձնական տվյալների մշակումը։

«Վարչական իրավախախտումների վերաբերյալ տասը արձանագրություն է կազմվել։ Այսօրվա դրությամբ` դատարանների կողմից քննվել են բոլոր արձանագրությունները, արգելված տեղեկատվությունը չհեռացնելու համար տուգանքների ընդհանուր գումարը կազմում է 27,9 մլն ռուբլի: Տվյալների տեղայնացման մասին ռուսական օրենսդրության պահանջները չպահպանելու համար՝ 4 մլն ռուբլի», - նշված է հաղորդագրության մեջ:

Ռուսական օրենքների համաձայն՝ առցանց-հարթակի ղեկավարությունը պարտավոր է մեկ օրվա ընթացքում սահմանափակել կասկածելի բովանդակության նյութերի հասանելիությունը, հակառակ դեպքում հնարավոր է կիրառվի երեքից մինչև ութ միլիոն ռուբլի տուգանքի կետը: Կրկնակի խախտման դեպքում տուգանքն ավելանում է ընկերության տարեկան եկամտի մեկ տասներորդից մինչև մեկ հինգերորդը: Նախատեսված են նաև դանդաղեցման ու լիարժեք տրաֆիկի սահմանափակում։

«Ռոսկոմնադզորում» ընդգծել են, որ ազդեցության նշված միջոցները հիմնված են տեղեկատվական ինքնիշխանության ու թափանցիկության սկզբունքի վրա ու ընդհանուր առմամբ, «շատ ավելի մեղմ են, քան նման կարգավորումները արտասահմանյան շատ երկրներում, ներառյալ ԱՄՆ-ում»:

«Այսպես, ԱՄՆ-ում գործող օտարերկրյա գործակալների գրանցման մասին օրենքը (Foreign Agents Registration Act, FARA) ընդունվել է դեռևս 1938 թվականին` նացիստական քարոզչության դեմ պայքարի ժամանակ, սակայն մինչ օրս գործում է։ Այն առանձնանում է լղոզված ձևակերպումներով. FARA-ում որպես «քաղաքական» է ընկալվում ցանկացած գործունեություն, որը կարող է ազդել ամերիկյան գերատեսչություններին կամ պաշտոնատար անձի աշխատանքի վրա», — ասել են գերատեսչությունում:

Facebook-ի «անկախ» գրաքննիչները, կամ ինչ պատճառներով են արգելափակվում օգտահաշիվները

ԱՄՆ-ում արտասահմանյան գործակալների նկատմամբ պահանջները կարգավորիչն անվանել է «ավելի ընդգրկուն», քան Ռուսաստանում։ Արդարադատության նախարարությունում գրանցվելուց ու ֆինանսական հաշվետվություններ ներկայացնելուց բացի, կազմակերպությունները պետք է նշագրեն իրենց նյութերը ու տեղեկություններ տրամադրեն իրենց աշխատանքի բոլոր ասպեկտների մասին, ընդհուպ մինչև իշխանության ներկայացուցիչների հետ շփումների մանրամասն նկարագրությունը:

Ընդ որում` նշված օրենքի խախտման համար ամերիկացի գործընկերների պատիժներն ավելի խիստ են՝ մինչև հինգ տարվա ազատազրկում և/կամ մինչև տասը հազար դոլարի տուգանք, աշխատանքի արգելք, իսկ օտարերկրյա քաղաքացիների համար՝ արտաքսում:

2016 թվականից FARA-ի կողմից հետապնդման են ենթարկվել ռուսական Russia Today հեռուստաալիքը ու Sputnik գործակալությունը:

19
թեգերը:
Sputnik, ԱՄՆ, Ռուսաստան, օգտատեր, Twitter
Սերգեյ Կոպիրկին

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

39
(Թարմացված է 14:44 12.06.2021)
Հայ գերիներին Բաքվից հայրենիք վերադարձնելու աշխատանքները չեն դադարում։ Ադրբեջանում պահվող ՀՀ քաղաքացիների թիվն աճել է ևս 6-ով։

ԵՐԵՎԱՆ, 12 հունիսի - Sputnik. Ռուսական կողմը ձգտում է հասնել ռազմագերիների խնդրի վերջնական փակմանը «բոլորը բոլորի դիմաց» սկզբունքով։ Sputnik Արմենիային տված բացառիկ հարցազրույցում այս մասին ասաց Հայաստանում Ռուսաստանի դեսպան Սերգեյ Կոպիրկինը։

Նրա խոսքով՝ Ղարաբաղի վերաբերյալ եռակողմ հայտարարության ստորագրումից հետո ռուսական կողմը (ներառյալ Ռուսաստանի բարձրագույն ղեկավարությունն ու համապատասխան գերատեսչությունները՝ ԱԳՆ-ն ու ՊՆ-ն) առաջնային ուշադրություն են դարձրել ու շարունակում են դարձնել այդ հարցին:

«Այդ շփումների ու հարցի լուծման գործում շատ մեծ դերակատարություն ունի խաղաղապահ զորակազմն ու անձամբ գեներալ-լեյտենանտ Ռուստամ Մուրադովը։ Իհարկե, գործընթացը մեր ուզածի պես արագ չի ստացվում։ Ի սկզբանե Ռուսաստանի մոտեցումն էր «բոլորը բոլորի դիմաց»։ Ռուսական կողմը ձգտում է հասնել ռազմագերիների խնդրի վերջնական փակմանն այդ բանաձևով», - ասաց դիվանագետը։

Նրա տվյալներով՝ Մուրադովի անմիջական մասնակցությամբ կողմերը 82 մարդու են փոխանակել, որոնցից 66-ը ՀՀ քաղաքացիներ են։ Սակայն աշխատանքն այդ ուղղությամբ չի դադարում։

Այս համատեքստում դիվանագետը նշել է, որ հունիսի 8-ին հայ զինվորական էր մոլորվել ու շնորհիվ Մուրադովի օպերատիվ գործողությունների, որը շփման մեջ էր ադրբեջանական ու հայկական կողմերի հետ, հաջողվել է լուծել խնդիրը:

«Զինծառայողն արդեն հաջորդ օրը վերադարձվել է հայկական կողմին։ Սա կոնկրետ օրինակ է», - եզրափակեց նա։

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։ Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Չէի ասի, թե ռուս գործարարները վախենում են Հայաստանում ներդրում անելուց. Կոպիրկին

39
թեգերը:
Դեսպան, Հայաստան, Սերգեյ Կոպիրկին, ռազմագերի, Ռուսաստան
Ըստ թեմայի
ՀՀ-ի և Ռուսաստանի միջև համագործակցության մեծ ներուժ կա. Չոբանյանն ընդունել է Կոպիրկինին
Հարությունյանը և Կոպիրկինը մասնակցել են ռուսաց լեզվի ուսուցման լսարանի բացմանը
Գերիների վերադարձի ուղղությամբ զբաղվելու է անձամբ Ռուստամ Մուրադովը. Կոպիրկին
«Ռուս և հայ ժողովուրդները միասնական ապագա ունեն». Կոպիրկինը հանդիպել է Ծառուկյանի հետ
Էդմոն Մարուքյանը և Սերգեյ Կոպիրկինը քննարկել են ռազմագերիների վերադարձի հարցը
Վլադիմիր Պուտին

Ռուսաստանի և ԱՄՆ-ի հարաբերությունները հասել են ամենացածր կետին․ Պուտին

42
Ռուսաստանի նախագահը ԱՄՆ գործող նախագահին համեմատել է իր նախորդի հետ, նաև խոսել Սպիտակ տան ղեկավար Ջո Բայդենի սկանդալային հայտարարության մասին:

ԵՐԵՎԱՆ, 12 հունիսի -Sputnik. Ռուսաստանի ու Միացյալ Նահանգների հարաբերությունները վերջին տարիներին հասել են ամենացածր կետին։ Ռուսաստանի նախագահ Վլադիմիր Պուտինը նման կարծիք է հայտնել ամերիկյան NBC հեռուստաալիքին տված հարցազրույցում։ Սա 2018 թվականի հուլիսից հետո ամերիկյան ԶԼՄ-ների հետ նրա առաջին հարցազրույցն է։

«Մեր երկկողմ հարաբերությունները վերջին տարիներին վատթարացել ու հասել են ամենացածր մակարդակին», — ասել է Պուտինը:

Ռուսաստանի նախագահի խոսքով՝ ԱՄՆ ներկայիս նախագահ Ջո Բայդենն արմատապես տարբերվում է իր նախորդից՝ Դոնալդ Թրամփից։ Պուտինը նշել է, որ նախագահ Բայդենը կարիերային քաղաքական գործիչ է, որն իր ողջ գիտակցական կյանքն անցկացրել է քաղաքականության մեջ:

«Նա (Ջո Բայդենը, – խմբ.) բոլորովին այլ մարդ է, դրանում կան և՛ առավելություններ, և՛ թերություններ, բայց հույս ունեմ, որ գործող նախագահի կողմից իմպուլսիվ գործողություններ չեն լինի»,-ավելացրել է Ռուսաստանի նախագահը:

Էրդողանը մտադիր է լարված հարաբերությունների պատճառի մասին հարցնել Բայդենին

Ինչ վերաբերում է Թրամփին՝ Պուտինը մինչ օրս կարծում է, որ ԱՄՆ նախկին նախագահ Թրամփը արտասովոր անձնավորություն է, տաղանդավոր մարդ, այլապես նա ԱՄՆ նախագահ չէր դառնա:

«Նա կոլորիտային անձնավորություն է։ Նա կարող է ձեզ դուր գալ կամ դուր չգալ», - կարծում է Պուտինը։

Ռուսաստանի նախագահը հիշեցրել է, որ Թրամփը մինչ նախագահ դառնալը մեծ քաղաքականության մաս չի եղել։

Խոսելով Բայդենի սկանդալային հայտարարությունների մասին (նա Պուտինին «մարդասպան» էր անվանել), Ռուսաստանի նախագահ Վլադիմիր Պուտինն ասել է, որ ԱՄՆ նախագահի այդ հարցազրույցը իրեն չի զարմացրել։ Նախագահն ավելացրել է, որ պաշտոնավարման ընթացքում սովորել է բոլոր կողմերից հարձակումներին՝ տարբեր պատրվակներով, տարբեր պատճառներով, տարբեր տրամաչափի և դաժանության:

Հիշեցնենք, որ այժմ Ռուսաստանի նախագահ Վլադիմիր Պուտինի ու Սպիտակ տան նոր ղեկավար Ջո Բայդենի առաջին հանդիպման հետ կապված ակտիվ նախապատրաստական աշխատանքներ են ընթանում: Բանակցությունները նախատեսված է անցկացնել հունիսի 16-ին Ժնևում (Շվեյցարիա):

Բայդենն ասել է, թե Պուտինի հետ ինչ թեմա է քննարկելու ժնևյան գագաթնաժողովում

42
թեգերը:
Դոնալդ Թրամփ, Ջո Բայդեն, Ռուսաստան, ԱՄՆ, Վլադիմիր Պուտին
Ըստ թեմայի
ՌԴ–ն վերջին զգուշացումն է անում. փորձագետները` Պուտինի «ուկրաինական» հարցազրույցի մասին
Պուտինի և Բայդենի բանակցությունները կկայանան Ժնևի Լա Գրանժ առանձնատանը
Բայդենը վերափոխվում է «Պուտինի ցրիչի», կամ մինչև չգա հետինը, չի հիշվի առաջինը
Սիրանուշ Սահակյան

Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան

0
ՄԻԵԴ-ում ռազմագերիների շահերի ներկայացուցիչ, իրավապաշտպան Սիրանուշ Սահակյանը Sputnik Արմենիայի եթերում անդրադարձել է 26 հայ ռազմագերիների հետ կապված հարցին, որոնց գործերն արդեն ուղարկվել են վարույթ և քննվելու են Բաքվի ծանր հանցագործությունների դատարանում:

Սիրանուշ Սահակյանի դիտարկմամբ` ադրբեջանական կողմի հարուցած դատավարությունները շինծու բնույթ են կրում։ Դրանց ընթացքում խախտվել են մեր քաղաքացիների հիմնաքարային իրավունքները, հետևաբար այդ դատավարությունների արդյունքները միջազգայնորեն չեն կարող լինել ընդունելի։

Ըստ նրա` հայ ռազմագերիներից որևէ մեկը ներկայացված չէ իր կողմից ընտրված պաշտպանի միջոցով, իսկ պաշտպանության իրավունքը առանցքն է. եթե անձին պաշտպանվելու իրավունք և հնարավորություններ չեն տրվում, ապա դատապարտման օրինականությունն արդեն իսկ կասկածի տակ է առնվում։

«Որևէ մեկը միամտորեն չի հավատում, որ ադրբեջանական իշխանությունների կողմից ֆինանսավորվող և նշանակված հանրային պաշտպանները հայատյացության այս մթնոլորտում կարող են ապահովել պաշտպանության իրավունքի իրացումը։ Սա ընդամենը մի ասպեկտն է։ Մենք գործ ունենք նաև խոշտանգումների արդյունքում ձեռք բերված ապացույցների օգտագործման հետ, ինչը ևս անթույլատրելի է, էլ չեմ խոսում առհասարակ այս գործը քննող դատավորների անաչառության և անկախության մասին, որովհետև քաղաքական պատվերով գործեր քննելը հիմնախնդիրներից մյուսն է»,– նշեց իրավապաշտպանը։

Այդուհանդերձ, Սահակյանը լավատեսորեն է տրամադրված, որովհետև բոլոր հայ ռազմագերիների գործերը գտնվում են ՄԻԵԴ–ում, որն իր հերթին վերահսկողություն է իրականացնում նաև ներպետական դատարանների կողմից իրականացված արդարադատության նկատմամբ և կարող է գնահատական տալ, թե արդյո՞ք անձի դատապարտումը չի խախտում կոնվենցիայի արդար դատաքննության իրավունքը։

Սահակյանի կարծի​քով` կարճ ժամանակ անց բոլոր գանգատների առարկաները փոխվելու են և մենք ունենալու ենք վեճ միջազգային դատական ատյանում, որը պահանջելու է ադրբեջանական քրեական գործի և դատավարության նյութերը, ուստի այս փուլում ադրբեջանական իշխանությունների ողջ դեմքը պարզվելու է միջազգային հանրության առջև, հենց միջազգային հարթակներում մերկացվելու է ադրբեջանական կողմի զեղծարարությունը, ինչը բնորոշ է բազում այլ գործերին։

Իրավապաշտպանի պնդմամբ` ՀՀ իշխանությունների ռեսուրսները պետք է ուղղվեն Ադրբեջանի պաշտոնատար անձանց առնչությամբ պատժամիջոցներ կիրառելու մեխանիզմների գործարկմանը, և միջազգային հանրությունն իսկապես կարող է իրավիճակը փոխել, շտկել, առավել ևս, որ Ադրբեջանը միջազգային ճնշումներին դիմակայելու բավարար ռեսուրս չունի։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

0
թեգերը:
Հայաստան, հայ, Ադրբեջան, գերի
Ըստ թեմայի
Գերիների վերադարձը կարող է 1-2 տարի տևել. Սահակյանը ներկայացրեց գործընթացի մանրամասները
Աժ-ում փակ դռների հետևում քննարկել են գերիների վերադարձի հարցը
Արտակ Զեյնալյանը հավանական գերիների վերաբերյալ տեսանյութ է հրապարակել. 16+