Լեոնիդ Ագուտինն ու Անժելիկա Վարումը

Կինս վաղուց պետք է ինձ լքեր և չփչացներ նյարդերը. Լեոնիդ Ագուտինի խոստովանությունը

296
(Թարմացված է 14:11 02.05.2021)
ԶԼՄ-ներում պարբերաբար տեղեկություններ են հայտնվում, որ աստղային զույգը մտադիր է բաժանվել։ Ագուտինի դավաճանությունների մասին գրում է մամուլը, հայտարարում է երգչի կինը՝ Անժելիկա Վարումը։

ԵՐԵՎԱՆ, 2 մայիսի - Sputnik. Ռուս հայտնի երգիչ, երգահան Լեոնիդ Ագուտինը Starhit պարբերականի հետ զրույցում խոստովանել է, որ բազմիցս հայտնվել է Անժելիկա Վարումի հետ ամուսնալուծության շեմին, որի պատճառն իր մշտական դավաճանություններն են:

Ագուտինը նշել է, որ որոշ սխալներ ու զանցանքներ, զույգերն ամեն դեպքում պետք  է իրար ներեն, բայց յուրաքանչյուրն ինքն է որոշում ինչպես վարվել։

«Եթե առանց այդ մարդու չես կարող, ապա իմաստ ունի պայմանավորվել։ Իմ պարագայում կինս վաղուց պետք է ինձ լքեր և չփչացներ սեփական նյարդերն ու չտանջեր իրեն։ Բայց ես ուրախ եմ, որ նա այդպես չի վարվել », - ասել է երգիչը։

Նա պատմել է, որ երբեմն իր դավաճանությունների պատճառով սկանդալներ են լինում, որից հետո նա ու կինն իրար հետ չեն խոսում, բայց որոշ ժամանակ անց ամեն ինչ հարթվում է։

Նշենք, որ ԶԼՄ-ներում պարբերաբար տեղեկություններ են հայտնվում, որ աստղային զույգը մտադիր է բաժանվել, սակայն վերջերս «Караван историй» ամսագրին տված հարցազրույցում Ագուտինը հավաստիացրել է, որ նման մտադրություն չունեն:

Ագուտինի կինը՝ Անժելիկան, երբ որոշեց անկեղծ խոսել ամուսնու դավաճանությունների մասին, շատերը չողջունեցին նրա այդ քայլը։

«Հզոր երաժիշտ է». հայկական խրախճանքը տպավորել է Լեոնիդ Ագուտինին. տեսանյութ

Երգչուհին, մասնավորապես, հայտարարել էր, որ տղամարդու համար սիրելին այն կինը չէ, ում հետ բուռն սեռական կապ կարող է լինել, այլ այն կինը, ում ողջ կյանքում պատրաստ է բանաստեղծություններ նվիրել։ Երգչուհու հետևորդները սակայն քննադատեցին նրան` հայտարարելով, թե նա անզորությունից է նման հայտարարություններ անում և ընդամենը փորձում է ինքն իրեն մխիթարել։

296
թեգերը:
Անժելիկա Վարում, ամուսնալուծություն, Արամուս, Կին, Լեոննիդ Ագուտին
Ըստ թեմայի
«Վայ, ես մեռա՜»․ ինչպես էր Բուզովան մոռացել Գարիկ Մարտիրոսյանի կնոջ անունը
Գարիկ Մարտիրոսյանի կինն օգտատերերին բողոքել է ամուսնուց և որպես փաստ լուսանկար հրապարակել
Գարիկ Մարտիրոսյանի կինը գովազդել է հայ նկարչին. լուսանկարներ
Մոմ

Վարորդի անզգուշության հետևանքով մահացել է ավագ սարկավագ Սիմեոն Ավետիսյանը. մանրամասներ

2
Մոսկվայի Կրիլատսկի շրջանում գտնվող եկեղեցու հոգևորականը մահացել է ավտովթարի հետևանքով։

ԵՐԵՎԱՆ, մայիսի 11 - Sputnik. Մոսկվայի Կրիլատսկի շրջանում գտնվող Աստվածամոր Սուրբծննդյան տաճարի հոգևորական Սիմեոն Ավետիսյանի մահվան պատճառ է դարձել տաքսու վարորդի անզգուշությունը։ Տեղեկությունը հայտնում է «Մոսկովսկի կոմսոմոլեցը»:

Հոգևորականը պետք է կնոջ ու երկու դուստրերի հետ Սանկտ Պետերբուրգ մեկներ՝ երգի փառատոնի մասնակցելու։ Ընտանիքը տարբեր մեքենաներով է կայարան գնացել․ Ավետիսյանն ու կինը տաքսի են կանչել։ Հենց հոգևորականի տան մոտ էլ մեքենան բախվել է ապրանքներ տեղափոխող բեռնատարի, որը փոքր ՃՏՊ-ի մեջ է հայտնվել, իսկ վարորդը դուրս է եկել ստուգելու՝ վթարի մասնակիցը տուժել է, թե ոչ։ Ցավոք, նա չի հասցրել միացնել վթարային ազդանշանը, և տաքսիստը մխրճվել է բեռնատարի մեջ։

​Առջևում նստած Ավետիսյանին ծայրահեղ ծանր վիճակում տեղափոխել են հիվանդանոց։ Մեկ ժամ անց 67-ամյա հոգևորականը մահացել է։ Նրա կնոջը՝ Եկատերինային, ու տաքսու վարորդին ուղեղի ցնցումով և գանգուղեղային վնասվածքներով տեղափոխել են հիվանդանոց։

«Դուստրերը երևի չեն էլ տեսել վթարի պահն ու շարունակել են իրենց ճանապարհը դեպի կայարան», - գրում է պարբերականը:

Ի՞նչ վիճակում են Փաշինյանին ուղեկցող մեքենայի մասնակցությամբ վթարից տուժածները

Ավետիսյանն ունի վեց դուստր և երեք որդի։ Նրանք բոլորը երգում են «Բարի լուր» ընտանեկան համույթում։ 2012 թվականին հոգևորականին պարգևատրել են «Ծնողական փառքի» շքանշանով: Ավետիսյանը նաև դասավանդել է Գնեսինների անվան մանկական երաժշտական դպրոցում։ Գլխավորել է «Մոսկովսկիե կոլոկոլչիկի» մանկական երգչախումբն ու «Մոսկովսկիե կոլոկոլա» երիտասարդական երգչախումբը:

Նա ուժեղ հարվածում էր դռանը. ի՞նչ է հայտնի Կազանի դպրոցում տեղի ունեցած ողբերգության մասին

2
թեգերը:
վարորդ, վթար, հոգևորական, Մահ, Մոսկվա
Ըստ թեմայի
Դժբախտ պատահար Արմավիրում. տղամարդը մեքենան վարելիս հանկարծամահ է եղել
Էջմիածնում սպանված երիտասարդը մենակ չի եղել. ՔԿ–ն նոր մանրամասներ է հայտնում
Ադրբեջանցի բլոգեր Բայրամ Մամադովի դիակը հայտնաբերվել է Ստամբուլում
Կազանի № 175 դպրոցի տարածքում

Նա ուժեղ հարվածում էր դռանը. ի՞նչ է հայտնի Կազանի դպրոցում տեղի ունեցած ողբերգության մասին

151
(Թարմացված է 19:23 11.05.2021)
Դպրոցականները պատմել են, թե ինչպես են թաքնվել նստարանների տակ, հետո նրանց դուրս են բերել դպրոցից ու հեռու տարել։ Զգուշացրել են, որ մարդասպանը կարող է կրակել պատուհաններից։

Ինը զոհ, ավելի քան երկու տասնյակ վիրավորներ. սրանք քննչական կոմիտեի տվյալներ են։ Կազանի թիվ 175 վարժարանի նախկին աշակերտ Իլնազ Գալյավիևն այսօր առավոտյան զենքով մտել է դպրոց ու իսկական սպանդ կազմակերպել այնտեղ: Գալյավիևին ձերբակալել են, նրա հետ արդեն աշխատում են քննիչները։

Առաջին դասաժամ

Կրակոցները հնչել են առավոտյան ժամը 10-ին։

«Ժամը 08: 55–ին մաթեմատիկայի դասը սկսվեց երրորդ հարկի դասասենյակում,– ՌԻԱ Նովոստիին պատմել է վեցերորդ դասարանի աշակերտ Ռոման (անչափահասի անունը փոխվել է): - Մի 15 րոպե անց դրսից դղրդյուն լսվեց։ Մտածեցինք` աղբատարն է, սկսեցինք պատուհանից դուրս նայել, բայց ուսուցիչը հրահանգեց վերադառնալ նստարանների մոտ»։

Դպրոցի տնօրենը բարձրախոսով խնդրել է բոլոր ուսուցիչներին փակել դասարանների դռները և ոչ մեկի առաջ չբացել։

«Մենք թաքնվեցինք նստարաների տակ, իսկ 10 րոպե անց ուժգին պայթյուն լսվեց, նույնիսկ պատերը ցնցվեցին, — հիշում է Ռոման։ - Հետո մեզ ասացին, որ ռումբ են գցել առաջին հարկում գտնվող դասարանի մոտ։ Դրանից անմիջապես հետո ինչ-որ մեկը սկսեց ուժեղ խփել դռանը, բայց մենք չբացեցինք, իսկ մի քանի վայրկյան անց միջանցքում սկսեցին կրակել։ Ավելի շատ վախեցանք, երբ նորից սկսեցին դուռը թակել»։

Դա արդեն հատուկ նշանակության ջոկատի աշխատակիցն էր, նա դռան տակից ցույց է տվել ծառայողական վկայականը։ Բոլորին հանել են միջանցք և հետո դուրս բերել վթարային ելքով։

«Դասարանում վառոդի ուժեղ հոտ էր տարածվել, - պատմել է մեկ այլ աշակերտ, որը նույնպես եղել է երրորդ հարկում։ - Դա մի քանի րոպե տևեց, հետո ոստիկանները հայտնվեցին։ Մեզ փողոց հանեցին ու հեռու տարան դպրոցի տարածքից։ Ասացին` մարդասպանին դեռ չեն ձերբակալել. նա կարող է կրակել պատուհաններից»։

Դպրոցականի խոսքով` իրենց զգուշացրել են, որ հարձակվողները երկուսն են, բայց ուժային գերատեսչություններն ավելի ուշ հերքեցին այդ տեղեկությունը։

«Ատում եմ բոլորին»

Նախնական տվյալներով ՝ արյունալի սպանդի հեղինակը 19-ամյա Իլնազ Գալյավիևն է։ Ձերբակալությունից հետո նրան տեղափոխել են ոստիկանության բաժին և կապել խցիկի ճաղավանդակին։ Համացանցում հրապարակված կադրերում երևում է, որ նա չի զղջում իր արածի համար:

Գալյավիևը 9 տարի է սովորել այդ դպրոցում։ 2017-ին ընդունվել է տեղի քոլեջ։ «Շատ հանգիստ տղա էր, քիչ շփվող, — պատմել է զուգահեռ դասարանի աշակերտուհիներից մեկը։ - Լավ էր սովորում, տնային առաջադրանքների հարցում հաճախ էր օգնում ինձ: Երբեք չէր մերժում»։

Երիտասարդի փակ բնավորության վկայությունն է նաև այն հանգամանքը, որ դպրոցում շատերն իսպառ մոռացել էին նրա անունը։ Հիշել են միայն այն բանից հետո, երբ տեսել են Գալյավիևի լուսանկարը։

Ильназ Галявиев
© Photo : предостгавлено одноклассниками
Իլնազ Գալյավիև

«Այո, իրոք, նա քիչ էր շփվում, - հաստատել է 175-րդ դպրոցի շրջանավարտ Ռուսլանը։ – Բայց թվում էր, թե ոչ մեկին վնաս չի տա։ Նրան ոչ ոք չի ճնշել։ Մեզ մոտ ընդհանրապես բոլորը շատ համերաշխ էին։ Ուսուցիչները Իլնազին լավ էին վերաբերվում, թաթարերենի ուսուցչի ամենասիրելի աշակերտն էր»։

Կազանի դպրոցում տեղի ունեցած հրաձգությունից հետո Պուտինը հրատապ հանձնարարություն է տվել

Դպրոցի վրա հարձակումից առաջ Գալյավիևը Telegram-ալիք է ստեղծել, հրապարակել իր լուսանկարը և հայտնել, որ պատրաստվում է ազատվել բոլորից։

Առաջին հարցաքննության ժամանակ բարձրաձայն բղավել է ու հայհոյել։ Ասել է, որ երկու ամիս առաջ իրեն աստված է զգացել։

«Իսկ ամռանը իմ մեջ սկսեց արթնանալ հրեշը։ Ես սկսեցի ատել բոլորին։ Ես միշտ էլ ատում էի բոլորին, սկսեցի է՛լ ավելի ատել», — ասել է նա։

Ի՞նչ է սա` հոգեկան խանգարման նմանակում, թե՞ իրական խանգարում, կպարզեն փորձագետները։

Ի՞նչ է կատարվում Կազանի դպրոցում, որտեղ երեխաներ են սպանվել. շենքի ներսում արված կադրեր

151
թեգերը:
Աշակերտ, Սպանություն, դպրոց, Կազան