Центр содействия мигрантам в Волгограде

Օտարերկրացիներն ավելի հեշտությամբ կկարողանան ՌԴ քաղաքացիություն ստանալ

163
Միգրանտների երեխաները նույնպես կարող են երկարաժամկետ կացության թույլտվություն ստանալ, եթե նրանց ծնողներն աշխատում են Ռուսաստանում:

ԵՐԵՎԱՆ, 7 ապրիլի – Sputnik, Մարիա Նաումենկո․ Ռուսաստանում միգրանտների համար կացության երեք հիմնական կարգավիճակ կսահմանվի։ Դա նախատեսված է «Օտարերկրյա քաղաքացիների և քաղաքացիություն չունեցող անձանց մուտքի (ելքի) և գտնվելու (բնակության) պայմանների մասին» նոր օրինագծով:

«Ներդրվում է երեք հիմնական միգրացիոն կարգավիճակ`կարճաժամկետ կացություն (մինչև 90 օր), երկարաժամկետ կացություն և մշտական բնակություն, որի շրջանակում օտարերկրյա քաղաքացիները կարող են օրինական կերպով գտնվել Ռուսաստանի Դաշնության տարածքում»,- Sputnik-ի հարցմանն ի պատասխան հայտնել են ՌԴ ՆԳՆ-ից։

Հիմա Ռուսաստանում օտարերկրյա քաղաքացիները երեք իրավական կարգավիճակ ունեն՝ ժամանակավոր գտնվողներ, ժամանակավոր բնակվողներ և ՌԴ տարածքում մշտապես բնակվողներ։

Վիրավոր զինծառայողներին աշխատանքի ընդունած գործատուն գումար կստանա պետությունից

Գերատեսչությունից մանրամասնել են, որ «կարճաժամկետ գտնվելը» ենթադրում է տարվա ընթացքում 90 օրից ոչ ավել գտնվել Ռուսաստանում (հիմա 90 օր է՝ 180 օրվա ընթացքում)։ «Երկարաժամկետ գտնվելու» ռեժիմը միասնական միգրացիոն ռեժիմ է արտասահմանցիների համար, որոնք օրինական հիմքով 90 օրից ավել գտնվում են ՌԴ-ում։

«Օտարերկրյա քաղաքացու գտնվելու թույլատրելի ժամկետը կերկարաձգվի կամ կկրճատվի, եթե փոխվել են պայմանները կամ դադարել են գոյություն ունենալ այն հանգամանքները, որոնց կապակցությամբ նրան թույլատրվել է գտնվել ՌԴ-ում»,-ավելացրել են նախարարությունում։

Միգրանտների երեխաները նույնպես կարող են երկարաժամկետ կացության թույլտվություն ստանալ, եթե նրանց ծնողներն աշխատում են Ռուսաստանում:

Բացի այդ, հիմա օտարերկրացիներին ՌԴ քաղաքացիություն ստանալու համար հարկավոր է կացության թույլտվություն (вид на жительство) ստանալ: Կացության թույլտվությունն իր հերթին ձևակերպվում է ժամանակավոր բնակության թույլտվության առկայության դեպքում, որը ստանում են քվոտայի շրջանակում։ Երբ նոր օրենքն ուժի մեջ մտնի, մշտական բնակությունը կդառնա հիմնական միգրացիոն կարգավիճակ և արտասահմանցուն թույլ կտա ապագայում ՌԴ քաղաքացիության հավակնել։

ՆԳՆ-ի տվյալներով՝ 2021 թվականի հունվար-փետրվար ամիսներին միգրացիոն հաշվառման է կանգնել 1 մլն 84 հազար քաղաքացի, այդ ցուցանիշը կրկնակի քիչ է նախորդ տարվա նույն ժամանակահատվածի թվից։

ՀՀ-ում աշխատող օտարերկրացիների պայմանագրերը հասանելի կլինեն կառավարությանը

163
ՆԱՏՕ–ի գրասենյակը

ՆԱՏՕ-ն իր աջակցությունն է հայտնել Չեխիային` ընդդեմ Ռուսաստանի

38
(Թարմացված է 19:33 18.04.2021)
Հյուսիսատլանտյան դաշինքը աջակցություն է հայտնում Վրբետիցե գյուղում սպառազինությունների պահեստի պայթյունի հետևանքով զոհվածների հարազատներին և նշում, որ մեղավորները պետք է պատասխանատվության ենթարկվեն:

ԵՐԵՎԱՆ, 18 ապրիլի – Sputnik. ՆԱՏՕ-ն իր աջակցությունն է հայտնել Չեխիային, որը մեղադրում է Ռուսաստանին 2014 թվականին չեխական Վրբետիցե գյուղում սպառազինությունների պահեստի պայթյունի հնարավոր մասնակցության համար։ Այս մասին գրում է ՌԻԱ Նովոստին:

«Մենք սատարում ենք մեր դաշնակցին՝ Չեխիայի Հանրապետությունը, իր տարածքում Ռուսաստանի չարամիտ գործողությունների դեմ պայքարի և հետաքննության հարցում: Այդ գործողությունները համապատասխանում են Ռուսաստանի վտանգավոր վարքագծի մոդելին»,- գործակալությանն ասել է ՆԱՏՕ–ի ներկայացուցիչը:

Նա ընդգծել է, որ ՆԱՏՕ-ն «աջակցություն է հայտնում Վրբետիցեում պայթյունի ժամանակ զոհվածների մտերիմներին: Մեղավորները պետք է պատասխանատվության ենթարկվեն»:

«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ

Այսօր`ավելի վաղ, Ռուսաստանի ԱԳՆ-ն բողոքի նոտա է հղել Չեխիայի իշխանություններին ռուս դիվանագետների արտաքսման համար:

Հիշեցնենք, որ Չեխիայի ԱԳ նախարարի ժամանակավոր պաշտոնակատար Յան Գամաչեկը նախօրեին հայտարարել էր ՌԴ դեսպանության 18 աշխատակցի արտաքսելու որոշման մասին, որոնք, նրա խոսքով, ՌԴ Արտաքին հետախուզության ծառայության և Գլխավոր հետախուզական վարչության սպաներ են և առնչություն են ունեցել Վրբետիցե գյուղի զինամթերքի պահեստում 2014 թվականին տեղի ունեցած պայթյունին:

ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ

38
թեգերը:
Ռուսաստան, Չեխիա, ՆԱՏՕ
Ըստ թեմայի
ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ
Մեկը ՆԱՏՕ–ն է. եվրոպացիներին կարգի հրավիրելու համար ԱՄՆ–ն երկու գործիք է օգտագործում
Ինչպես է ՆԱՏՕ-ն վերակազմակերպվում Բայդենի օրոք
Վաշինգտոնը գայթակղում է Կիևին ՆԱՏՕ-ին անդամակցությամբ
ՌԴ ԱԳՆ

ՌԴ ԱԳՆ-ն բողոքի նոտա է հղել Չեխիային ռուս դիվանագետների արտաքսման համար

52
(Թարմացված է 17:56 18.04.2021)
ՌԴ ԱԳՆ-ից ընդգծել են, որ այդ քայլը «վերջին տարիներին Չեխիայի նախաձեռնած հակառուսական ակցիաների» շարունակությունն է:

ԵՐԵՎԱՆ, 18 ապրիլի – Sputnik. Ռուսաստանի ԱԳՆ-ն բողոքի նոտա է հղել Չեխիայի իշխանություններին ռուս դիվանագետների արտաքսման համար: Տեղեկությունը հայտնում է ՌԴ ԱԳՆ մամուլի ծառայությունը։

«Պատասխան միջոցներ կընդունենք, որոնք կստիպեն այդ սադրանքի հեղինակներին գիտակցել մեր երկրների միջև հարաբերությունների բնականոն զարգացման հիմքերը խախտելու պատասխանատվության իրական ծավալը։ Չի կարելի չնկատել նաև ամերիկյան հետքը: Փորձելով հաճոյանալ ԱՄՆ-ին՝ վերջերս Ռուսաստանի դեմ սահմանված ամերիկյան պատժամիջոցների ֆոնին Չեխիայի իշխանությունները գերազանցել են անգամ օվկիանոսից այն կողմ գտնվող իրենց տերերին»,– նշված է գերատեսչության հայտարարության մեջ:

ԱԳՆ-ից նշել են, որ դիվանագետներին արտաքսելու մասին որոշումն ընդունվել է «մերկապարանոց և մտացածին պատրվակներով»:

Հարկադրված միջոց է. Զախարովան մեկնաբանել է դիվանագետների արտաքսումը

Հիշեցնենք, որ Չեխիայի ԱԳ նախարարի ժամանակավոր պաշտոնակատար Յան Գամաչեկը նախօրեին հայտարարել էր ՌԴ դեսպանության 18 աշխատակցի արտաքսելու որոշման մասին, որոնք, նրա խոսքով, ՌԴ Արտաքին հետախուզության ծառայության և Գլխավոր հետախուզական վարչության սպաներ են և առնչություն են ունեցել Վրբետիցե գյուղի զինամթերքի պահեստում 2014 թվականին տեղի ունեցած պայթյունին:

Դիվանագետներին արտաքսելու պատճառով ՌԴ դեսպանին կանչել են Գերմանիայի ԱԳՆ

52
թեգերը:
Դիվանագետ, Չեխիա, Ռուսաստան
Ըստ թեմայի
Ռուս դիվանագետները կոչ են արել ամերիկացի գործընկերներին Սև ծովում «զենք չճոճել»
Դիվանագետներին չեն լսում՝ կլսեն զինվորականներին. Իրանը կրկին նախազգուշացնում է կողմերին
Ռուս դիվանագետին Ադրբեջանի ԱԳՆ են կանչել Միլոնովի` ԼՂ–ի մասին հայտարարությունների պատճառով
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը