ԵՐԵՎԱՆ, 29 ապրիլի – Sputnik. Ռուսաստանի Դաշնության արտգործնախարար Սերգեյ Լավրովը մայիսի 5-6-ը կայցելի Երևան, մայիսի 10-11-ը` Բաքու։ Տեղեկությունը հայտնել ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ։
«Բանակցություններ են նախատեսված Հայաստանի և Ադրբեջանի ղեկավարության հետ։ Շփումների ընթացքում նախատեսվում է հանգամանորեն քննարկել երկկողմ և տարածաշրջանային համագործակցության հարցերի լայն շրջանակ, ինչպես նաև փոխգործակցությունը միջազգային ասպարեզում»,– նշել է Զախարովան:
Նրա խոսքով` առաջնային ուշադրություն կդարձվի Լեռնային Ղարաբաղի վերաբերյալ հայտարարություններին։
Հիշեցնենք` Լավրովը Հայաստան էր եկել նաև անցած տարվա նոյեմբերի 21-ին։ Երևանից նա կրկին մեկնել էր Բաքու։
