Ալեքսանդր Մյասնիկով

Մյասնիկովի հաղորդման պատճառով տատը շպրտել է տան վարսահարդարիչը, թեյնիկն ու վառարանը

344
(Թարմացված է 18:16 02.05.2021)
Օբնինսկի բնակիչը որոշել է դատի տալ բժիշկին։ Չգիտենք` գործն իսկապես դատարան կհասնի, թե ոչ, բայց բժիշկին ավելի ուշադիր է պետք լսել։ Այլապես կարող են տուժել ոչ միայն էլեկտրական սարքերը։

ԵՐԵՎԱՆ, 2 մայիսի – Sputnik.  Օբնինսկի բնակիչը մտադիր է դատի տալ հայտնի բժիշկ և հեռուստահաղորդավար Ալեքսանդր Մյասնիկովին։ Այս մասին հայտնում է Ռադիո Sputnik–ը` հղում անելով տեղական կայքին։

Դեպքը բավական արտասովոր է։  Բանն այն է, որ «տուժածի» տատիկը, որը հավանաբար բժիշկ Մյասնիկովի մեծ երկրպագուն է, դեն է նետել տան կենցաղային տեխնիկայի որոշ սարքեր այն բանից հետո, երբ Մյասնիկովի հաղորդման ընթացքում լսել է դրանց վնասակար ճառագայթումների մասին։

Հաղորդումներից մեկում Մյասնիկովն իսկապես խոսել է այն մասին, որ նախկինում միկրոալիքներից վնասակար ճառագայթումներ էինն գալիս։ Բժիշկը, սակայն, հավելել է, որ դրանց ժամանակակից մշակումները զերծ են այդ վտանգներից։

Տատիկը կամ վատ է լսել, կամ չի ընկալել ամբողջ ասածը, բայց առողջ ապրելակերպի նկատմամբ նրա ձգտման «զոհ» են դարձել էլեկտրական թեյնիկն ու միկրոալիքային վառարանը, ինչպես նաև տան հարսի վարսահարդարիչը։

Թոռը տեղի ունեցածը «խայտառակություն» է անվանել։

«Հազիվ էինք գլուխներս ազատել հեռախոսային խաբեբաներից ու հանկարծ հարված ստացանք կենտրոնական հեռուստաընկերությունից», – ասել է նա։

Նշենք, որ Օբնինսկում է շահագործման հանձնվել աշխարհի առաջին ատոմակայանը (արդյունաբերական շահագործման է հանձնվել 1945 թվականի հունիսի 27-ին)։ Այնպես որ, քաղաքի բնակիչները, տրամաբանության համաձայն, արդեն պետք է իմունիտետ ձեռք բերած լինեին վնասակար ճառագայթումների նկատմամբ։

Կոկորդի սեղմվածությունը կարող է շատ վտանգավոր հիվանդությունների նշան լինել. բժիշկ

344
թեգերը:
վարսահարդարիչ, թեյնիկ, վառարան, Ռուսաստան, Տատիկ, Ալեքսանդր Մյասնիկով (բժիշկ)
Ըստ թեմայի
Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու
Որ մթերքները կօգնեն արագ լրացնել A վիտամինի պակասը. պատասխանել է Մալիշևան
Մյասնիկովն ասել է՝ ում չի կարելի պարացետամոլ ընդունել
Սյունիք

Ռուսաստանը 3,2 մլն դոլար կհատկացնի Հայաստանի առանձին շրջանների վերականգնման համար

71
(Թարմացված է 19:33 14.05.2021)
ՌԴ ԱԳՆ-ին հանձնարարվել է ընդունված որոշման մասին տեղեկացնել ՀՀ կառավարությանն ու ՄԱԿ-ի զարգացման ծրագրին:

ԵՐԵՎԱՆ, 14 մայիսի - Sputnik. Ռուսաստանն իր բյուջեից ավելի քան երեք միլիոն դոլար կհատկացնի Հայաստանի առանձին շրջանների վերականգնման համար։ Կառավարության համապատասխան կարգադրությունը հրապարակվել է իրավական տեղեկատվության պորտալում։

Փաստաթղթի համաձայն` 3,2 մլն դոլար կփոխանցվի ՄԱԿ-ի Զարգացման ծրագրի բյուջեին` Հայաստանի առավել տուժած շրջաններին հետկոնֆլիկտային վերականգնման աջակցության ծրագրի իրականացման հետ կապված ծախսերը ֆինանսավորելու համար:

ՌԴ ԱԳՆ-ին հանձնարարվել է ընդունված որոշման մասին տեղեկացնել ՀՀ կառավարությանն ու ՄԱԿ-ի զարգացման ծրագրին:

Վաղարշակ Հարությունյանն ու ՌԴ պաշտպանության նախարարը քննարկել են Սյունիքի թեման

71
թեգերը:
դոլար, Ռուսաստան, Հայաստան
Ըստ թեմայի
Պուտինն օպերատիվ խորհրդակցություն կանցկացնի ՌԴ ԱԽ մշտական անդամների հետ
Երևանը Սյունիքի հարցով օգնություն չի խնդրել Մոսկվայից. Պեսկով
Լևոն Տեր–Պետրոսյանն իր առանձնատանը հանդիպել է ՌԴ դեսպանի հետ
Արխիվային լուսանկար

«Եկել ենք գործուղման». ռուս զինվորականները Սյունիքում են

604
(Թարմացված է 17:57 14.05.2021)
Նրանց խոսքով` իրենց ծառակիցներից ոմանք վախենում էին ու չէին ցանկանում Հայաստան մեկնել, մյուսներն անմիջապես համաձայնում էին պայմանագիր ստորագրել։

ԵՐԵՎԱՆ, 14 մայիսի- Sputnik. Գյումրիում տեղակայված ռուսական 102–րդ ռազմաբազայի զինծառայողները գործուղվել են Սյունիք։ Այս մասին Sputnik Արմենիայի թղթակցին հայտնել են Գորիսում հանդիպած ռուս զինվորները։

«Մենք մի քանի շաբաթով ենք եկել դիրքեր։ Ուղարկել են գործուղման»,– ասել են զինվորները։

Խոսելով Սյունիքում ստեղծված իրավիճակի մասին` ռուս զինվորականները ներկայացրել են իրենց դիտարկումները։ Նրանց համոզմամբ` հայերը խաղաղություն են ուզում ու անհանգստացած են ստեղծված վիճակից։

«Քաղաքացիները վախեցած են։ Տեսնում են, որ քաղաքով զինվորներ են շրջում, որ զինվորների թիվն ավելացել է։ Ամբողջ Հայաստանն է հիմա անհանգիստ սպասման մեջ։ Մարդիկ կրակոցի ձայն են լսում` արդեն գիտեն, թե որտեղից է այն, գիտեն, թե ինչ է կատարվում»,– ասել է զինվորներից մեկը, միաժամանակ համոզմունք հայտնելով, որ ամեն ինչ լավ է լինելու։

Նրա խոսքով` զինվորականները թույլ չեն տա, որ Գորիսում որևէ վատ բան տեղի ունենա։

«Իրականում մարդիկ վախենալու առիթ չունեն։ Մեծ թվով զինվորական ուժեր են ներգրավվել Սյունիքում»,– ասել է ռուս զինծառայողը։

Նրանք նաև պատմել են, որ մինչ Հայաստան գալը լսել էին Ղարաբաղի կոնֆլիկտի մասին։ Նրանց խոսքով` իրենց ծառակիցներից ոմանք վախենում էին ու չէին ցանկանում Հայաստան մեկնել, մյուսներն իրենք էին ձգտում մեկնել, անմիջապես համաձայնում էին պայմանագիր ստորագրել։

Հայաստանն ու Արցախը ռուս զինվորներին դուր են եկել։ Հատկապես հիացած են հայերի` զինվորականների նկատմամբ վերաբերմունքից։

«Գորիսն էլ շատ լավն է, շատ ենք հավանել, մարդիկ բարի են, կամեցող։ Պատրաստակամ են օգնել, եթե ինչ–որ բանի կարիք ենք ունենում։ Հայ ազգը մեզ շատ լավ է վերաբերվում, զինվորականների նկատմամբ շատ լավ են տրամադրված», – ասել է զինվորը։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Ադրբեջանցիները մտածված են եկել, իսկ հիմա պետք է գնան իրենց տեղերը. Սյունիքի մարզպետ

604
թեգերը:
Սահման, Ադրբեջան, Զինվոր, ռուս, Սյունիք
Ըստ թեմայի
Սյունիքում ադրբեջանական զինվորներին նկատել է հովիվը, որին հետո սպառնացել են. Արման Թաթոյան
Զինվորականի փորձով Սյունիքի մարզպետը չէր կարող ասել, որ թշնամին մոլորվել է. մարզպետարան
Սա դիվերսիոն անցում է. Փաշինյանը` Սյունիքի դեպքերի մասին
Արխիվային լուսանկար

Ինչպես վաղ փուլում հայտնաբերել արյան քաղցկեղը․ բժիշկը նշել է արդյունավետ եղանակը

4
Մասնագետի կարծիքով՝ անհրաժեշտ է արյան հիմնային անալիզներ հանձնել առնվազն տարին մեկ անգամ, որպեսզի ժամանակին հայտնաբերեն արյան քաղցկեղը։

ԵՐԵՎԱՆ, 15 մայիսի - Sputnik. Ուռուցքային հիվանդությունների կանխարգելման համար պետք է հատուկ ուշադրություն դարձնել արյան անալիզի արդյունքներում մի քանի տվյալների։

Ինչպես ռուսական «Հինգերորդ ալիքին» պատմել է արյունաբան Յուլյա Նենաշևան՝ արյան ցանկացած անալիզ առաջին հերթին պետք է պարզելու համար, թե ինչ է տեղի ունենում օրգանիզմում, քանի որ երբեմն անգամ լուրջ հիվանդությունները ախտանշաններ չեն ունենում։

Նա նշել է, որ կլինիկական անալիզը հայտնաբերում է ոչ միայն արյան ցածր հեմոգլոբինը, որը երբեմն վկայում է անեմիայի առկայության մասին։

«Բարձր հեմոգլոբինն ու բարձր էրիթրոցիտները արյունաբանին դիմելու առիթ են, քանի որ դա կարող է արյան նախաչարորակ հիվանդության նշան լինել, որն արդեն բուժում և բժշկի առանձնակի օգնություն է պահանջում»,-ասել է Նենաշևան։

Նրա խոսքով՝ վաղ փուլում արյան քաղցկեղի ցուցանիշներից մեկը երբեմն արյան մեջ թրոմբոցիտների և լեյկոցիտների բարձր մակարդակն է։

«Ճիշտ այնպես, ինչպես չափազանց ցածր լեյկոցիտները կարող են արյան ուռուցքային հիվանդության ցուցիչ ծառայել։ Ցածր լեյկոցիտների դեպքում մարդուն ոչինչ չի անհանգստացնում, դա բարորակ նեյտրոպենիա է (արյան սպիտակ բջիջների քանակի նվազում՝ խմբ․)։ Որպես կանոն, դա բուժում չի պահանջում։ Այն անվտանգ է մարդու համար»,-հայտնել է արյունաբանը։

Բժիշկն ասել է՝ որ ըմպելիքները չի կարելի խմել սոված փորին

Նենաշևան նաև խորհուրդ է տվել տարեկան գոնե մեկ անգամ արյան հիմնային անալիզներ հանձնել՝ արյան քաղցկեղը ժամանակին հայտնաբերելու և բուժումը սկսելու համար։ Իսկ հատուկ անալիզներ պետք է հանձնել միայն բժշկի խորհրդով՝ գանգատների կամ առանձնահատուկ իրավիճակի դեպքում։

4
թեգերը:
ուռուցք, բժիշկ, արյուն
Ըստ թեմայի
Ինչպես ազատվել աչքերի տակի պարկերից․ հնդիկ բժշկի խորհուրդները
Ինչպես խուսափել ճառագայթումից և որ դեպքում ինչ հետազոտություն անցնել. խորհուրդներ բժշկից
Արդյոք սրտի համար վտանգավոր է ձախ կողքի վրա քնելը. բժշկի դիտարկումը