Մարիա Զախարովա

Սահմանի միջադեպերը չեն նպաստում Երևանի և Բաքվի հարաբերությունների կարգավորմանը. Զախարովա

67
Ռուսաստանի ԱԳՆ ներկայացուցիչը հույս ունի, որ Մոսկվայի, Երևանի և Բաքվի մասնակցությամբ աշխատանքային խումբը կվերսկսի իր գործունեությունը եռակողմ պայմանավորվածությունների համապատասխան։

ԵՐԵՎԱՆ, 10 հունիսի – Sputnik. Հարավային Կովկասում տրանսպորտային և տնտեսական հաղորդակցությունների ապաշրջափակումը առաջնային խնդիր է, որի իրականացման հարցում շահագրգռված են տարածաշրջանի բոլոր երկրները, այդ թվում` Հայաստանն ու Ադրբեջանը։ Այս մասին հայտարարել է ՌԴ ԱԳՆ ներկայացուցիչ Մարիա Զախարովան` պատասխանելով հարցերին` արդյո՞ք քննարկվում է միջանցքի հարցն ու շարունակո՞ւմ է արդյոք գործել եռակողմ աշխատանքային խումբը։

Նրա խոսքով` համապատասխան պայմանավորվածություններն արձանագրված են եղել եռակողմ հայտարարություններում, աշխատանքները հանձնարարվել է իրականացնել երեք երկրների փոխվարչապետներին, ոլորտի փորձագետները հաղորդակցությունների վերականգնման համար անհրաժեշտ միջոցների վերլուծություն են անցկացրել, ինչը սկզբունքորեն թույլ է տալիս մոտ հեռանկարում սկսել փուլ առ փուլ իրականացնել համատեղ ենթակառուցվածքային նախագծերը։

«Ակնկալում ենք, որ եռակողմ աշխատանքային խումբն առաջիկայում կվերսկսի իր գործունեությունը համաձայն առաջնորդների եռակողմ պայմանավորվածության։ Առաջնորդներն են որոշել նման աշխատանքի ուղղությունը։ Միևնույն ժամանակ, հայ–ադրբեջանական սահմանի առանձին հատվածներում տեղի ունեցող միջադեպերը, իհարկե, չեն նպաստում Ադրբեջանի և Հայաստանի հարաբերությունների ընդհանուր ֆոնի կարգավորմանը», – ասել է նա։

Զախարովան կողմերին կոչ է արել զսպվածություն դրսևորել և թուլացնել լարվածությունը, ինչպես նաև հակասությունները լուծել բացառապես խաղաղ, բանակցային ճանապարհով։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

ԽՍՀՄ տարիներին ադրբեջանցիները զավթում էին հայերի հողերը, ապա դարձնում քննարկման առարկա

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

67
թեգերը:
Ադրբեջան, Հայաստան, միջադեպ, Սահման, Մարիա Զախարովա
Ըստ թեմայի
Զախարովան խոսել է Ղարաբաղում հակամարտության կարգավորման պայմանների մասին
ՌԴ-ն կողմ է, որ ՅՈւՆԵՍԿՕ-ի առաքելությունը շուտափույթ կերպով տարածաշրջան այցելի. Զախարովա
Խաղաղապահներն ամեն օր ուժ, հոգի և կարողություններ են ներդնում. Մարիա Զախարովա
Դմիտրի Պեսկով

Մոսկվան Փաշինյանի կուսակցության համոզիչ հաղթանակի առթիվ շնորհավորել է Հայաստանի ժողովրդին

76
(Թարմացված է 13:54 21.06.2021)
Կրեմլը հույս է հայտնել, որ ժողովրդի որոշումը կօգնի երկրին դուրս գալ կայուն զարգացման ուղեգիծ։

ԵՐԵՎԱն, 21 հունիսի - Sputnik. Կրեմլը հետևում է Հայաստանում ընտրությունների հետ կապված իրավիճակին ու ցանկանում, որ ժողովրդի որոշումն օգնի երկրին դուրս գալ կայուն զարգացման ուղեգիծ, հայտարարել է ՌԴ նախագահի մամուլի խոսնակ Դմիտրի Պեսկովը։

Նա նաև նշել է, որ ընտրություններում տեսան Փաշինյանի կուսակցության համոզիչ հաղթանակը, ու շնորհավորել է հայ ժողովրդին՝ ընտրության առիթով։

Նշենք, որ ԿԸՀ–ն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

76
թեգերը:
Դմիտրի Պեսկով, Ընտրություններ, Հայաստան, Ռուսաստան
Ըստ թեմայի
Քաղաքական ուժերի՝ մանդատներից հրաժարվելու տարբերակ օրենքը չի նախատեսում. Մուկուչյան
Բաց ու թափանցիկ. ԱՊՀ դիտորդները լուրջ խախտումներ չեն արձանագրել ընտրությունների ընթացքում
Հաջողություններ եմ մաղթում. Արայիկ Հարությունյանը շնորհավորել է Փաշինյանին
Օդանավակայան

Ի՞նչ դեղեր է պետք վերցնել ճամփորդելիս. բժշկի խորհուրդներ

43
(Թարմացված է 09:45 21.06.2021)
Ճամփորդության մեկնելուց առաջ անպայման պետք է մտածել նաև դեղերի մասին, որոնք կարող են պետք գալ հանգստի ընթացքում։

ԵՐԵՎԱՆ, 21 հունիսի – Sputnik. Մոսկվայի առողջապահության դեպարտամենտի չափահաս բնակչության առաջնային բուժսանիտարական օգնության գլխավոր արտահաստիքային մասնագետ Անդրեյ Տյաժելնիկովը ՌԻԱ Նովոստիի հետ զրույցում ասել է, թե ինչ դեղամիջոցներ է պետք վերցնել ճամփորդելիս։ 

«Հանգստի մեկնելիս պետք է վերցնեք այն դեղերը, որոնք մշտապես ընդունում եք, ինչպես նաև այն դեղամիջոցները, որոնք կարող են անհրաժեշտ լինել խրոնիկ հիվանդությունների սրման դեպքում։ Ճամփորդության մեկնելուց առաջ դուք պետք է հոգ տանեք, որ ձեզ մոտ լինեն նաև սորբենտներ, որն առաջին օգնություն կդառնան թունավորման կասկածների դեպքում, և ֆերմենտային միջոցներ` գերսնման համար»,- ասել է նա:

Ինչպե՞ս ազատվել փորկապությունից. բժիշկների խորհուրդները

Նրա խոսքով՝ կարող են նաև օգտակար լինել սիմպտոմատիկ դեղամիջոցները, օրինակ՝ մրսածության, կոկորդի ցավի, ջերմությունը իջեցնող դեղերը: Ցավազրկողներ են պետք ատամնացավի կամ միգրենի համար, ինչպես նաև հակահիստամինային դեղեր, անգամ եթե երբեք ալերգիայի դրսևորում չեք ունեցել։

Ըստ բժշկի` ցանկալի է նաև ճամպրուկում ունենալ վնասվածքների համար նախատեսված միջոցներ` յոդ, քլորգեքսիդին` վերքերի լվացման և ախտահանման համար, թանզիվ, մանրէասպան սպեղանի։ Կարևոր են նաև արևայրուքից, միջատներից ու տիզերից պաշտպանվելու միջոցները։

Բժիշկը պատմել է աղի օգուտի ու վնասի մասին

 

43
թեգերը:
Դեղ, բժիշկ
Դատարան

Բաքվի դատարանը սկսել է 13 հայ գերիների գործով լսումները

0
Բաքուն հայ գերիներին մեղադրում է Ադրբեջանի զինծառայողների և խաղաղ բնակիչների դեմ ահաբեկչական, հետախուզական և այլ գործողություններ կատարելու մեջ:

ԵՐԵՎԱՆ, 21 հունիսի – Sputnik. Բաքվի դատարանն այսօր սկսել է 13 հայ գերիների գործով լսումները, նրանք մեղադրվում են ահաբեկչական գործողություններ կատարելու նպատակով Ադրբեջանի տարածք ապօրինի մուտք գործելու մեջ։ Տեղեկությունը հայտնում է Sputnik Ադրբեջանը։

Ամբաստանյալների աթոռին նստած են Եղիշ Հովհաննեսի Աստանյանը, Կարեն Արմենի Արամյանը, Տիգրան Մանիկի Ավագյանը, Գրիգոր Գևորգի Գևորգյանը, Հովսեփ Ռոբերտի Մանուկյանը, Գևորգ Սամվելի Մարտիրոսյանը, Ռոբերտ Հովիկի Գևորգյանը, Վաղարշակ Աշոտի Ավետիսյանը, Վոլոդյա Գագիկի Հակոբյանը, Անդրանիկ Սրապի Սուքիասյանը, Անդրանիկ Տիգրանի Մանուկյանը, Գրիգոր Սեյրանի Սաղաթելյանը և Էդուարդ Արմենի Կիրակոսյանը:

Բաքուն հայ գերիներին մեղադրում է, որ 2020թ.նոյեմբերի 9-ին եռակողմ հայտարարությունից հետո «ապօրինի և գաղտնի մուտք գործելով ադրբեջանական տարածք` Ադրբեջանի զինծառայողների և խաղաղ բնակիչների դեմ ահաբեկչական, հետախուզական և այլ հանցավոր գործողություններ են կատարել»:

Հետաքննությունը հաստատում է, որ Հայաստանի մի խումբ քաղաքացիներ, 2020 թվականի նոյեմբերի 26-27-ը իբր ապօրինաբար հատել են «Ադրբեջանի պետական սահմանը», հարձակումներ են կատարել ձեռնարկությունների, հիմնարկների և կազմակերպությունների, ինչպես նաև առանձին անձանց վրա, կազմակերպել են պայթյուններ, հրդեհներ և ահաբեկչական այլ գործողություններ:

Հիշեցնենք` հունիսի 17-ին ՀՀ վարչապետի պաշտոնակատար, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը Հանրային հեռուստաընկերության եթերում հայտարարեց, որ Ադրբեջանում գտնվող հայ գերիների ճշտված թիվը 60 է, չճշտվածներինը՝ 110։

Արմեն Սարգսյանը գերիների թեմայով խոսել է Իտալիայի Սենատի փոխնախագահի հետ

0
թեգերը:
գերի, հայ, Դատարան, Ադրբեջան
Ըստ թեմայի
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին
«Իշխանությունը վա բանկ է գնում». քաղտեխնոլոգն անդրադարձել է քարտեզի դիմաց գերիներ բերելուն
Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին