Կարեն Ավագյանը

Կարեն Ավագյանը դարձավ Եվրոպայի չեմպիոն, Անդրանիկ Կարապետյանը` բրոնզե մեդալակիր

218
(Թարմացված է 20:38 08.04.2021)
Հայ ծանրորդները Մոսկվայում արդեն նվաճել են երկու ոսկե, մեկ արծաթե և երեք բրոնզե մեդալներ։ Ծանրորդներին մեդալները հանձնեց ԿԳՄՍ փոխնախարար Կարեն Գիլոյանը։

ԵՐԵՎԱՆ, 8 ապրիլի – Sputnik․ Մոսկվայում ընթացող ծանրամարտի Եվրոպայի առաջնությունում Հայաստանի տղամարդկանց հավաքականի ծանրորդներն իրենց մրցումները մեկնարկեցին ապրիլի 7-ին։ Մեդալներն իրենց երկար սպասել չտվեցին։

 Ծանրամարտի Եվրոպայի առաջնությունում 89 կգ քաշային կարգում երկամարտի 375 կգ արդյունքով հին աշխարհամասի չեմպիոն հռչակվեց Կարեն Ավագյանը։ Անդրանիկ Կարապետյանն էլ երկամարտի 365 կգ արդյունքով նվաճեց Եվրոպայի առաջնության բրոնզե մեդալը։

Մրցումների մեկնարկից առաջ էլ իրենց հայտերում նշված կիլոգրամներով պարզ էր, որ մեդալների համար հիմնական պայքարը ընթանալու է Հայաստանի երկու և Վրաստանի ներկայացուցիչների միջև։ Ու ամեն ինչ ընթացավ հենց այդ սցենարով։ Պոկում վարժությունում չեմպիոնի կոչման համար պայքարը ծավալվել էր հայ երկու ծանրորդների՝ Անդրանիկ Կարապետյանի ու Կարեն Ավագյանի և վրացի Ռևազ Դավիթաձեի միջև։ Կարապետյանը ելույթներն ավարտեց 170 կգ արդյունքով, ինչը Եվրոպայի 2016 թվականի չեմպիոնին ապահովեց փոքր բրոնզե մեդալով։ Կարեն Ավագյանը 175 կգ արդյունքով անգերազանցելի մնաց ու այս վարժությունում նվաճեց Եվրոպայի չեմպիոնի կոչումը։ Իսկ հայ երկու մարզիկների միջև աղյուսակում տեղ գտավ Դավիթաձեն, որը ցույց տվեց 171 կգ արդյունք։

Հրում վարժությունում Անդրանիկ Կարապետյանն առաջին մոտեցումով, գլխավերևում պահելով 195 կգ քաշը, ապահովեց մեդալը երկամարտում։ Մնում էր հասկանալ, թե ինչ վերջնական արդյունքի կհասնեն երկու հայ և վրացի ծանրորդները։ Ավագյանը, բարձրացնելով 200 կիլոգրամանոց ծանրաձողը, լուրջ հայտ ներկայացրեց Եվրոպայի չեմպիոնի կոչման արժանանալու համար։ Բայց Անդրանիկի և Կարենի հաջորդ երկու մոտեցումներն անարդյունավետ էին։

Тяжелоатлет Андраник Карапетян выступает на чемпионате Европы по тяжелой атлетике в весовой категории до 89 кг среди мужчин (8 апреля 2021). Москвa
© Sputnik / Григорий Сысоев
Անդրանիկ Կարապետյանը

Երկամարտում Կարեն Ավագյանին շրջանցելու հնարավորություն ուներ Ռևազ Դավիթաձեն։ Բայց վրացուն դա անել չհաջողվեց։ Կարեն Ավագյանը հրում վարժությունում վաստակեց արծաթե, իսկ երկամարտում` 375 կգ արդյունքով, ոսկե մեդալ։ Անդրանիկ  Կարապետյանը երրորդն է երկամարտում 365 կգ արդյունքով։

Մահացել է հայտնի ծանրորդ Յուրի Վլասովը

Ապրիլի 7-ին Հայաստանի հավաքականի կազմում առաջինը մրցահարթակ դուրս եկած Ռաֆիկ Հարությունյանը 81 կգ քաշային կարգում, հրում վարժությունում 196 կգ արդյունքով նվաճել էր բրոնզե մեդալ։ Այսպիսով` հայ ծանրորդները Մոսկվայում արդեն նվաճել են երկու ոսկե, մեկ արծաթե և երեք բրոնզե մեդալներ։

 Ծանրորդներին մեդալները հանձնեց ԿԳՄՍ փոխնախարար Կարեն Գիլոյանը։

Հավելենք, որ առաջիկա օրերին մեր հավաքականի կազմում մրցահարթակ են դուրս գալու Դավիթ Հովհաննիսյանն ու, Հակոբ Մկրտչյանը (96 կգ),Արսեն Մարտիրոսյանն ու Սամվել Գասպարյանը (102 կգ),Սիմոն Մարտիրոսյանը (109 կգ) և Գոռ Մինասյանն ու Վարազդատ Լալայան (109 + կգ) քաշային կարգերում։

Իսկ կանանց մրցումներին կմասնակցեն Լիանա Գյուրջյանը (81 կգ), Տաթև Հակոբյանը (87 կգ) և Արփինե Դալալյանը (87+կգ)։

218
թեգերը:
չեմպիոն, Ոսկի, մեդալ, ծանրորդ, Մոսկվա
Ըստ թեմայի
Ինչպե՞ս հաղթել Ռումինիայի հավաքականին. մեր թիմի նախկին ֆուտբոլիստները փակագծեր են բացել
«Նոր 5:0-ներ չեմ ակնկալում»․ Հայաստանի հավաքականի նախկին մարզիչը՝ առաջիկա խաղի մասին
Հայաստանի հավաքականի ֆանտաստիկ արդյունքը՝ երեք խաղ, երեք հաղթանակ ընտրական խմբում
Դմիտրի Պեսկով

Ղարաբաղում «Իսկանդեր-Մ»–ի հրթիռներ գտնելու հարցը քննարկում են զինվորականները. Պեսկով

45
(Թարմացված է 14:53 13.04.2021)
Ադրբեջանի նախագահը հայտարարել է, որ ՌԴ նախագահի հետ քննարկել է Ղարաբաղում «Իսկանդեր-Մ» հրթիռների հայտնաբերման մասին տեղեկությունը:

ԵՐԵՎԱՆ, 13 ապրիլի – Sputnik. Ռուսաստանի նախագահի մամուլի քարտուղար Դմիտրի Պեսկովն այսօր լրագրողներին ասել է, որ Ղարաբաղում «Իսկանդեր-Մ» համալիրների հրթիռներ հայտնաբերելու հարցը քննարկում են զինվորականները։ Տեղեկությունը հայտնում է ՌԻԱ Նովոստին։

«Զինվորականները երկխոսության մեջ են, որի ընթացքում քննարկվում են բոլոր համապատասխան հարցերը», - ասել է Պեսկովը՝ պատասխանելով հարցին, թե արդյոք այդ թեման քննարկվե՞լ է երկու նախագահների հեռախոսազրույցի ընթացքում:

Ավելի վաղ Ադրբեջանի նախագահ Իլհամ Ալիեւը հայտարարել էր, որ ՌԴ նախագահ Վլադիմիր Պուտինի հետ քննարկել է Ղարաբաղում «Իսկանդեր-Մ»–ի հրթիռներ հայտնաբերելու մասին տեղեկությունը, Բաքուն այդ կապակցությամբ պաշտոնական նամակ է ուղարկել Մոսկվա:

Հիշեցնենք` մարտի 31-ին ադրբեջանական ԶԼՄ-ներում տեղեկություն հայտնվեց Շուշիում «Իսկանդերի» բեկորների հայտնաբերման մասին։ Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «հայտնաբերվել են երկու հրթիռի բեկորներ»։ Սակայն Հայաստանի զինանոցում առկա են «Իսկանդեր-Է» տեսակները, իսկ Շուշիում հայտնաբերված և ավելի ուշ Բաքվում ցուցադրվածը «Իսկանդեր-Մ»-ի բեկորներ են։ Ըստ փորձագետների` դրանք կարող էին բերվել Սիրիայից, թուրք մասնագետների կողմից։

Դրանից հետո ադրբեջանական ԶԼՄ-ներում ենթադրություններ հայտնվեցին, որ ադրբեջանական ԶՈւ-ի ուղղությամբ «Իսկանդեր» է կիրառել Ռուսաստանը։

«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին

45
թեգերը:
Իսկանդեր, Դմիտրի Պեսկով, Ռուսաստան, Լեռնային Ղարաբաղ
Ըստ թեմայի
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
«Իսկանդեր Մ»–ի բեկորները Շուշի են բերվել Սիրիայից. Դավիթ Շահնազարյան
Արարատ Միրզոյան

Արարատ Միրզոյանն աշխատանքային այցով կմեկնի Սանկտ Պետերբուրգ

15
(Թարմացված է 10:50 13.04.2021)
Ազգային ժողովի նախագահը մասնակցելու է ԱՊՀ միջխորհրդարանական վեհաժողովի խորհրդի նիստին:

ԵՐԵՎԱՆ, 13 ապրիլի - Sputnik. ՀՀ Ազգային ժողովի նախագահ Արարատ Միրզոյանն ապրիլի 13-ին աշխատանքային այցով կմեկնի Սանկտ Պետերբուրգ: Տեղեկությունը հայտնում է ԱԺ պաշտոնական կայքը։

Միրզոյանը մասնակցելու է ԱՊՀ միջխորհրդարանական վեհաժողովի խորհրդի նիստին:

Այցի շրջանակում նախատեսվում են նաև երկկողմ հանդիպումներ ՌԴ Դաշնային խորհրդի նախագահ Վալենտինա Մատվիենկոյի և կազմակերպության անդամ այլ երկրների խորհրդարանների ղեկավարների հետ:

Հիշեցնենք, որ ապրիլի 15-ին Տավրիդյան պալատում տեղի կունենա ԱՊՀ Միջխորհրդարանական վեհաժողովի խորհրդի նիստը՝ տեսակոնֆերանսների միջոցով։ Նիստի գլխավոր հարցն է լինելու համաճարակի ժամանակաշրջանում միգրացիոն գործընթացների օրենսդրական կարգավորումը և ԱՊՀ մասնակից պետությունների խորհրդարանների դերը:

Միջոցառմանը կմասնակցեն վեհաժողովում խորհրդարանական պատվիրակությունների ղեկավարները, փորձագետներ։ Նիստը վարելու է Վալենտինա Մատվիենկոն:

ԱՊՀ երկրները հակաահաբեկչական վարժանք կանցկացնեն

15
թեգերը:
Վալենտինա Մատվիենկո, Ռուսաստան, Հայաստան, Արարատ Միրզոյան
Ըստ թեմայի
Ռուսաստանը Թուրքիային զգուշացնում է չսնել Ուկրաինայի ռազմատենչ տրամադրությունները․ Լավրով
Ռուսաստանը որոշել է դադարեցնել Թուրքիայի հետ ավիահաղորդակցությունը
Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները
Դին տեղափոխում են շտապօգնության ավտոմեքենա, արխիվային լուսանկար

Ողբերգական դեպք Սյունիքում. պայթյունի հետևանքով 45-ամյա տղամարդ է մահացել

0
(Թարմացված է 17:45 13.04.2021)
Տղամարդը զոդման աշխատանքներ է իրականացրել Ագարակ-Կարճևան ավտոճանապարհին, այդ ընթացքում պայթյուն է տեղի ունեցել։

ԵՐԵՎԱՆ, 13 ապրիլի– Sputnik. Այսօր ողբերգական դեպք է տեղի ունեցել Սյունիքի մարզում: Ժամը 16:50-ի սահմանում ոստիկանության Մեղրիի բաժինը «Մեղրի» բժշկական կենտրոնից ահազանգ է ստացվել, որ իրենց մոտ տղամարդու դի է տեղափոխվել: Տեղեկությունը հայտնում է shamshyan.com–ը։

Հիվանդանոց են մեկնել ոստիկաններն ու քննիչները և պարզել, որ մահացածը Ագարակ քաղաքի բնակիչ, 45-ամյա Գուրգեն Աղաբեկյանն էր:

Պարզվել է նաև, որ վերջինս Ագարակ-Կարճևան ավտոճանապարհին զոդման աշխատանքներ է իրականացնելիս եղել, և այդ ընթացքում պայթյուն է տեղի ունեցել, ինչի հետևանքով էլ նա մահացել է:

Դեպքի վայր է մեկնել նաև ՀՀ արտակարգ իրավիճակների նախարարության փրկարար ծառայության Սյունիքի մարզային փրկարարական վարչության Մեղրիի հրշեջ-փրկարարական ջոկատը՝ 1 մարտական հաշվարկով:

Սիմոն Մարտիրոսյանի նկատմամբ խափանման միջոց է ընտրվել

Փաստի առթիվ Սյունիքի մարզային քննչական վարչությունում նյութեր են նախապատրաստվում:

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

Ողբերգական ավտովթար Արտաշատի կամրջի մոտ. 34–ամյա վարորդը տեղում մահացել է

0
թեգերը:
տղամարդ, Մահ, պայթյուն, Սյունիքի մարզ, Հայաստան
Ըստ թեմայի
Ողբերգական դեպք Արարատի մարզում. մեքենան մխրճվել է գնացքի մեջ, վարորդը տեղում մահացել է
Երևանի տան պատշգամբում մահացած են գտել ռուս գեներալի դստերը․ առկա է հրազենային վնասվածք
Կրակոցներ Երևանում. մի քանի մարդ հիվանդանոց է տեղափոխվել
Փրկարարները գտել են Հրազդանում կորած 55-ամյա քաղաքացու դին