Զինծառայող

Եթե Երևանն ու Բաքուն դիմեն, Ռուսաստանը պատրաստ է օգնել սահմանագծման հանձնաժողովին

107
(Թարմացված է 17:00 20.05.2021)
Սերգեյ Լավրովի` սահմանագծման ու սահմանազատման հարցում աջակցություն ցուցաբերելու մասին հայտարարությունը հաստատել է ՌԴ փոխարտգործնախարարը։

ԵՐԵՎԱՆ, 20 մայիսի – Sputnik. Եթե Հայաստանը կամ Ադրբեջանը դիմեն, Ռուսաստանը պատրաստ է խորհրդատվական աջակցություն ցուցաբերել սահմանագծման հանձնաժողովին։ Ինչպես հայտնում է ՌԻԱ Նովոստին, այս հայտարարությունն արել է Ռուսաստանի փոխարտգործնախարար Անդրեյ Ռուդենկոն «Վալդայ» միջազգային ակումբի Կենտրոնական Ասիայի խորհրդաժողովի շրջանակում։

«Դեռ ոչինչ չեմ լսել նրանց (Բաքվի և Երևանի - խմբ.) արձագանքի մասին։ Ռուսաստանը պատրաստ է Բաքվի կամ Երևանի կողմից համապատասխան դիմումի դեպքում խորհրդատվական աջակցություն ցուցաբերել այդ գործընթացում»,- ասել է Ռուդենկոն։

Ավելի վաղ ՌԴ արտգործնախարար Սերգեյ Լավրովը հայտարարել էր, որ Ռուսաստանը կարող էր միջնորդ դառնալ Հայաստանի և Ադրբեջանի միջև սահմանագծման և սահմանազատման հարցերի քննարկման ժամանակ:

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցություններ են անցկացվում։

107
թեգերը:
Սահման, Ադրբեջան, Ռուսաստան, Հայաստան
Ըստ թեմայի
Եթե ՀԱՊԿ–ում սկսեն կրակել, դա կվերածվի տարածաշրջանային մեծ պատերազմի. Փաշինյան
ՀՀ տարածքում 500-600 ադրբեջանցի զինվորականներ կան. Փաշինյան
Սահմանների ճշգրտումը որքան պետք է Հայաստանին, նույնքան պետք է Ադրբեջանին. Փաշինյան
Նաթելա Կրապիվինան (Ալիևա)

Ադրբեջանցի Նաթելան` Լոբոդայի նախկին պրոդյուսերը, խոստովանել է, որ հայկական արմատների ունի

114
(Թարմացված է 00:11 01.08.2021)
Նաթելայի հայրը խոշոր գործարար Վագիֆ Ալիևն է, որի անունը հաճախ կարելի է տեսնել Forbes-ի ցուցակներում։

ԵՐԵՎԱՆ, 31 հուլիսի - Sputnik. Հայտնի երգչուհի Սվետլանա Լոբոդայի նախկին պրոդյուսեր Նաթելա Կրապիվինան (Ալիևա) խոստովանել է, որ իր մեջ հայկական արմատներ կան։

«Георгий за кадром» («Գեորգին կադրից դուրս») շոուի հաղորդավար Գեորգի Կարդավան Նաթելային հարցրել է իր վրացական անվան մասին։ Պրոդյուսերը պատասխանել է, որ իր մայրը շատ գեղեցիկ վրացուհի ընկերուհի է ունեցել՝ նման անունով։

 «Մայրս գիտեր, որ աղջիկ է ունենալու, հայրս չգիտեր ու հետո շատ դժգոհ էր, դե գիտես, թե ինչպես են Կովկասում արձագանքում, երբ առաջնեկը աղջիկն է լինում։ Երևի այդ է պատճառը, որ անունիս համար ոչ ոք առարկություն չի ունեցել», - ասել է նա։ Այնուհետև Գեորգին խնդրել է Կրապիվինին պատմել իր ազգության մասին։

«Հայրս 100 տոկոսանոց ադրբեջանցի է, մայրս ՝ հայկական արմատներ ունի։ Խառնուրդ է», - պատասխանել է պրոդյուսերը։

Նաթելայի հայրը խոշոր գործարար Վագիֆ Ալիևն է, որի անունը հաճախ կարելի է տեսնել Forbes-ի ցուցակներում։

Հետաքրքիր է, որ Լոբոդայի նախկին պրոդյուսերը բացահայտ ասում է, որ եթե իր կյանքում չլիներ Սվետան, հավանաբար նա կշարունակեր ապրել հարուստ ծնողների հաշվին։

Պրոդյուսերը նշել է, որ չնայած ծնողների կարողությանը, ինքը ցանկություն չունի  Kelly պայուսակի, թանկարժեք աքսեսուարների վրա գումար ծախսելու։

Բաքվում ադրբեջանցի հետախույզին փորձում են ներկայացնել որպես հայ վարձկան

«Ինձ համար միևնույն է։ Ես մեքենաս վարում եմ հինգ-յոթ տարի։ Ասեմ ավելին` ունեմ ընդամենը մեկ մեքենա, չնայած նրան, որ ես իրականում շատ բան կարող եմ ինձ թույլ տալ: Չեմ թռչել մասնավոր ինքնաթիռներով։ Բիզնես կարգից օգտվեցի, երբ սկսեցի ինքս վաստակել», - խոստովանել է նա։

Նշենք, որ հունիսի սկզբին Նաթելա Կրապիվինան երկրպագուներին զարմացրեց Սվետլանա Լոբոդայի հետ համագործակցությունը դադարեցնելու և շոուբիզնեսից հեռանալու մասին իր որոշմամբ, չնայած ավելի քան տասը տարի աշխատել են միասին, արդեն Լոբոդայի հետ բարեկամացել են ու լավ ընկերներ են։

114
թեգերը:
ադրբեջանցի, հայ, պրոդյուսեր, Սվետլանա Լոբոդա
Ըստ թեմայի
Ադրբեջանում պատգամավորը դեբոշ է սարքել ու ծեծել ոստիկանի. խորհրդարանը նիստ է գումարում
Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ
Սու–35

Խաբարովսկի երկրամասում Սու-35Ս է կործանվել

168
(Թարմացված է 18:16 31.07.2021)
Ըստ նախնական տվյալների` կործանիչն ընկել է Օխոտի ծովը։ Օդաչուն կատապուլտվել է, նրան արդեն հայտնաբերել են։

ԵՐԵՎԱՆ, 31 հուլիսի - Sputnik. Ռուսաստանի Խաբարովսկի երկրամասում Սու-35Ս է ինքնաթիռ է կործանվել։ Տեղեկությունը հայտնում է ՌԻԱ Նովոստին։

«ՍՈՒ-35Ս-ի մոտ պլանային թռիչքի կատարման ժամանակ խափանվել է շարժիչը, օդաչուն կատապուլտվել է, նա հայտնաբերվել է, նրա առողջությանը վտանգ չի սպառնում»,–գրում է կայքը։

Ըստ նախնական տվյալների` կործանիչն ընկել է Օխոտի ծովը։

Նշենք, որ Սու-35Ս-ն հիմնովին մոդերնիզացված «4++» սերնդի կործանիչ է։ Կործանիչը կարողանում է զարգացնել 2500 կմ/ժ արագություն, կարող է առանց լիցքավորման թռչել 3600 կմ։ Այն կարող է մինչև 8 տոննա մարտական բեռ տեղափոխել։

168
թեգերը:
ՍՈւ–30 ՍՄ, ինքնաթիռ, Ռուսաստան, ավիավթար
Երասխում ադրբեջանցիները կրակել են սնունդ տեղափոխող մեքենայի վրա

Երասխում ադրբեջանցիները կրակել են սնունդ տեղափոխող մեքենայի վրա

199
(Թարմացված է 00:15 01.08.2021)
Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո։

ԵՐԵՎԱՆ, 31 հուլիսի - Sputnik. Երասխում այսօր ադրբեջանցիները կրակել են սնունդ տեղափոխող մեքենայի վրա։ Տեղեկությունը հայտնում է ՀՀ ՊՆ մամուլի ծառայություը։

Попавший под обстрел ВС Азербайджана военный грузовик
Երասխում ադրբեջանցիները կրակել են սնունդ տեղափոխող մեքենայի վրա

«Հուլիսի 31-ին, ժամը 18:10-ից մինչև 18:50-ը, ադրբեջանական ԶՈՒ ստորաբաժանումները հերթական անգամ դիմել են սադրանքի` տարբեր տրամաչափի հրաձգային զինատեսակներով կրակ բացելով հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ:

Մասնավորապես` թիրախային կրակ է արձակվել թիկունքային ապահովման (սնունդ տեղափոխող) մեքենայի վրա` լրջորեն վնասելով այն»,-ասված է հաղորդագրության մեջ:

Տեղեկացվում է, որ հայ դիրքապահների պատասխան գործողություններից հետո հակառակորդի կրակը լռեցվել է: Հայկական կողմից տուժածներ չկան:

Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո

Ինչպես արդեն հաղորդեկլ էինք, այսօր, ժամը 06։30-ին էլ, ադրբեջանական ԶՈւ ստորաբաժանումները կրակ էինն բացել հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ և փորձել ինժեներական տեխնիկայի կիրառմամբ ամրաշինական աշխատանքներ իրականացնել։

199
թեգերը:
Երասխ, Սահման, կրակոց, սնունդ, ավտոմեքենա, Հայաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Ի՞նչ քարտեզներ են փոխանցվել Երևանին և Բաքվին, կամ սահմանի լարումը սահմանազատման համար է
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Քոչարի` Արարարտի փեշին. նորակոչիկները երդումից հետո պար են բռնել Խոր Վիրապում. տեսանյութ