«Մուզ–TV» մրցանակաբաշխության ժամանակ հայտնի ռեփեր Տիմատին ներկայացել էր «Холостяк» հեռուստաշոուի հաղթող Կատերինա Սաֆարովայի հետ։

«Կրակ» Ալյոնա Շիշկովայից. Տիմատիի նախկին ընկերուհին հավանել է Կատերինա Սաֆարովային

66
(Թարմացված է 15:47 07.06.2021)
Տիմատիի նախկին ընկերուհին, դատելով ամեն ինչից, հավանել է «Холостяк» շոուի հաղթող Կատերինա Սաֆարովային։ Ալյոնա Շիշկովան ավելի վաղ խոստովանել էր, որ հետևելու է հեռուստանախագծի ութերորդ եթերաշրջանին։

ԵՐԵՎԱՆ, 6 հունիսի – Sputnik. «Մուզ–TV» մրցանակաբաշխության ժամանակ հայտնի ռեփեր Տիմատին ներկայացել էր «Холостяк» հեռուստաշոուի հաղթող Կատերինա Սաֆարովայի հետ։

Այդպիսով Տիմատին առաջին անգամ հասարակությանը ներկայացավ իր նոր ընտրյալի հետ։

Тимати и Катеринa Сафаровa перед началом ежегодной премии Премия МУЗ-ТВ 20/21. Начало света (4 июня 2021). Москвa
© Sputnik / Рамиль Ситдиков
Տիմատին ու Կատերինա Սաֆարովան

Մրցանակաբաշխությունից հետո զույգի գրավիչ լուսանկարները հայտնվեցին ինչպես Սաֆարովայի, այնպես էլ ռեփերի էջում` մեծաքանակ «լայքեր» և մեկնաբանություններ ստանալով։ Երկուսն էլ սև հագուստ էին ընտրել։ Հատուկ ուշադրություն գրավեց Կատերինայի` մեծ բացվածքով, մարմինը սեղմ գրկող զգեստը, որն ընդգծում էր աղջկա սպորտային կազմվածքը։

Հետաքրքիր է, որ Տիմատիի գրառմանը առաջիններից մեկն արձագանքել էր նրա նախկին ընկերուհին` մոդել և Ռուսաստանի վիցե–միսս Ալյոնա Շիշկովան։ Մեկնաբանություններում նա երեք հատ կրակի պատկեր է թողել։ Դատելով ամեն ինչից, գեղեցիկ և ուրախ Կատերինան նրան դուր է եկել, և կարելի է ասել՝ նա հավանության է արժանացրել նախկին սիրեցյալի ընտրյալին։

«Թռչում ենք դեպի Արարատ»․ Սուպեր Ժորիկը Սահակյանցի ոճով նոր տեսահոլովակ է ներկայացրել

Դեռ հեռուստանախագծի ութերորդ եթերաշրջանի մեկնարկից առաջ Ալյոնա Շիշկովան Instagram–ի իր սթորիում խոստովանեց, որ հետևելու է Տիմատիի մասնակցությամբ ութերորդ եթերաշրջանին։ Թեպետ նա հետևել է նաև նախորդ եթերաշրջաններին` ծրագիրը շատ ռոմանտիկ անվանելով։ Հատկանշական է, որ ութերորդ եթերաշրջանի ընթացքում Շիշկովան երկրպագում էր բարձրահասակ և շիկահեր Կրիստինա Կուստովային, որին հեռուստադիտողը հաճախ համեմատում էր Ալյոնայի հետ։

Посмотреть эту публикацию в Instagram

Публикация от Katerina Safarova (@kat_safarova)

Ինչ վերաբերում է ռեփերին և «Холостяк»–ի հաղթողին, ապա նրանք հավանաբար թունդ սիրահարված են միմյանց։ Ի դեպ, Կատյայի նկատմամբ իր զգացմունքների մասին նա արդեն հրապարակային խոստովանել է։

Երբ արարողության ժամանակ հեռուստահաղորդավարուհի Քսենյա Սոբչակը ուղիղ հարցրել է երաժիշտին, թե արդյոք սիրահարված է Կատերինային, նա պատասխանել է. «Իհարկե»։

Երկրպագուներից շատերը կարծում են, որ Սաֆարովան միակն է, ում հետ ռեփերը լավ է դիտվում. «Արևոտ աղջկա կողքին ինքդ էլ փայլում ես», «Ինչ գեղեցիկ է նա... կենսախինդ, թեթև, հասարակ»։

Ինչպես խոստովանել է Տիմատին՝ Կատյայի անկեղծության մեջ համոզված լինելն է իրեն ստիպել ընտրել հենց նրան։

66
թեգերը:
ընկերուհի, Տիմատի
Ըստ թեմայի
«Բուզովայի կարծիքը հետաքրքիր չէ»․ Դավան՝ «Դոմ 2» շոուն վարելու հնարավորության մասին
Վալերի Մելաձեն չի ուզում, որ իր նորածին դուստրը կրթված ու խելացի դայակ ունենա
Ծիրանագույնից մինչև «Կիմ Չեն Քարդաշյան»․ Գարիկ Մարտիրոսյանը զվարճացրել է հետևորդներին
Սերգեյ Կոպիրկին

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

11
(Թարմացված է 14:44 12.06.2021)
Հայ գերիներին Բաքվից հայրենիք վերադարձնելու աշխատանքները չեն դադարում։ Ադրբեջանում պահվող ՀՀ քաղաքացիների թիվն աճել է ևս 6-ով։

ԵՐԵՎԱՆ, 12 հունիսի - Sputnik. Ռուսական կողմը ձգտում է հասնել ռազմագերիների խնդրի վերջնական փակմանը «բոլորը բոլորի դիմաց» սկզբունքով։ Sputnik Արմենիային տված բացառիկ հարցազրույցում այս մասին ասաց Հայաստանում Ռուսաստանի դեսպան Սերգեյ Կոպիրկինը։

Նրա խոսքով՝ Ղարաբաղի վերաբերյալ եռակողմ հայտարարության ստորագրումից հետո ռուսական կողմը (ներառյալ Ռուսաստանի բարձրագույն ղեկավարությունն ու համապատասխան գերատեսչությունները՝ ԱԳՆ-ն ու ՊՆ-ն) առաջնային ուշադրություն են դարձրել ու շարունակում են դարձնել այդ հարցին:

«Այդ շփումների ու հարցի լուծման գործում շատ մեծ դերակատարություն ունի խաղաղապահ զորակազմն ու անձամբ գեներալ-լեյտենանտ Ռուստամ Մուրադովը։ Իհարկե, գործընթացը մեր ուզածի պես արագ չի ստացվում։ Ի սկզբանե Ռուսաստանի մոտեցումն էր «բոլորը բոլորի դիմաց»։ Ռուսական կողմը ձգտում է հասնել ռազմագերիների խնդրի վերջնական փակմանն այդ բանաձևով», - ասաց դիվանագետը։

Նրա տվյալներով՝ Մուրադովի անմիջական մասնակցությամբ կողմերը 82 մարդու են փոխանակել, որոնցից 66-ը ՀՀ քաղաքացիներ են։ Սակայն աշխատանքն այդ ուղղությամբ չի դադարում։

Այս համատեքստում դիվանագետը նշել է, որ հունիսի 8-ին հայ զինվորական էր մոլորվել ու շնորհիվ Մուրադովի օպերատիվ գործողությունների, որը շփման մեջ էր ադրբեջանական ու հայկական կողմերի հետ, հաջողվել է լուծել խնդիրը:

«Զինծառայողն արդեն հաջորդ օրը վերադարձվել է հայկական կողմին։ Սա կոնկրետ օրինակ է», - եզրափակեց նա։

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։ Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Չէի ասի, թե ռուս գործարարները վախենում են Հայաստանում ներդրում անելուց. Կոպիրկին

11
թեգերը:
Դեսպան, Հայաստան, Սերգեյ Կոպիրկին, ռազմագերի, Ռուսաստան
Ըստ թեմայի
ՀՀ-ի և Ռուսաստանի միջև համագործակցության մեծ ներուժ կա. Չոբանյանն ընդունել է Կոպիրկինին
Հարությունյանը և Կոպիրկինը մասնակցել են ռուսաց լեզվի ուսուցման լսարանի բացմանը
Գերիների վերադարձի ուղղությամբ զբաղվելու է անձամբ Ռուստամ Մուրադովը. Կոպիրկին
«Ռուս և հայ ժողովուրդները միասնական ապագա ունեն». Կոպիրկինը հանդիպել է Ծառուկյանի հետ
Էդմոն Մարուքյանը և Սերգեյ Կոպիրկինը քննարկել են ռազմագերիների վերադարձի հարցը
Վլադիմիր Պուտին

Ռուսաստանի և ԱՄՆ-ի հարաբերությունները հասել են ամենացածր կետին․ Պուտին

11
Ռուսաստանի նախագահը ԱՄՆ գործող նախագահին համեմատել է իր նախորդի հետ, նաև խոսել Սպիտակ տան ղեկավար Ջո Բայդենի սկանդալային հայտարարության մասին:

ԵՐԵՎԱՆ, 12 հունիսի -Sputnik. Ռուսաստանի ու Միացյալ Նահանգների հարաբերությունները վերջին տարիներին հասել են ամենացածր կետին։ Ռուսաստանի նախագահ Վլադիմիր Պուտինը նման կարծիք է հայտնել ամերիկյան NBC հեռուստաալիքին տված հարցազրույցում։ Սա 2018 թվականի հուլիսից հետո ամերիկյան ԶԼՄ-ների հետ նրա առաջին հարցազրույցն է։

«Մեր երկկողմ հարաբերությունները վերջին տարիներին վատթարացել ու հասել են ամենացածր մակարդակին», — ասել է Պուտինը:

Ռուսաստանի նախագահի խոսքով՝ ԱՄՆ ներկայիս նախագահ Ջո Բայդենն արմատապես տարբերվում է իր նախորդից՝ Դոնալդ Թրամփից։ Պուտինը նշել է, որ նախագահ Բայդենը կարիերային քաղաքական գործիչ է, որն իր ողջ գիտակցական կյանքն անցկացրել է քաղաքականության մեջ:

«Նա (Ջո Բայդենը, – խմբ.) բոլորովին այլ մարդ է, դրանում կան և՛ առավելություններ, և՛ թերություններ, բայց հույս ունեմ, որ գործող նախագահի կողմից իմպուլսիվ գործողություններ չեն լինի»,-ավելացրել է Ռուսաստանի նախագահը:

Էրդողանը մտադիր է լարված հարաբերությունների պատճառի մասին հարցնել Բայդենին

Ինչ վերաբերում է Թրամփին՝ Պուտինը մինչ օրս կարծում է, որ ԱՄՆ նախկին նախագահ Թրամփը արտասովոր անձնավորություն է, տաղանդավոր մարդ, այլապես նա ԱՄՆ նախագահ չէր դառնա:

«Նա կոլորիտային անձնավորություն է։ Նա կարող է ձեզ դուր գալ կամ դուր չգալ», - կարծում է Պուտինը։

Ռուսաստանի նախագահը հիշեցրել է, որ Թրամփը մինչ նախագահ դառնալը մեծ քաղաքականության մաս չի եղել։

Խոսելով Բայդենի սկանդալային հայտարարությունների մասին (նա Պուտինին «մարդասպան» էր անվանել), Ռուսաստանի նախագահ Վլադիմիր Պուտինն ասել է, որ ԱՄՆ նախագահի այդ հարցազրույցը իրեն չի զարմացրել։ Նախագահն ավելացրել է, որ պաշտոնավարման ընթացքում սովորել է բոլոր կողմերից հարձակումներին՝ տարբեր պատրվակներով, տարբեր պատճառներով, տարբեր տրամաչափի և դաժանության:

Հիշեցնենք, որ այժմ Ռուսաստանի նախագահ Վլադիմիր Պուտինի ու Սպիտակ տան նոր ղեկավար Ջո Բայդենի առաջին հանդիպման հետ կապված ակտիվ նախապատրաստական աշխատանքներ են ընթանում: Բանակցությունները նախատեսված է անցկացնել հունիսի 16-ին Ժնևում (Շվեյցարիա):

Բայդենն ասել է, թե Պուտինի հետ ինչ թեմա է քննարկելու ժնևյան գագաթնաժողովում

11
թեգերը:
Դոնալդ Թրամփ, Ջո Բայդեն, Ռուսաստան, ԱՄՆ, Վլադիմիր Պուտին
Ըստ թեմայի
ՌԴ–ն վերջին զգուշացումն է անում. փորձագետները` Պուտինի «ուկրաինական» հարցազրույցի մասին
Պուտինի և Բայդենի բանակցությունները կկայանան Ժնևի Լա Գրանժ առանձնատանը
Բայդենը վերափոխվում է «Պուտինի ցրիչի», կամ մինչև չգա հետինը, չի հիշվի առաջինը
ԼՀԿ

Կան քաղաքական ուժեր, որոնք հատուկ շրջում և 3 սուտ են տարածում ԼՀԿ–ի մասին. Անի Սամսոնյան

0
Անի Սամսոնյանն ահազանգում է, որ ոչ միայն ստեր են տարածում իրենց ուղղված, այլ նաև նախընտրական պաստառներն են շարքից հանում։

ԵՐԵՎԱՆ, 12 հունիսի - Sputnik. ԱԺ «Լուսավոր Հայաստան» խմբակցության պատգամավոր Անի Սամսոնյանը վստահեցնում է, որ կան քաղաքական ուժեր և մարդիկ, որոնք հատուկ շրջում են և անհատական զրույցներում 3 սուտ են տարածում ԼՀԿ–ի մասին։ Սամսոնյանն այդ մասին հայտարարեց այսօր Երևանում քարոզարշավի ժամանակ։

«Սուտ համար առաջին` ասում են, որ մեզ ձայն չտան, քանի որ ԼՀԿ–ն ընտրական շեմը չի հաղթահարելու։ Երկրորդ սուտն էլ այն է, որ ասում են` ԼՀԿ-ին ձայն չտաք, քանի որ օգնելու ենք վերարտադրվել իշխող ուժին։ Եվ, վերջապես, սուտ համար երրորդ` շրջանակներում, որտեղ դեմ են Ռոբերտ Քոչարյանին, ասում են, թե ԼՀԿ–ն նպաստելու է նախկինների վերադարձին»,–ասաց Սամսոնյանը։

Նրա խոսքով` իրենք մրցակից են որոշ ուժերի, ինչի հետևանքով էլ մարդիկ չեն ալարում և բարձրանում ու ավտոճանապարհներին փակցված պաստառները դիտավորյալ վնասում են։

Սամսոնյանը հայտնեց, որ Շատին գյուղի մոտակայքում` բավական բարձր հատվածում տեղադրված իրենց պաստառն են վնասել հենց այն հատվածում, որտեղ պատկերված է ԼՀԿ առաջնորդ Էդմոն Մարուքյանը։

Մարուքյանը Փաշինյանին հրավիրում է բանավեճի. խոստանում է` քաբաբի մասին չեն խոսի

0
թեգերը:
Ընտրություններ, քարոզարշավ, «Լուսավոր Հայաստան» կուսակցություն, Անի Սամսոնյան
թեմա:
ԱԺ արտահերթ ընտրություններ 2021
Ըստ թեմայի
Քննությունը կպարզի ՔՊ-ի քարոզարշավին խոչընդոտելու դեպքի հանգամանքները
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ
«Հանրապետության» համար քարոզարշավը լավ է ընթանում. կուսակցությունը նորամուծություն է արել