Մարիա Զախարովա

ՌԴ հանդեպ Արևմուտքի ագրեսիվ քաղաքականությունը մտել է փակուղի. Զախարովայի մեծ հարցազրույցը

183
(Թարմացված է 20:46 01.05.2021)
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան մեծ հարցազրույց է տվել Sputnik գործակալությանը։

Թե ինչու այլևս չի կարելի ամերիկյան վիզա ստանալ Ռուսաստանում, արդյո՞ք ՌԴ-ն իսկապես խտրականության է ենթարկում «Մեդուզային» և թե ինչպես են Մոսկվայում գնահատում իրավիճակը տաջիկա-ղրղզական սահմանին՝ ռուսերեն լեզվով կարող եք դիտել Sputnik-ի եթերում։ Զրուցել է Պյոտր Լիդովը։

Պատասխան միջոցառումներ

-Ռուսաստանը պատժամիջոցներ է սահմանել Եվրախորհրդարանի և Բեռլինի դատախազության ղեկավարների նկատմամբ։ Մուտքը ՌԴ սահմանափակվել է նաև 6 եվրոպացի պաշտոնյաների համար։ Ինչո՞ւ են հենց այդ մարդիկ հայտնվել ստոպ-լիստում։

-Դա պարզապես մարդկանց ցանկ չէ, դա ՌԴ ԱԳՆ-ի հայտարարությունն է, որտեղ պարզաբանում կա։ Դրանք պատասխան միջոցառումներ են այն բնավ ոչ բարեկամական, իսկ երբեմն` թշնամական գործողություններին, որոնք մենք տեսնում ենք այսպես ասած Արևմուտքի կոլեկտիվի կողմից։

Տարիներ շարունակ մենք մեր գործընկերներին առաջարկել ենք առաջացող հարցերը, խնդիրները լուծել գոյություն ունեցող դիվանագիտական միջոցներով՝ բանակցություններ, խորհրդակցություններ, տարբեր խողովակներ կան դրա համար։

Ընդ որում, մեզ մոտ աշխատում է Ռուսաստանի մշտական ներկայացուցչությունը ԵՄ-ում, աշխատում է Եվրամիության համապատասխան ներկայացուցչությունը ՌԴ-ում։ Այդ շփումներն իրականացվում են, բայց տարեցտարի ուժեղանում է բոլոր խնդիրներին՝ թե իրական, թե մտացածին, միտումնավոր կերպով հրապարակային բնույթ տալու միտումը։

Այդ ամենը կառուցողական երկխոսության հուն տեղափոխելու մեր բոլոր փորձերը՝ հենց ծագող խնդիրները լուծելու համար, արգելափակվել են ԵՄ-ի կողմից։

Եվրամիությունն ընդլայնել է Իրանի դեմ պատժամիջոցները

Սա պատասխան միջոցառում է Բրյուսելի խուլ, բայց ոչ համր մնալու պայմաններում։

Չափն անցած ռուսատյացություն

Ինչո՞ւ հենց նրանք։ Դրանք բոլորն այն մարդիկ են, որոնք ծայրահեղ բացասական դիրքորոշմամբ են հանդես եկել մեր երկրի նկատմամբ։ Չեմ կարծում, որ պետք է կրկնել հայտարարությունները, որոնք նրանք արել են։ Համացանցում այդ ամենն արդեն արձանագրված է։

Դրանք միայն քաղաքական ֆիգուրների գործողությունները չեն, որոնք շատ առումներով արդեն մարգինալ են դարձել, երբ առհասարակ խոսքը չափից դուրս ռուսատյացության մասին է։ Չէ՞ որ սրան միանում են նաև ԵՄ տարածքի ԶԼՄ–ները։

Շատ քաղաքական գործիչներ ոչ թե պարզապես իրենց տեսանկյունն են բարձրաձայնում, այլ ներգրավված են տեղեկատվական արշավների ուղեծրում, և մենք ուժեղ տեղեկատվա-քաղաքական բաղկացուցիչ ենք տեսնում։ Նրանց ոչ թե ձայնակցում, այլ այդ տեղեկատվա-քաղաքական արշավին մասնակցում են ԶԼՄ-ների մի ամբողջ շարք։

Մի բան է, երբ խոսքը կարծիք հայտնելու մասին է․ ժողովրդավարության պայմաններում դա սուրբ բան է։ Բայց չէ՞ որ մենք միանգամայն այլ իրավիճակ ենք արձանագրում՝ այն կապված է նախապես մշակված, ծրագրված տեղեկատվա-քաղաքական արշավի հետ, որի նպատակը Ռուսաստանի Դաշնությանը զսպելն է։

Սովորաբար դիվանագիտության պատմության մեջ երբ խոսքը ստոպ-լիստերի մասին է, որպես կանոն` այդ ցանկն անուն առ անուն չի հրապարակվում։ Միշտ խոսվել է միայն մարդկանց ցանկի մասին։ Բայց մեր արևմտյան գործընկերները սովորություն դարձրին անունների հրապարակումն ու բացահայտումը։ Մենք բավականին երկար ժամանակ փորձում էինք նրանց կոչ անել, որ պետք է պահպանել դիվանագիտական էթիկան։ Բայց հասել է այդ փորձերի տրամաբանական վերջաբանը։

Արևմուտքը նոր պատժամիջոցներով երկաթե վարագույր է իջեցնում

Արևմուտքը մի դավադիր միտք է բերում. Ռուսաստանին մեղադրում է սրացման ավելացման համար, պնդում, որ հենց Ռուսաստանի գործողություններից է սկսվել երկկողմ հարաբերությունների վատթարացումը, հետընթացը։ Բայց չէ՞ որ դա ճիշտ չէ։ Մենք չենք արել ոչինչ, ինչը կարող էր այդպիսի գործողությունների հանգեցնել արևմտյան գործընկերների կողմից։ Ինչպես հիմա ենք հասկանում` դա նպատակաուղղված, և, ինչպես երևում է, վաղուց ծրագրված քաղաքականություն է ՌԴ-ի նկատմամբ։

Ամերիկացիները փակուղում են հայտնվել

Հիշեք Օբամայի հայտարարությունները, որը պնդեց Ռուսաստանը մեկուսացնելու անհրաժեշտության մասին, մեր երկիրը զսպելու անհրաժեշտության մասին և անգամ ինչ-որ գաղափարական հիմք հարմարեցրեց դրան։ Այդ պահին նրանք անգամ անհրաժեշտ չէին համարում թաքցնել, որ հակամարտությունը հենց իրենց կողմից է սկսվում։

Այսօր, կարծում եմ, չստանալով իրենց ուզած արդյունքը, նրանք սկսել են խեղաթյուրել այս պատմությունը, քանի որ փակուղում են հայտնվել։ Եթե նրանք ագրեսիվ քաղաքականություն են սկսել մեր երկրի հանդեպ, որը չի տվել հայտարարված արդյունքները, նրանք, մեծ հաշվով, պետք է ստորագրեն սեփական թուլության և ձախողման դատապարտված ծրագրերի տակ։

Նրանք չեն սիրում և չեն կարողանում խոստովանել իրենց սխալները ո՛չ այս դեպքում, ո՛չ էլ մյուս դեպքերում, որոնց թվում են Իրաքը և Մերձավոր Արևելքում անվերջանալի ներխուժումները։

Երբ Ռուսաստանի վրա նրանց արշավը մեկուսացման հայեցակարգի իրականացման տեսանկյունից լիովին ձախողվեց, նրանք իսկույն ևեթ փոխեցին գաղափարական հայեցակարգն ու ասացին. «Մենք՝ կոլեկտիվ Արևմուտքը, միայն պատասխանում ենք Ռուսաստանի գործողություններին»։

-ԱՄՆ դեսպանատունը կդադարի ոչ ներգաղթային վիզաներ տրամադրել ռուսաստանցիներին։ Դիվանագիտական գերատեսչությունն իսկապես չի՞ հասցնում, քանի որ աշխատակիցներ չունի՞։

-Մի քանի տարի շարունակ ԱՄՆ-ն ոչ թե սարսափելի վատ է աշխատել հյուպատոսության ոլորտում, նրանք ուղղակի քայքայել են իրենց ամբողջ հյուպատոսական աշխատանքը։ Դա արել են ինքնուրույն, բայց ներկայացրել են, իբր, Ռուսաստանի ազդեցության պատճառով է այդ ամենը կատարվում։

Որոշումը, թե որ ուղղություններով է դիվանագետն աշխատում, զբաղվում է մշակույթո՞վ, տնտեսությա՞մբ, թե՞ հյուպատոսական հարցերով, ընդունում է հենց երկիրը։ Հետևաբար, Մոսկվան Վաշինգտոնին չի ստիպել պակասեցնել հյուպատոսարանի աշխատակիցների թիվը, դա Վաշինգտոնի որոշումն է՝ նվազեցնել դիվանագետների թիվը հենց հյուպատոսական ուղղությամբ։ 

ԱՄՆ-ը չի վերացնի պատժամիջոցները, Իրանը պետք է դադարեցնի ուրանի հարստացումը. Բայդեն

ԱՄՆ-ի՝ վիզա տրամադրելու համակարգը բացարձակ արխայիկ է։ Այդպես վիզա չեն տալիս գրեթե ոչ մի տեղ, որ դեմառդեմ հարցազրույցներ լինեն, երկարացված ժամկետներ։ Մենք ամերիկացիներին վիզա տալիս ենք 7-10-օրյա ժամկետում, առանց առերես հարցազրույցների։ ԱՄՆ-ից ռուս դիվանագետների արտաքսումից հետո մենք չենք ավելացրել վիզա տրամադրելու ժամկետները և շարունակել ենք աշխատել պատշաճ մակարդակով։

-Ռուսաստանում «Մեդուզայի» ճանաչումը որպես օտարերկրյա գործակալ պատասխան է Լատվիայում ռուս լրագրողների հանդեպ հալածանքների՞ն։

Այդ թեմայով բազմաթիվ շահարկումներ կային։ Դրա պատասխանն էին օրենսդրություն մշակելու ուղղությամբ մեր գործողությունները, իսկ երբ այն մշակվեց և հաստատվեց, արդեն պետք էր պարզապես կիրառել այն չափանիշները, որոնց համապատասխանում են ԶԼՄ-ները։ Պարզապես օրենքը սկսել է գործել։

-Այո՛, «Մեդուզան» օտարերկրյա գործակալ են ճանաչել։ Դա ՌԴ արդարադատության նախարարության որոշումն էր՝ Ռուսաստանի օրենսդրությանը համապատասխան։ Բայց մեզ համար, որպես արտաքին քաղաքական գերատեսչության, այն ավելի փոքր կամ ավելի մեծ ԶԼՄ չի դարձել, այն մնում է արտասահմանյան զանգվածային լրատվամիջոց։ Նրանք հարցեր են ուղարկում, մենք պատասխանում ենք։ Նրանք զանգում են, մենք վերցնում ենք հեռախոսը։ Այդ առումով մենք բացարձակապես ոչ մի կերպ խտրականության չենք ենթարկում նրանց։ Վաղո՞ւց են RT-ի և Sputnik-ի եթերներում հայտնվել ԱՄՆ-ի պաշտոնական անձիք։ Ոչ։ Եվ նրանք չեն էլ թաքցնում, որ չեն անելու դա։

Ընդ որում, ոչ միայն գործում է RT-ի հետ շփվելու, եթեր դուրս գալու՝ պաշտոնյաների վրա դրված արգելքը, չէ՞ որ դա նաև հետապնդումներով է ուղեկցվում։

-Ղրղզստանն ու Տաջիկստանը ռազմական բախում ունեցան։ Արդյո՞ք մենք նոր Ղարաբաղ չենք ստանա, և կարո՞ղ է արդյոք Ռուսաստանն ավելի ակտիվ դեր խաղալ այս վեճում։

Մենք անհանգստությամբ էինք հետևում Ղրղզստանում և Տաջիկստանում զարգացող իրադարձություններին։ Խոսքը սահմանի վիճելի հատվածում իրավիճակի սրման մասին է։ Ցավոք, զինված բախումների արդյունքում կան և՛ զոհեր, և՛ վիրավորներ։ Մենք ցավակցում ենք զոհվածների հարազատներին, շուտափույթ ապաքինում ենք մաղթում նրանց, ովքեր տուժել են։

Իհարկե, մենք ողջունել ենք ապրիլի 29–ի լույս 30-ի գիշերը կողմերի միջև կրակի դադարեցման, լարված իրավիճակը բանակցությունների փուլ տեղափոխելու վերաբերյալ ձեռք բերված պայմանավորվածությունները։ Դա շատ կարևոր քայլ է դեպի առաջ, քանի որ խոսքը ուժերը, մարտական տեխնիկան հետ քաշելու մասին էր։

Մենք աջակցել ենք համատեղ աշխատանքային խումբ ստեղծելու մասին Բիշքեկի և Դուշանբեի որոշմանը։ Դրա խնդիրն է լինելու թե՛ բնակչության հետ տեղեկատվական աշխատանքը, թե՛ այդ գոտում իրավիճակի դիտարկումը։

Ռուսաստանը, հետևելով Ղրղզստանի և Տաջիկստանի հետ ռազմավարական գործընկերության, դաշնակցային հարաբերությունների սկզբունքին, պատրաստ է ամեն կերպ աջակցել ցանկացած վիճելի հարցի լուծմանը քաղաքական-դիվանագիտական մեթոդներով:

Սա արդեն «Ջավելիններից» լուրջ է. ԱՄՆ-ն Ուկրաինային նոր զենք կփոխանցի

Ես կուզեի հատուկ ուշադրություն հրավիրել․ հարցազրույցից առաջ ես տեսա Տաջիկստանի և Ղրղզստանի կոչերը Ռուսաստանում իրենց սփյուռքներին՝ չտրվել սադրանքի որևէ փորձի։ Դա շատ կարևոր հայտարարություն է։ Դա խոսում է բարձրագույն մակարդակում մոտեցումների հասունության մասին, երբ, հասկանալով իրավիճակի դրամատիկ լինելը, քաղաքական գործիչները, գործող իշխանությունները մարդկանց կոչ են անում չներգրավվել, չտրվել զգացմունքներին և սադրանքներին։

183
թեգերը:
քաղաքականություն, Արևմուտք, Ռուսաստան, Մարիա Զախարովա
Ըստ թեմայի
«ԱՄՆ–ն պետք է բացատրի». Զախարովան մեկնաբանել է Ռուսաստանի մասին Բայդենի հայտարարությունը
Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին
Զախարովան խոսել է Բաքվում բացված «պուրակի» ու Ալիևի ռազմատենչ հայտարարությունների մասին
Լոլիկ

Ռուսաստանն արգելել է ավելի քան 52 տոննա ադրբեջանական լոլիկի ներկրումը

44
(Թարմացված է 20:52 06.05.2021)
Բեռների արգելման համար հիմք է հանդիսացել լաբորատոր եզրակացությունը, որի համաձայն` Ռուսաստան ներկրվող արտադրանքի մեջ վնասակար վիրուսներ են եղել:

 

ԵՐԵՎԱՆ, մայիսի 6 - Sputnik. Ադրբեջանից ավելի քան 52 տոննա թարմ լոլիկ ապրիլին Ռուսաստանի մուտք չի գործել կարանտինային վնասակար օբյեկտների՝ լոլիկի ցեցի (Tuta absoluta Povolny) ու արևմտյան (կալիֆոռնիական) ծաղկային տրիպի (Frankliniella occidentalis Perg) առկայության պատճառով: Տեղեկությունը հաղորդում է Ռոսսելխոզնադզորի կովկասյան միջտարածաշրջանային վարչության մամուլի ծառայությունը:

Նշվում է, որ վարչությունը ստուգել է Ադրբեջանից և Իրանից ներկրվող 39,656 հազար տոննա թարմ պտուղ-բանջարեղեն։

«Կարանտինային բուսասանիտարական վերահսկողության ընթացքում ՌԴ տարածք չի թույլատրվել ներմուծել թարմ լոլիկի 3 խմբաքանակ (52,2 տոննա) Ադրբեջանից, ինչպես նաև ծաղկակաղամբի 2 խմբաքանակ (32,5 տոննա), թարմ պղպեղի 1 խմբաքանակ (16,6 տոննա) ու թարմ լոլիկի 2 խմբաքանակ (36 տոննա) Իրանից: Ռուսական շուկա չհասած արտադրանքի ընդհանուր ծավալը կազմել է ավելի քան 137 տոննա», - նշված է հաղորդագրության մեջ։

Բեռների արգելման համար հիմք է հանդիսացել Բույսերի կարանտինի համառուսական կենտրոնի Դաղստանի մասնաճյուղի լաբորատոր եզրակացությունը, որը հաստատել է ապրանքի մեջ վնասակար օբյեկտների առկայության փաստը:

ՌԴ «Բույսերի կարանտինի մասին» օրենքի խախտման համար բեռների սեփականատերերը վարչական պատասխանատվության են ենթարկվել: Վարակված բեռները վերադարձվել են արտահանող երկրներ։

44
թեգերը:
լոլիկ, Ռուսաստան, Ադրբեջան
Սերգեյ Լավրով

ՌԴ-ն հավատարիմ է իր դաշնակից Հայաստանի անվտանգության ապահովման հանձնառությանը. Լավրով

220
(Թարմացված է 17:21 06.05.2021)
ՌԴ ԱԳ նախարարի խոսքով՝ Ռուսաստանի և Հայաստանի համագործակցությունը հետևողականորեն իրականացվում է բոլոր ուղղություններով՝ ներառյալ տնտեսությունը, քաղաքական կապերը, ռազմական և ռազմատեխնիկական համագործակցությունը:

ԵՐԵՎԱՆ, 6 մայիսի – Sputnik. Ռուսաստանը հավատարիմ է Հայաստանի՝ որպես իր դաշնակցի անվտանգության ապահովմանը։ Այս մասին հայտարարել է երկօրյա աշխատանքային այցով Հայաստանում գտնվող ՌԴ ԱԳ նախարար Սերգեյ Լավրովը ՀՀ վարչապետի պաշտոնակատար Նիկոլ Փաշինյանի հետ հանդիպմանը։

«Վլադիմիր Պուտինը Ձեզ ամենաջերմ մաղթանքներն է փոխանցում և հաջողություն մաղթում երկրի զարգացման գործում ու այն պայմանավորվածությունների կյանքի կոչման  համար, որոնք ձեռք են բերվել Լեռնային Ղարաբաղի հակամարտության կարգավորման շուրջ»,-ասել է Լավրովը ՀՀ վարչապետի պաշտոնակատար Նիկոլ Փաշինյանի հետ հանդիպմանը:

ՌԴ ԱԳ նախարարի խոսքով՝ Ռուսաստանի և Հայաստանի համագործակցությունը հետևողականորեն իրականացվում է բոլոր ուղղություններով՝ ներառյալ տնտեսությունը, քաղաքական կապերը, ռազմական և ռազմատեխնիկական համագործակցությունը:

«Մենք հավատարիմ ենք մեր դաշնակցի` Հայաստանի Հանրապետության անվտանգության ապահովման հանձնառությանը։ Այդ մասին խոսվել է նաև նախագահ Պուտինի հետ Ձեր հանդիպումներում և պարբերաբար, իրականացվող մեր պաշտպանական գերատեսչությունների շփումներում։ Այստեղ ոչ մի կասկած չի կարող լինել», - հավելել է Լավրովը։

Հիշեցնենք, որ այսօր ՌԴ ԱԳ նախարարին ընդունել էր նաև իր հայ գործընկերը` ՀՀ ԱԳ նախարարի պաշտոնակատար Արա Այվազյանը։ Հանդիպումից հետո նախարարները հանդես են եկել համատեղ մամուլի ասուլիսով և ներկայացրել հարցերի այն շրջանակը, որ քննարկել են հանդիպման ընթացքում։

Լավրովը Երևանում անդրադարձել է «Զանգեզուրի միջանցքին»

Այնուհետև նախարարները պատասխանել են լրագրողների հարցերին։

Այսօր առավոտյան Սերգեյ Լավրովն այցելել է Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին։

ՌԴ արտգործնախարարը Հայաստան է ժամանել երեկ՝ մայիսի 5-ին։ Սերգեյ Լավրովը Հայաստանից մեկնելու է Ադրբեջան։

 

220
թեգերը:
Վլադիմիր Պուտին, Նիկոլ Փաշինյան, Սերգեյ Լավրով, Ռուսաստան, Հայաստան
Ըստ թեմայի
ՀՅԴ–ն ու «Վերածնվող Հայաստանը» դաշինք են կազմում, որը կգլխավորի Ռոբերտ Քոչարյանը
Տեր–Պետրոսյանը փորձել է իր առաջարկով իսկապես փաստի առաջ կանգնեցնել Փաշինյանին. Սուրենյանց
Հայաստանը վերահաստատում է պայմանավորվածությունները կատարելու պատրաստակամությունը. Փաշինյան
Արարատ Միրզոյան

Արարատ Միրզոյանը շնորհակալական նամակ է հղել Լատվիայի Սաեյմայի նախագահին

0
Ազգային ժողովի նախագահը շեշտել է, որ Լատվիայի կողմից Հայոց ցեղասպանության ճանաչումը զորակցություն է հայ ժողովրդին։

ԵՐԵՎԱՆ, 7 մայիսի – Sputnik. ՀՀ Ազգային ժողովի նախագահ Արարատ Միրզոյանը շնորհակալական նամակ է հղել Լատվիայի Հանրապետության Սաեյմայի նախագահ Ինարա Մուրնիեցեին Լատվիայի խորհրդարանի կողմից Հայոց ցեղասպանությունը ճանաչող և դատապարտող հայտարարության ընդունման կապակցությամբ։ Տեղեկությունը հայտնում է ԱԺ մամուլի ծառայությունը։

Միրզոյանի խոսքով`դա վկայում է արդարության, մարդասիրության, համերաշխության և մարդու իրավունքների համընդհանուր արժեքների նկատմամբ մեծագույն հանձնառության մասին:

«Լատվիայի կողմից Հայոց ցեղասպանության ճանաչումը զորակցություն է հայ ժողովրդին՝ հատկապես հաշվի առնելով այն անվտանգային սպառնալիքները, որոնց առերեսվեցինք Արցախի դեմ սանձազերծված ադրբեջանաթուրքական 44-օրյա պատերազմի ընթացքում»,–գրել է Միրզոյանը:

Խորհրդարանի խոսնակը հավելել է՝ Արցախի ժողովրդի դեմ իրականացված զանգվածային վայրագությունները, պատերազմական հանցագործություններն ու միջազգային մարդասիրական իրավունքի կոպտագույն խախտումները ևս մեկ անգամ ապացուցեցին, որ անպատժելիությունը պարարտ հող է ստեղծում անցյալի հանցանքների կրկնության համար:

Հիշեցնենք` մայիսի 6-ին Լատվիան պաշտոնապես ճանաչեց և դատապարտեց Հայոց ցեղասպանությունը։ Որոշմանը կողմ էին արտահայտվել Լատվիայի խորհրդարանի 100 անդամներից 58-ը։

 

 

0
թեգերը:
Լատվիա, Արարատ Միրզոյան, Հայաստան
Ըստ թեմայի
Էրդողանը կօգտագործի Հայոց ցեղասպանության ճանաչման փաստը` ԱՄՆ-ից ինչ–որ բան կորզելու համար
Լիտվայի ԱԳ նախարարը Բաքվում խոսել է Հայոց ցեղասպանության մասին. տեսանյութ
«Հայաստանը ժողովրդավար երկիր է». Փաշինյանը` Բայդենի կողմից Ցեղասպանության ճանաչման մասին